انا عندى رأى ممكن يكون غريب بالنسبه لكم بس حاقوله و الايام حتورينا هل توقعى صحيح ام لا ........ فى ناس بتقول لن العقوبه التقيله دى دليل على ان جوزيه عايز يبعد متعب عن التدريب و بالتالى عن الفورمه و اكيد حيحتاج وقت عشان يرجع تانى و انه اكيد فى اتجاه انه يستعين باسامه حسنى و يركن متعب شويه , لكن انا شايفه انهم شددوا العقوبه كده عشان يكتفوا بكده ، يعنى جوزيه ركن واحد زى حسن مصطفى شويه كويسين و شالوا من حساباته خالص من غير مايوقفوا عن التدريب و لا حاجه ، و اعتقد ان وائل جمعه متعاقب بنفس الطريقه ، لكن فى ناس جوزيه ميقدرش يركنهم على الدكه و اعتقد ان منهم عماد ( والدليل عقوبه حسام عاشور كانت تقيله و اول ما رجع لعب عادى ) يعنى عقوبه تقيله تاخدلها اسبوعين بدلا ما يركنه على الدكه لاجل غير مسمى .......
ده اعتقادى ان عماد اول ما حيخلص العقوبه حيرجع للتشكيل الاساسى و كل الناس حتبقى مقتنعه انه كفايه عليه قوى اللى جراله و عفا الله عما سلف ، و كأنه كان مصاب و رجع ، وبكده يبقى جوزيه ضرب عصفروين بجحر : من ناحيه عاقب عماد جامد على ما بدر منه و عقوبه تقيله معلنه ، و من ناحيه تانيه ميخسرش لاعب اساسى فى الفرقه غير فتره قصيره
و الله اعلم
ده اعتقادى ان عماد اول ما حيخلص العقوبه حيرجع للتشكيل الاساسى و كل الناس حتبقى مقتنعه انه كفايه عليه قوى اللى جراله و عفا الله عما سلف ، و كأنه كان مصاب و رجع ، وبكده يبقى جوزيه ضرب عصفروين بجحر : من ناحيه عاقب عماد جامد على ما بدر منه و عقوبه تقيله معلنه ، و من ناحيه تانيه ميخسرش لاعب اساسى فى الفرقه غير فتره قصيره
و الله اعلم
