في الاول احب اعتذر اني اتاخرت كل ده عليكوا كان عندي ظروف كده واحب اقولكم وحشتوني اوي في الفترة دي المهم ابدأ بقي السلسلة وفي بداية كلامنا نحب نعرف بقي ايه هو الحب؟؟بالنسبة للبعض منا شايفين أن الحب ده شئ مش مهم في الحياة وشايفين أن الحياة تنفع من غير حب وتبقي عادية ويمكن أحلي كمان وده رأي ناس بس مش كل الناس,في ناس تانية بقي جامدين والله يقولولك آيه أن الحب لا غني عنه في حياتنا وده كمان للحب بجميع أشكاله وأنا عن نفسي بقي آه ولا قبل ما أقول رأيي أكيد لاحظتوا أني برده لسه مقلتش آيه هو الحب؟طيب يا جماعة أنا في مفهومي المتواضع عن الحب هو أن الحب أحساس مفيش أحلي من كده وأحساس رائع رائع أكيد كتير مننا جربناه وعرفنا قد آيه هو أحساس حلو عارفين ليه بنحس أنه حلو لأنه لما تعيش وتحس أنك مسؤول عن انسان بتعبره حبيبك وابنك وأخوك أو أختك وكل حاجة حلوة في حياتك أكيد حتلاقي الاحساس ده حلو جداا ده للي بيحب يشيل مسؤولية يعني أحنا ملناش دعوة بالناس الوحشة التانية اللي مبيتحملوش مسؤولية,وكمان لما تحس أنك مش خايف من بكرة مهما حصل فيه طول ما أنت مع حبيبك أو حبيبتك وتحس أنك مطمن وأنت معاه وده طبعا في الحلال أكيد ولما تحس أنك خايف عليه من كل حاجة ونفسك تحميه وتحافظ عليه وتشيله جوه عينيك وتحس ان الدنيا مش سايعاك وأنت معاه وحياتك ليها طعم ولون تانيين لما حبيته.علي رأي هدي سلطان لما قالت(عمري ما دقت الحب غير لما حبيتك)ولا بقي أم كلثوم الست العظيمة دي وهي بتقول(في الدنيا مفيش أبدا أبدا أحلي من الحب)يا سلام عالكلام الجميل.هو ده بقي أحساسك بالحب أكيد فكرتكم بذكريات حلوة لكل واحد أو واحدة منكم يارب تكون ذكريات حلوة.طيب وأزاي بقي تعرف أصلا أنك بتحب؟؟أنا مش حكرر في كلام أتقال كذا مرة وكتير مننا قرينا عن موضوع أزاي تعرف أنك بتحب بس أنا عايزة أوضح حاجة أنك لما بتحب بتلاقي نفسك بقيت زي الطير وطاير في السما لما تحس أنك كنت مهتم بانسان وهو كمان بادلك نفس الاحساس يا جمال الاحساس ده روعة أوي,وكمان تتأكد أنك بتحبه لما تلاقي وهو بعيد عنك أنك مش طايق تقعد من غيره وكأنك قاعد علي نار نار يا حبيبي نار هههههههه,ولا بقي لما يغيب عنك كام يوم وفجأة تلاقيه بيكلمك يا جمال كده أكيد حاسيين معايا آد آيه الاحساس ده روعة.أفتكر أني وضحت أزاي تعرف أنك بتحب وآيه هو الحب بس علي بسيط عشان مكررش في كلام أتقال في كذا موضوع قبل كده أنا حبيت أوضح حاجات أساسية للحب.طيب عندي سؤال ياتري كل واحد أو واحدة حبيت سألتوا نفسكم حبيتوا في الشخص ده آيه؟؟يعني بمعني تاني حبيتها أو حبيتيه ليه؟؟...أوعوا حد يجاوب أحسن أزعل منكم بصوا أنا عن نفسي أجابتي عن السؤال ده ومشهورة جدا برأيي ده أنه((الحب لو لقيت ليه سبب وسألت نفسك حبيت ده ليه وقلت أسباب ميبقاش حب لأن الحب بيجي فجأة ومن غير تحذير عشان لو ليه سبب ميبقاش حب))عارفين ليه لأن الحب ده أحساس بيجيلك من قلبك ولو فكرت وقلت أسباب يبقي عقلك أشتغل ولغي قلبك وعمر ما في حب كويس يجي من العقل لأنه حيبقي حب سد خانة مش أكتر حيبقي بارد من غير عواطف لأن الاداة الرئيسية للحب أتعطلت وهي القلب.وده مش معناه أننا منشغلش عقلنا لأ أبدا كده يبقي كل واحد حيستسلم لأي حاجة غلط تتقال من حبيبه بدافع أنه بيحب بقلبه وحبه صادق أنا بقول أن الحب لما يجي يشتغل القلب ومعاه العقل كمان عشان الحب يعيش حتقولوا أزاي العقل يشتغل ونبقي بنحب بجد طيب أسال سؤال ليه البنت مبتستسلمش لأي حاجة غلظ وتمنع نفسها عن حبيبها آدام لسه ربنا مجمعهمش في بيت واحد في الحلال؟؟؟ده طبعا لأن البنت فاهمة كويس أوي أن الكلام ده غلط طب آيه اللي قالها أنه غلط؟؟العقل شوفتوا أزاي لازم القلب والعقل مع بعض.لأن القلب لوحده يعمل كوارث والعقل يسبب الماديات ويبقي مفيش مشاعر دي حتبقي تعود بس وحب عشرة مش أكتر.ولا أنتوا مش معاي في الكلام ده..كده أنا عرفت الحب وفهمت أزاي تعرف أنك بتحب وقلت أزاي تحب بقلبك ولا بعقلك وبكده نبقي رتبنا أفكارنا عن بداية الحب بقي وبداية الدخول فيه هااااه عجبكم وحتستنوا الجزء التاني من السلسة يارب يكون الموضوع عجبكم وأستفدتوا حاجات منه ومكنش كررت في كلام.حنبدأ بقي لو عجبكم في أنواع الحب بس لما أشوف رأيكم آيه في الموضوع ده وياريت كل واحد أو واحدة تقول بقي أي كلمة عن رأيها في الحب وأي كلمة عن أحساسها بيه شكرا لحسن أستماعكم..ورأيي أنا بقي أن الحب لا غني عنه بجميع أشكاله...
امضاء:
عاشقة متيمة
امضاء:
عاشقة متيمة
