بسم الله الرحمن الرحيم
هاي يا جماعه إزيكو ؟؟؟؟؟؟؟؟ عاملين إيه ؟؟؟؟؟؟؟ يارب تكونو بخير إن شاء الله
أنا حبيت أكتب الموضوع دا عشان نعرف نساعد متعب بجد ,,,,,,
أنابجد بحب المنتدى دا جداً وبحب كل الأعضاء لانهم بيحبو متعب بجد ,,,,,
المهم .... كلنا شفنا ماتش الأهلي وغزل المحله ,,,,,, وشفنا متعب كان تعبان نفسياً إزاي ودا كان واضح جداً على متعب حتى بعد ما بركات دخل الجون الأول متعب رفع إيده كدا ومكانش مبسوط خالص وعنده حق طبعاً ..
بس الموضوع دا طول معاه أوووووووووي زاد عن حده خالص
متعب من قبل الإحتراف ومش هو متعب إلي نعرفه كويس وإلي المنتدى دا إتفتح عشانه ,,,,,,,,
هخرج عن موضوع متعب شويا وهرجعله تاني ,,,,,,,,,, هروح لحازم إمام .....
متستغربوش .....
كلنا عارفين أو سمعنا إن حازم بعد ماتش الإسماعيلي كان عايز يعتزل اللعب مع الزمالك بسبب الجماهير والصحافه والكلام دا .......
المهم في الموضوع بقى إلي عملته الجماهير بعد ما عرفو إن حازم هيعتزل ,,,,,, الجماهير راحت لحازم بيته وقعدت تهتف بإسمه وتقوله إوعى تزعل دول ناس مش بيحبو الزمالك ,,,,,, إنتا الكبير ........ ومواقع الزمالك ومنتديات حازم كانت بتتصل عليه عشان تخفف من عليه وتشيل عنه ........ ومواقع تانيه خلت الجماهير تكتب رأيها وبعتوه لحازم ,,,,,, وإلي بيحبو حازم راحوله التمرين وقعدو يهتفو بإسمه ,,,,, حاجه حلوه
طيب نرجع لمتعب ,,,,,,,,, متعب في أزمه أنا بعتبرها كبيره ,,,,,,,,, وإن متعب لو فضل كدا ممكن أوي يعتزل
أو يفقد الثقه في نفسه وبكدا مش هيلعب أساساً ,,,,,,
طب ليه إحنا ساكتين ,,,,,,,,,, يعني مش إحنا برضو المنتدى الرسمي بتاع متعب ........
على الأقل نقف جنبه نساعده نشده من أزمته دي ,,,,,,,,
فيها إيه لما نكتب موضوع وكل الأعضاء تدخل تقول لمتعب كلمه والكلام دا حد يوصله لمتعب ويشوف الناس بتحبه قد إيه ؟؟؟؟؟
فيها إيه لما مثلاً تتفق مجموعه من الأعضاء أصحاب أو قربين من بعض يروحو لمتعب التمرين يشجعوه حتى مش لازم يدخلو التمرين ويستنوه بره ,,,,,,
صدقوني لو متعب حس إن جماهير الأهلي بتحبه وإنو لسه كويس هيقدر يرجع زي الأول وأحسن والله ,,,,,, وحتى لو إحترف مش هينسى أحسن جمهور وقف جنبه وساعده ونحسسه إن ليه جمهور لوحده بيحبه وبيخاف عليه وعايزه أحسن لاعيب في مصر ........
أنا نفسي أي حد يدخل الموضوع دا مش يقولي عندك حق وخلاص أو يقول إقفلو الموضوع ,,,,,,,,, لا يفكر كويس ويحاول يساعد متعب ,,,,,,,, يدخل يقول إقتراحات عشان نساعد متعب ...... نعمل أي حاجه بس نساعد متعب
هتقولولي كنا بنشجعه في ماتش المحله هقولكو لازم يعرف إن ليه جمهور لوحده بيحبه ويحترمه وواقف معاه ,,,,,,,وخصوصاً الفتره دي وقبل ما الأهلي يدخل جامد في الدوري ويتشغل في أفريقيا ....
لازم يعرف إن جماهير الأهلي معاه وهتفضل معاه مهما كان الأمر ,,,,,,, وإنه لازم يركز مع الأهلي حالياً وينسى الإحتراف شويا ,,,,,,,, طب الكلام دا مين هيقولو لمتعب ؟؟؟؟ أو بمعنى أصح لازم إلي بيحبه هو إلي يقله الكلام دا
وإحنا بنحب متعب وهو لازم يسمع الكلام دا من ناس كتيره وممنا بالذات لاننا إحنا جمهوره إلي بنحبه .....كل دا عشان ثقته نرجع ليه تاني ويرجع متعب بتاع زمان ,,,,,
ياريت كل عضو بيحب متعب بجد وبيحب النادي الأهلي وخايف عليه وعلى متعب إبن النادي الأهلي يشوف حل يقدم إقتراحات نساعده بيها ,,,,,,,, إلي يعرف بيته يروحله هو وأصحابه زي ما الناس عملت مع حازم ........ متعب يستاهل إننا نعمل أكتر من كدا عشانه .......
بس نعمل نساعد ونفكر ,,,,,,, أرجوكم تساعدوني في كدا وتحاولو معايا بجد .....
أسفه لو كنت طولت أو حد زعل مني بس دا من حبي لمتعب بجد وحبي للأهلي إلي لو إن شاء الله وصل لليابان هيحتاج متعب بجد ,,,,,,,,
يارب تكون رسالتي وصلت لكل عضو ,,,,,,, وأسفه لو كان الموضوع مخالف ومستنيه رأيكم وبتمنى من ربنا وأنا بكتب الموضوع دا إننا نوصل لحل بجد ونتفق إننا نعمل حاجه لمتعب وإيه هيا الحاجه دي ؟؟؟؟؟؟
مستنيه أرائكم وإقتراحاتكم ,,,,,, وشكراً
ميرو
