إنسان أيا إنسان ما أجهلك
/ ما أتفهك في الكون و ما أضألك
/ شمس وقمر و سدوم و ملايين نجوم
/ و فاكرها يا موهوم مخلوقه لك
علي بعد مليون ميل من أرضنا
/ من الفراغ الكوني بصيت أنا
/ لا شفت فرق بين جبال و بحور
/ و لا شفت فرق ما بين عذاب أو هنا
الفيلسوف قاعد يفكر سيبوه
/ لا تعملوه سلطان و لا تصلبوه
/ ما تعرفوش إن الفلاسفه يا هوه
/ اللي يقولوه بيرجعوا يكدبوه
في يوم صحيت شاعر براحة و صفا
/ الهم زال والحزن راح و اختفي
/ خدني العجب و سألت روحي سؤال
/ أنا مت ؟ و لا وصلت للفلسفة
إقلع غماك يا تور وارفض تلف
/ إكسر تروس الساقية و اشتم وتف
/ قال : بس خطوة كمان .. وخطوة كمان
/ يا اوصل نهاية السكة يا البير تجف
إيش تطلبي يا نفس فوق كل ده
/ حظك بيضحك و انتي متنكده
/ ردت قالت لي النفس : قول للبشر
/ ما يبصوليش بعيون حزينة كده
أعرف عيون هي الجمال و الحسن
/ و اعرف عيون تاخد القلوب بالحضن
/ و عيون مخيفة و قاسية وعيون كتير
/ وباحس فيهم كلهم بالحزن
شاف الطبيب جرحي وصف له الأمل
/ وعطاني منه مقام يا دوب ما اندمل
/ مجروح جديد يا طبيب و جرحي لهيب
/ ودواك فرغ مني .... و إيه العمل
يا قرص شمس ما لهش قبة سما
/ يا ورد من غير أرض شب و نما
/ يا أي معني جميل سمعنا عليه
/ الخلق ليه عايشين حياه مؤلمة
انا كل يوم أسمع ........ فلان عذبوه
/ أسرح في بغداد و الجزاير واتوه
/ ما أعجبش م اللي يطيق بجسمه العذاب
/ و اعجب من اللي يطيق يعذب أخوه
ورا كل شباك ألف عين مفتوحين
/ و انا وانتي ماشيين يا غرامي الحزين /
لو التصقنا نموت بضربة حجر
/ و لو افترقنا نموت متحسرين
علي رجلي دم .. نظرت له ما احتملت
/ علي إيدي دم.. سألت ليه ؟ لم وصلت
/ علي كتفي دم.. و حتي علي رأسي دم
/ أنا كلي دم .. قتلت ؟ ..... والا اتقتلت
نوح راح لحاله و الطوفان استمر
/ مركبنا تايهه لسه مش لاقيه بر
/ آه م الطوفان وآهين يا بر الأمان
/ إزاي تبان و الدنيا غرقانه شر
رقبه قزازة و قلبي فيها انحشر
/ شربت كاس و اتنين و خامس عشر
/ صاحبت ناس م الخمرة ترجع وحوش
/ و صاحبت ناس م الخمرة ترجع بشر
عجبتني كلمة من كلام الورق
/ النور شرق من بين حروفها و برق
/ حبيت أشيلها ف قلبي .. قالت حرام
/ ده أنا كل قلب دخلت فيه اتحرق
سهير ليالي و ياما لفيت و طفت
/ و ف ليه راجع في الضلام قمت شفت
/ الخوف ... كأنه كلب سد الطريق
/ و كنت عاوز أقتله .. بس خفت
أحب أعيش ولو في الغابات
/ أصحي كما ولدتني أمي و ابات
/ طائر .. حوان.. حشرة .. بشر ..بس أعيش
/ محلا الحياة.. حتي في هيئة نبات
يا باب يا مقفول ... إمتي الدخول
/ صبرت ياما و اللي يصبر ينول
/ دقيت سنين ... و الرد يرجع لي : مين ؟
/ لو كنت عارف مين أنا كنت أقول
أنا شاب لكن عمري ألف عام
/ وحيد لكن بين ضلوعي زحام
/ خايف و لكن خوفي مني أن
ا / أخرس و لكن قلبي مليان كلام
و الكون ده كيف موجود من غير حدود
/ و فيه عقارب ليه و تعابين ودود
/ عالم مجرب فات و قال سلامات
/ ده ياما فيه سؤالات من غير ردود
ياما صادفت صحاب و ما صاحبتهمش
/ و كاسات خمور و شراب و ما شربتهمش
/ أندم علي الفرص اللي انا سبتهم
/ و الا علي الفرص اللي ما سبتهمش
ضريح رخام فيه السعيد اندفن
/ و حفره فيها الشريد من غير كفن
/ مريت عليهم .. قلت يا للعجب
/ لاتنين ريحتهم لها نفس العفن
خرج ابن آدم من العدم قلت : ياه
/ رجع ابن آدم للعدم قلت : ياه
/ تراب بيحيا ... وحي بيصير تراب
/ الأصل هو الموت و الا الحياه ؟ !!!
تسلم يا غصن الخوخ يا عود الحطــب
/ بييجي الربيع .. تطلـــع زهورك عجب
/ و انا ليه بيمضـــي ربيع وييجي ربيع
/ و لسه برضك قلـــبي حتة خشب
قلبي عليل يا ناس و في الكاس دواه
/ مديت له إيدي شربت م اللي حــواه
/ جنبي الشمال خف .. اليمين اتــــوجع
/ و إيه يداوي الكبد م اللي كــــواه
دي مزكرات و كتبتها من ســنين
/ في نوتة زرقا لون بحور الحنيـــن
/ عترت فيها .. رميتها في المهمـــلات
/ وقلت صحيح أما صحيح كلام مخبولين
دخل الشتا وقفل البيبان ع البـــيوت
/ وجعل شعاع الشمس خيط عنكبوت
/ وحاجات كتير بتموت في ليل الشــتا
/ لكن حاجات أكتر بترفض تمــوت
ياللي انت بيتك قش مفروش بريش
/ تقوي عليه الريح .. يصبح ما فيش
/ عجبي عليك حواليك مخالب كـــــبار
/ و ما لكش غير منقار و قادر تعيش
رقاصه خرسا و رقصه من غير نغــم
/ دنيا . . يا مين يصالحها قبل النـدم
/ ساعتين تهز بوجههـــا يعنـي
/ يترجرجوا نهديها يعني نعــــم
إخطفني ياللي تحبني ع الحصان
/ الدنيا قالت يوم في ماضي الزمان
/ إخطفني ياللي تحبني ع الــفرس
/ الدنيا قالت .. قام خطفها الشيطان
من بين شقوق الشيش و شقشقت لك
/ مع شهقة العصافير و زقزقــت لك
/ نهار جديد انا . . قوم نشوف نعــمليه
/ انا قلت يا ح تقتلني .. يا ح اقـــــتلك
جالك أوان ووقفت موقف وجـــود
/ يا تجود بده يا قلبي يا بده تجــــود
/ ما حد يقدر يبقي علي كل شــئ
/ مع إن – عجبي – كل شئ موجود
أنا كنت شئ و صبحت شئ ثم شــئ
/ شوف ربنا .. قادرعلي كل شـــئ
/ هز الشجر شواشيه ووشوشني قال
/ : لابد ما يموت شئ عشان يحيا شئ
مشرط الجراح أمانة علـــيك
/ و انت ف حشايا تبص من حواليــك
/ فيه نقطة سوده في قلبي بدأت تبان
/ شيلها كمان .. و الفضل يرجع إليك
أيوب رماه البين بكل العـــــــــلل
/ سبع سنين مرضان وعنده شلل
/ الصــــبر طيب .. صبر أيوب شفاه
/ بس الأكـــــــــاده مات بفعل الملل
نسمة ربيع لكن بتكوي الوشـــــــوش
/ طيور جميلة بس من غير عشـــوش
/ قلوب بتخفق إنما وحــــــــــدها
/ هي الحياه كده .. كلها في الفاشوش
يا طير يا عالي في الســما طظ فيك
/ ما تفتكرشي ربنا مصطـــفيك
/ برضــك بتاكل دود و للطين تعًًًًودً تمــص فيه يا حلو .. و يمص فيك
كروان جريح مضروب شعاع م القمر
/ سقط من السموات فؤاده انكســـــر
/ جريت عليه قطه علشان تبلعــــه
/ أتاريه خيال شعراء و مالهـــــوش أثر
ياللي نصحت الناس بشـــرب النبيت
/ مع بنت حلوه .. وعود , وضحك , وحديت
/ مش كنت تنصحهم منين يكســـبوا تمن ده كله ؟
/ ... و الا يمكن نســــــــيت
ما حد في الدنيا واخد جزاتـــه
/ و لا حـــد بيفكر في غير لذاذاته
/ ما تعرفيش يا حبيبتي .. أنا و انتي مين؟
/ إنتي عروس النيل ... و أنا النيل بذاته
نظرت فوق للنجوم و انا ساير
/ رجليا عترت في الحفر و الحجاير
/ بقيت أقول و انا ع التراب: يا سلام
/ مش بس عبره أخذت لكن عباير
يا نجم .. نورك ليه كده بيرتجف ؟
/ هو انت قنديل زيت ؟ أو تختلف
/ - أنا نجم عالي .. بس عالي قوي
/ و كل ما انظر تحت اخاف انحدف
السم لو كان في الدوا منين يضر ؟
/ و الموت لو عدونا .. منين يسر؟
/ حط القلم في الحبر و اكتب كمان
/ .. و العبد للشهوات .. منين هو حر؟
وقفت بين شطين علي قنطـــــرة
/ الكدب فين و الصدق فيـــــن يا تري
/ محتار ح اموت .. الحوت خرج لي وقالي
/ هو الكلام يتقـــــاس بالمســـــــــطر
سرداب في مستشفي الولاده طويل
/ صرخات عذاب ورا كل باب وعويل
/ .. وفي الطــــــريق متزوقين البنات
/ متزوقـــــــــــــين للحب و المواويل
الدنيا أوده كـــــــــــبيره للانتظار
/ فيها ابن أدم زيه زي الحـــــــمار
/ الهم واحد .. و الملل مشــــــترك
/ و مفيش حمار بيحاول الانتـــــحار
/ ما أتفهك في الكون و ما أضألك
/ شمس وقمر و سدوم و ملايين نجوم
/ و فاكرها يا موهوم مخلوقه لك
علي بعد مليون ميل من أرضنا
/ من الفراغ الكوني بصيت أنا
/ لا شفت فرق بين جبال و بحور
/ و لا شفت فرق ما بين عذاب أو هنا
الفيلسوف قاعد يفكر سيبوه
/ لا تعملوه سلطان و لا تصلبوه
/ ما تعرفوش إن الفلاسفه يا هوه
/ اللي يقولوه بيرجعوا يكدبوه
في يوم صحيت شاعر براحة و صفا
/ الهم زال والحزن راح و اختفي
/ خدني العجب و سألت روحي سؤال
/ أنا مت ؟ و لا وصلت للفلسفة
إقلع غماك يا تور وارفض تلف
/ إكسر تروس الساقية و اشتم وتف
/ قال : بس خطوة كمان .. وخطوة كمان
/ يا اوصل نهاية السكة يا البير تجف
إيش تطلبي يا نفس فوق كل ده
/ حظك بيضحك و انتي متنكده
/ ردت قالت لي النفس : قول للبشر
/ ما يبصوليش بعيون حزينة كده
أعرف عيون هي الجمال و الحسن
/ و اعرف عيون تاخد القلوب بالحضن
/ و عيون مخيفة و قاسية وعيون كتير
/ وباحس فيهم كلهم بالحزن
شاف الطبيب جرحي وصف له الأمل
/ وعطاني منه مقام يا دوب ما اندمل
/ مجروح جديد يا طبيب و جرحي لهيب
/ ودواك فرغ مني .... و إيه العمل
يا قرص شمس ما لهش قبة سما
/ يا ورد من غير أرض شب و نما
/ يا أي معني جميل سمعنا عليه
/ الخلق ليه عايشين حياه مؤلمة
انا كل يوم أسمع ........ فلان عذبوه
/ أسرح في بغداد و الجزاير واتوه
/ ما أعجبش م اللي يطيق بجسمه العذاب
/ و اعجب من اللي يطيق يعذب أخوه
ورا كل شباك ألف عين مفتوحين
/ و انا وانتي ماشيين يا غرامي الحزين /
لو التصقنا نموت بضربة حجر
/ و لو افترقنا نموت متحسرين
علي رجلي دم .. نظرت له ما احتملت
/ علي إيدي دم.. سألت ليه ؟ لم وصلت
/ علي كتفي دم.. و حتي علي رأسي دم
/ أنا كلي دم .. قتلت ؟ ..... والا اتقتلت
نوح راح لحاله و الطوفان استمر
/ مركبنا تايهه لسه مش لاقيه بر
/ آه م الطوفان وآهين يا بر الأمان
/ إزاي تبان و الدنيا غرقانه شر
رقبه قزازة و قلبي فيها انحشر
/ شربت كاس و اتنين و خامس عشر
/ صاحبت ناس م الخمرة ترجع وحوش
/ و صاحبت ناس م الخمرة ترجع بشر
عجبتني كلمة من كلام الورق
/ النور شرق من بين حروفها و برق
/ حبيت أشيلها ف قلبي .. قالت حرام
/ ده أنا كل قلب دخلت فيه اتحرق
سهير ليالي و ياما لفيت و طفت
/ و ف ليه راجع في الضلام قمت شفت
/ الخوف ... كأنه كلب سد الطريق
/ و كنت عاوز أقتله .. بس خفت
أحب أعيش ولو في الغابات
/ أصحي كما ولدتني أمي و ابات
/ طائر .. حوان.. حشرة .. بشر ..بس أعيش
/ محلا الحياة.. حتي في هيئة نبات
يا باب يا مقفول ... إمتي الدخول
/ صبرت ياما و اللي يصبر ينول
/ دقيت سنين ... و الرد يرجع لي : مين ؟
/ لو كنت عارف مين أنا كنت أقول
أنا شاب لكن عمري ألف عام
/ وحيد لكن بين ضلوعي زحام
/ خايف و لكن خوفي مني أن
ا / أخرس و لكن قلبي مليان كلام
و الكون ده كيف موجود من غير حدود
/ و فيه عقارب ليه و تعابين ودود
/ عالم مجرب فات و قال سلامات
/ ده ياما فيه سؤالات من غير ردود
ياما صادفت صحاب و ما صاحبتهمش
/ و كاسات خمور و شراب و ما شربتهمش
/ أندم علي الفرص اللي انا سبتهم
/ و الا علي الفرص اللي ما سبتهمش
ضريح رخام فيه السعيد اندفن
/ و حفره فيها الشريد من غير كفن
/ مريت عليهم .. قلت يا للعجب
/ لاتنين ريحتهم لها نفس العفن
خرج ابن آدم من العدم قلت : ياه
/ رجع ابن آدم للعدم قلت : ياه
/ تراب بيحيا ... وحي بيصير تراب
/ الأصل هو الموت و الا الحياه ؟ !!!
تسلم يا غصن الخوخ يا عود الحطــب
/ بييجي الربيع .. تطلـــع زهورك عجب
/ و انا ليه بيمضـــي ربيع وييجي ربيع
/ و لسه برضك قلـــبي حتة خشب
قلبي عليل يا ناس و في الكاس دواه
/ مديت له إيدي شربت م اللي حــواه
/ جنبي الشمال خف .. اليمين اتــــوجع
/ و إيه يداوي الكبد م اللي كــــواه
دي مزكرات و كتبتها من ســنين
/ في نوتة زرقا لون بحور الحنيـــن
/ عترت فيها .. رميتها في المهمـــلات
/ وقلت صحيح أما صحيح كلام مخبولين
دخل الشتا وقفل البيبان ع البـــيوت
/ وجعل شعاع الشمس خيط عنكبوت
/ وحاجات كتير بتموت في ليل الشــتا
/ لكن حاجات أكتر بترفض تمــوت
ياللي انت بيتك قش مفروش بريش
/ تقوي عليه الريح .. يصبح ما فيش
/ عجبي عليك حواليك مخالب كـــــبار
/ و ما لكش غير منقار و قادر تعيش
رقاصه خرسا و رقصه من غير نغــم
/ دنيا . . يا مين يصالحها قبل النـدم
/ ساعتين تهز بوجههـــا يعنـي
/ يترجرجوا نهديها يعني نعــــم
إخطفني ياللي تحبني ع الحصان
/ الدنيا قالت يوم في ماضي الزمان
/ إخطفني ياللي تحبني ع الــفرس
/ الدنيا قالت .. قام خطفها الشيطان
من بين شقوق الشيش و شقشقت لك
/ مع شهقة العصافير و زقزقــت لك
/ نهار جديد انا . . قوم نشوف نعــمليه
/ انا قلت يا ح تقتلني .. يا ح اقـــــتلك
جالك أوان ووقفت موقف وجـــود
/ يا تجود بده يا قلبي يا بده تجــــود
/ ما حد يقدر يبقي علي كل شــئ
/ مع إن – عجبي – كل شئ موجود
أنا كنت شئ و صبحت شئ ثم شــئ
/ شوف ربنا .. قادرعلي كل شـــئ
/ هز الشجر شواشيه ووشوشني قال
/ : لابد ما يموت شئ عشان يحيا شئ
مشرط الجراح أمانة علـــيك
/ و انت ف حشايا تبص من حواليــك
/ فيه نقطة سوده في قلبي بدأت تبان
/ شيلها كمان .. و الفضل يرجع إليك
أيوب رماه البين بكل العـــــــــلل
/ سبع سنين مرضان وعنده شلل
/ الصــــبر طيب .. صبر أيوب شفاه
/ بس الأكـــــــــاده مات بفعل الملل
نسمة ربيع لكن بتكوي الوشـــــــوش
/ طيور جميلة بس من غير عشـــوش
/ قلوب بتخفق إنما وحــــــــــدها
/ هي الحياه كده .. كلها في الفاشوش
يا طير يا عالي في الســما طظ فيك
/ ما تفتكرشي ربنا مصطـــفيك
/ برضــك بتاكل دود و للطين تعًًًًودً تمــص فيه يا حلو .. و يمص فيك
كروان جريح مضروب شعاع م القمر
/ سقط من السموات فؤاده انكســـــر
/ جريت عليه قطه علشان تبلعــــه
/ أتاريه خيال شعراء و مالهـــــوش أثر
ياللي نصحت الناس بشـــرب النبيت
/ مع بنت حلوه .. وعود , وضحك , وحديت
/ مش كنت تنصحهم منين يكســـبوا تمن ده كله ؟
/ ... و الا يمكن نســــــــيت
ما حد في الدنيا واخد جزاتـــه
/ و لا حـــد بيفكر في غير لذاذاته
/ ما تعرفيش يا حبيبتي .. أنا و انتي مين؟
/ إنتي عروس النيل ... و أنا النيل بذاته
نظرت فوق للنجوم و انا ساير
/ رجليا عترت في الحفر و الحجاير
/ بقيت أقول و انا ع التراب: يا سلام
/ مش بس عبره أخذت لكن عباير
يا نجم .. نورك ليه كده بيرتجف ؟
/ هو انت قنديل زيت ؟ أو تختلف
/ - أنا نجم عالي .. بس عالي قوي
/ و كل ما انظر تحت اخاف انحدف
السم لو كان في الدوا منين يضر ؟
/ و الموت لو عدونا .. منين يسر؟
/ حط القلم في الحبر و اكتب كمان
/ .. و العبد للشهوات .. منين هو حر؟
وقفت بين شطين علي قنطـــــرة
/ الكدب فين و الصدق فيـــــن يا تري
/ محتار ح اموت .. الحوت خرج لي وقالي
/ هو الكلام يتقـــــاس بالمســـــــــطر
سرداب في مستشفي الولاده طويل
/ صرخات عذاب ورا كل باب وعويل
/ .. وفي الطــــــريق متزوقين البنات
/ متزوقـــــــــــــين للحب و المواويل
الدنيا أوده كـــــــــــبيره للانتظار
/ فيها ابن أدم زيه زي الحـــــــمار
/ الهم واحد .. و الملل مشــــــترك
/ و مفيش حمار بيحاول الانتـــــحار
