ارحمونى ارجوكم @ محدش خرج من المحبوسين@والاعتصام غدا 4 عصرا

------------------------ بسم الله الرحمن الرحيم -------------

اليكم اخر التطورات

اولا احب بس اقول للاشخاص الى ميعرفوش حاجه ميفتوش وياريت نراعى ان الناس
اعصابها محروقه ومدمره وان فى اهالى ناس من المحتجزين بتخش منتديات علشان تعرف اخبارهم ايه

من زمايلهم فلما الاقى حد يقول
ان علام خرج وان الناس خرجت وهو مش متائكد ياريت ميقولشى
بعد ازنكم
ياريت ميقولشى لان مفيش حد خرج ولو علام خرج خلوه يخش
يجماعه مش عاوزين كلام وخلاص ابوس اديكم الموضوع كبير
اوى انا الى رجعنى المنتدى هنا تانى علشان خاطر الناس الى محبوسه
ولعد مايطلعه مش هخش هنا تانى ده قرارى وانا واخده
بس مش من اخلاقى ان اصدقاء يكونوا محبوسين وانا مكنشى متواجد وادافع عنهم واشوف طريقه للخروج ليهم
عموما انا
كنت قائد حمله الاعتصام وانا بعلنها ومش خايف لانى فى كوره وهنا ناس كتير قالولى مبروك عليك الرفد من الكليه
والاعتقال لانى بجد مستعد احارب الحكومه علشان الحق
وعلشان الناس تطلع
يمكن قالولى هتتمسك زى الى اتمسكت فى الفيس بوك وغيرها
انا ميهمنيش
انا لما دخلت العلوم السياسيه دخلت علشان اكون حاكم فى اللد دى او فى مكان كبير
لكن لو خفت وطاتيت وكنت زى العبد عمرى مهوصل لاى حاجه
انا اهون عليا اتحبس
افضل من انى اشوف اخويا واخوكم مرميين فى السجن بدون
زنب
عموما
انا ومجموعه من الناس قررنا الاعتصام غدا
امام النادى الاهلى
الساعه
4 عصرا
امام الاهلى بالجزيره واتمنى الى يقدر يجى يجى وينورنا
لاننا محتاجنكم كلكم
ويسئل عليا
والى عاوز يجى ومش يعرف يقلى وانا استناه فى اى مكان
او اجى اخده بالعربيه المهم
الكل لازم يجى يجماعه
يلا باى
واتمنى الكل يشارك

يا محمد بس انا كلمت بلال
وكان في بورسعيد وهو كان مع علام وسابه وهو مروح مع اهله


وكان كلمت علام ومبايلوا كان شغال بس مبيردش

midostare كتب:يا محمد بس انا كلمت بلال
وكان في بورسعيد وهو كان مع علام وسابه وهو مروح مع اهله


وكان كلمت علام ومبايلوا كان شغال بس مبيردش

انا بقلك مطلعشى اهوه
ولو طلع يبقى ممكن يكون طلع لواحده فقط
دا لو لكن مفيش حد خرج من الناس الى موجوده
وصدقنى مفيش حد خرج
ولو علام طلع
خليه يخش المنتدى
واتمنى من بلال يخش ويقول دا لو طلع
هو والناس بس المعلومات الى عندى من داخل النيابه نفسها ان محدش طلع

والله انا اتصلت وجرس وعادي

يبقى ازاي التليفون كان متاخد وقفلينوا وبعديها اشتغل


وبلال بقولي انا لسة سايبوا مع اهله روحوا مع بعض
وانهم دخلين على كايرو

midostare كتب:والله انا اتصلت وجرس وعادي

يبقى ازاي التليفون كان متاخد وقفلينوا وبعديها اشتغل


وبلال بقولي انا لسة سايبوا مع اهله روحوا مع بعض
وانهم دخلين على كايرو

ياريت والله يكون كلامك صحيح يارب يكون كده
بس لو كده
يبقى علام بس الى خرج

ومفيش اى حد تانى خرج خالص
وبكره الاعتصام زى ماقلت الاعتصام لناس الى مش بتخاف الرجاله الناس الى بتحب الحق
لكن اى حد هيخاف من ضربه عصايه او انه يتاخد احسنله يخليه فى بيتهم

بس مين الي قالك كده يا محمد

انا الي وصلي ان اعضاء الرابطة كلهم خرجوا

لكن التراس الي مخرجوش

وده من الناس الي في قلب الحدث

لاالة إلا الله والله انا مستغربة معقولة ناس تعتقل علشان مبارة كرة قدم ويضيعوا مستقبل الشباب دول ويوجعوا قلب اهلهم عليهم لاحول ولا قوة إلا بالله ربنا يطلعهم للاهلهم بالسلامةومدام هما مظلمينومعملوش حاجة يبقى ربنا هينجيهم ان شاء الله

الى قالى ياميدوا انى على اتصال بناس من مديريه امن بورسغيد الواء اسماعيل اباظه
وده الى خرج رامى امبارح
ولسه ليا جارى مصطفى بس هو قالى ان التدخل جه من فوق وصعب يعمل حاجه حاليا بس بيقول فى امل

ماشي
ما انا بقولك لسة التراس الاهلاوي

لكن الي وصلي ان الرابطة خرجوا
لأنه اصلا كان معاهم لما خرجوا

يا محمد الناس خرجت النهاردة خلاص رسميا الساعة 8 الصبح
وعلام ان شاء الله هيدخل المنتدي في اقرب وقت بس لما يفوق من اللى حصلو دا
لانها كانت صدمة جامدة اووي فعلا
وكلامي دا منحصر حاليا علي (رابطة مشجي الاهلي) اللى هما كلهم انتهت ازمتهم ورجعوا فعلا .
انما الالتراس او اي حاجة انا مقدرش اقول حاجة عليها لاني مش متأكد بس اللي انا متأكد منة ان في ناس في الالتراس مشيوا فعلا انما مش متاكد هل كانو كلهم خرجو زي رابطة مشجي الاهلي ولا لاء؟

بس كدا وبالمناسبة لولا تدخل شوبير في الموضوع مكنش خلص اصلا والناس كلها طلعت !!!

ورابطة مشجعي الاهلي ...رفعت رسميا قضية علي (سيد متولي) علي كل اللى حصل دا وطلب تعويض
لايقل عن مية الف جنية دا اقل حاجة كبداية ...

ربنا يعدى الموضوع لعى خير بجد وانا نفسى اعرف من الظالم ومين اللى مظلوم الناس كلها على جماهير الاهلى وبالذات الالتراس وبتقول انهم هما اللى رموا الطوب وهما اللى عملوا الشغب وهنا كلكم بتقولوا انكم مظلويمن وانكم اتاخدوا ظلم
بصراحة انا مش فاهمة اى حاجة من اللى بيحصل اصدق مين بالظبط
ومش قادرة اتخيل ان جمهور الاهلى المحترم يعمل كده

ربنا يسهل ويخرجوا ان شاء الله واكيد يامحمد بكرة او بعدة هنعرف ان شاء الله
ويارب يرجعلنا بالسلامة محمد علام
وكل الناس الى انتوا تعرفوهم

ايه يامان انت زعلت علشان بقلك جامد كيك
طب ده اميلى اصلى انا سمعت عنك كتير يكابتن اهلاوى لاخر انت
واكون سعيد لو اتعرفت عليك يانجم