جزء من رباعيات صلاح جاهين...اهداء لahly lover

الأصل هو الموت و الا الحياه ؟
عجبي !!!

ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!

ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!







محلا الحياة.. حتي في هيئة نبات
عجبي !!

سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!

كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!

عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!

رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!!!

ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!

يا سلام عليكي يا يويو بجد التوبيك تحففففففففه
وانتي عارفه انا بموووت في الرباعيا ت ميررررررررسي

العفو يا مرمر علي ايه
ده انا حطاها مخصوص عشانك

ميرسي يا قمر ربنا يخليكي ليا

العفو يا جميل

الله ايه الجمااااااااال ده ,,,تحفه يايويو تسلمى ياقمر

تسلم ايدك يا يويو على التوبيك الجامد ده
فعلا جميل

مرسى يا يويو تسلم ايدك

مرسي كاتي وبندقه واميره ومحمد
علي المرور الكريم

مرسىىىىىىىىىىىىىىىىىىى اوىىىىىىىىىىى ليكى على التوبيك..........

مير سى على التوبيك الرائع ده تسلم ايدك

مرسي سما وبطه علي المرور

جميله يا بنتى والله
بس هو كان لازم يعنى اهداء
هيا اميرة دى طالعه فى البخت دايما

مش عارفه مالك ومالها
هي بتحب الرباعيات دي
علي العموم مرسي علي الظرافه والمرور سوا

الله يسمحك
وانا مش هكلمك تانى
يلا بقى
سلام

ماتعيطش يا حبيبي
معلش معلش
هجيب لك مصاصه

شكرا يا جمييل اوي

moungy مرسي ليك

احمد الدلجمونى كتب:جميله يا بنتى والله
بس هو كان لازم يعنى اهداء
هيا اميرة دى طالعه فى البخت دايما

اطلع منها انت يا اونكل
ويويو دي حبيبتي ليك دعوه انت

ثانكس يا قمر
وماشي يا الي في بالي

مرسي علي مرورك يا جميييييييييييييييله
مالهاش اسم معين
اسمها رباعيات صلاح جاهين بس
وده جزء منها
لانها كبيره جداااااااااااا

ميرسى ليكى اووووووووووووووى
على التوبيك رائع وتحفة جدا
على فكرة انا علياء اخت اميرة

العفو يا لولو
ونورتي المنتدي