تأجيل احتراف متعب وحالته النفسية سيئة جدا

المشكلة مش مشكلة عماد احترف و لا لأ..دى مشكلة لاعب مصرى مش لاقى نفسه فى الدورى المصرى..مشكلة الكرة المصرية ..مشكلة ان أخواتنا و لاعبيتنا عايزة تهج و تمشى وتسافر ...و تروح تلعب فى منظومة كروية أحسن..و تعيش فى مكان هم شافين أنه أرقى من بلدهم ..مشكلة ان ده ممكن يكون حقهم مادام عندهم نفس امكانيات اللاعبين الغرب اللى بيتبهروا لما يشوفوهم فى ملاعب مبهرة و أضواء و ...و ....مع ان لاعبيتنا ممكن يكونوا أحسن منهم ..
مشكلة و مصيبة لاعب زى أحمد فتحى لما يقول.."انا مش عايز أرجع مصر"
مصر المذكورة فى القرآن الكريم..اولادها مش عايزين يرجعولها و كل واحد لأسبابه ..
فلاعب الكرة المحترف علشان المنظومة الكروية مثلا -و ده فى الحالة دى -مش عاجباه و عنده حق...المنظومة الكروية فى مصر فاشلة..و هكذا..

المشكلة فى كلام بلاش أقوله علشان المنتدى ده ميتقفلش ..مش عضويتى بس..

المشكلة أكبر بكتيييييييييييييييير من تأجيل احتراف متعب...

و هو ده الحل اللى متعب لازم يفهم انه طريقه للتغلب على الحالة النفسية السيئة ..الحل انه يعرف ان المشكلة أكبر منه و من الاهلى و من الاحتراف..المشكلة مشكلة وطن..و دى مش كلمات أو شعارات..دى الحقيقة..وطن بحاله يا عماد ..قدرك انك تكون منه..قدرك انك تكون مصرى ..و تواجه العالم بمصريتك اللى الكل و والله العظيم شرق و غرب بيحقدوا عليها و خايفين منها ..والله يا أخويا فى الاسلام و ابن بلدى....مش لازم تسيب وضع كروى سىء يهجرك من بلدك..ابدأ من هنا يا متعب..خليه تحدى مش انك تنجح لوحدك ..لأ تحدى ان الوضع كله يتغير ..عارفة حيتقال ايه هو انا حغير الكون..لأ محدش بيغير الكون..لكن ربنا بيغير الكون لما العايشين فى الكون بيحبوا انهم يتغيروا ..
و دى حياة حنعيشها حنعيشها لغاية لما ربنا يأمر و نموت و نبقى فى رحمته...فحاول تستفاد من الحياة فى كل أحوالها اللى انت مضطرتعيشها أو حابب تعيش فيها ..و أكيد انت عارف ان محدش حابب عيشته كلها ...
فوضعك دلوقت حاول تغيره و لو بجول أو بلعبة أو باصة حلوة متقنة جاية بعد مجهود و اتقان فى تمريناتك ..تسعد بيها الجماهير و تفرح قلوب فقراء و غلابة و معدومين و لو لثانية ..افتكرها حتكتب فى ميزان حسناتك والله..اعمل بالموهبة اللى ربنا اديهالك و حافظ عليها مش تكتئب و تضيعها ..وسع مداركك و نظرتك للحياة كلها و شوف ايه الجنان اللى بيحصل فى العالم كله و الخراب و الدمار و الله انا مش مجنونة..بس شوف اللى بيحصل فى العالم و حتحس بتفاهة اللى حصلك و اياك تقول و انا مالى انا خلينى فى حالى.لأ يا مسلم..بس شوف اللى بيحصل فى العالم والمسلمين و حسه بقلبك و حتضحك على الكآبة اللى ممكن تكون حسيتها للحظة على تأجيل احترافك أو حتى عدمه ..شوف ان الكورة دى ممكن تبقى سلاحك فى طريقك الوحيد فى الدنيا كلاعب كرة قدم ..و شوف حتتصرف ازاى لو أقتنعت ان هو ده طريقك الوحيد ..لعب الكرة فى أى مكان و فى أى وضع ..و لازم تحفر طريقك و تمشى فيه و تصبر ..و اعمل كل ما فى وسعك على انه يكون طريق محترم و شريف و يرضى الله عز و جل..و بسلاحك و بالكورة تنشرالروح الرياضية اللى هى أسمى حاجة ..هو فيه من ان خصمين المهزوم و المنتصر فيهم بيسلموا على بعض فى الآخر..تنشر بيها الوعى و حب الأطفال و الشباب للرياضة ..تنشر بيها الابتسامة و الفرحة على وشوش عائلات بحالها بتفرح بالنصر و الفوز و بلعبك فى الماتشات..و الأمم الأفريقية 2006 أكبر دليل...

و الأهم خلى السعادة نور طريقك ...السعادة اللى انسان هو اللى بيخلقها و كدب اللى يقول انها هى اللى بتيجى للأنسان ..يا تسعد نفسك يا تكئب نفسك..خلهىا النور اللى حينور طريقك الصعب لأنك ببساطة مسلم و مصرى و طريقك لازم يكون صعب ..لازم و حيفضل طول عمرك صعب.. ده قدرك يا مسلم يا مصرى يا عماد ...و لا مفر من قدرك ..
فأخلق السعادة من اى خير عندك ربنا رزقك بيه ..ده كفاية نور عنيك اللى بتشوف بيه..و من كل حاجة حلوة حوليك ربنا اديهالك لوحدك و مش عند غيرك ..و ساعتها قول بقلب راضى كدة..قلب البطل اللى يتولد مع كل موقف صعب يواجهه.. و قول "الحمد لله"

أنا مبقولش كلام انشاء...ده احساسى.... و مش عارفة أكتب غيره..أعمل ايه...أنا آسفة لازعاجكم..بس انا كنت عايزة اشارك فى الموضوع ..
و لو معرفتش ان عماد فاق من الاكتئاب الأهبل ده اللى عنده ده..انا مش عارفة أعمل ايه..أهى صلاة الجمعةدلوقت..يصلى كدة و يفوق لنفسه ..ياااااااااااااااااااااارب ارحمنا كلنا ...و سلام عليكم..

..أنا عرفت أنا حعمل ايه لو فضل مكتئب..حروح والله لروح النادى و أعضه....

ولا يهمك يا كابتن و خيرها في غيرها ورب ضارة نافعة
وان شاء الله يوفقك مع المنتخب و الاهلي
والاحتراف ده نصيب و مش كل اللي بيحترفو بيفيدو المنتخب زي لاعيبة الاهلي
حيث ان المنتخب معظمه من الاهلي

شكرا على الموضوع انا زعلان اوووى علشان متعب زعلان ونفسيته سيئة... بس يارب يامتعب متزعلش لانك لاعيب جامد ماشاء الله عليك واكيد كان العرض دة فيه شر ليك وربنا بعده عنك ... وعلى فكرة نادى ميدلسبره هما اللى خسروك مش انت اللى خسرتهم واصبر وان شاء الله حيجيلك عرض احسن منه 60 الف مرة ... متزعلش وركز فى التمرين وانسى الاحتراف خالص علشان ربنا يكرمك ويجيلك عرض احسن ان شاء الله

شكر اعلى الخبر
بس بجد اكيد كلنا زعلانين لمتعب علشان هو زعلان بس ممكن لو كان هيحترف مكنش ربنا هيوفقه وربنا يوفقه

انا ما عنديش كلام اقوله غير ان ربنا اكيد منع عنك العرض ده لانه شايف حكمه في كده و شايف الخير فين واوعي تزعل ابدا مش يمكن يروح عقد ميدلزبروه ييجي عقد لمانشتر ولا تشيلسي حد عارف
اوعي تزعل بجد وكلنا معاك ومستنيينك كلنا في مصر

قد الله و ما شاء فعل ....بجد كلنا لازم نقف جنبه دلوقتى ولازم نشجع متعب ..لانه كدة ممكن يعتزل ...انا عارف شعور الواحد لما يبقى مطلوب ..و بعد كدة يترفض ...بجد ربنا معاااااااااااك يا عماد ...ادعوا له باسم عماد محمد عبد النبى ابراهيم ...مش عماد متعب ..لان زى ما انتوا عارفين هو دة ..اسمه الحقيقى

rbana ykrmo w yf2o ya raaaaa
merci liky 3ala ltopic

فعلا يا جماعة متعب نفسيته زي الزفت وبجد ياريت نقترح حاجة ممكن نساعد بيها عماد

اقولك ايه يا متعب انا زعلانه علشانك كتير

بس والله متزعلش لان ان شاء الله يجيلك عرض احسن من ده بكتيييييييير

ورب ضره نافعه والله يكون فى عونك

بس بجد يا كابتن اعمل اللى عليلك وفوض امرك لله

جميييييييييييييييييييييله

انشاء الله يا متعب هيجيلك عرض احسسسسسن منه بكتيييييييير
ومتزعلش نفسك يا متعب وربنا معاك يااااارب ويوفقك
يا متعب الحراااااااااااااس

انشاء الله ربنا يكرمه ويجيله عرض احسن من ده
وميرسى يا همسة على الخبر

مرسي اوى على الخبر
وربنا معااااااااااه ويوفقه

ربنا معك يا رب يا متعب
ممكن يجى احسن من اللى رايح
بس بجد بطلب منك ان ترجع لمستوك الحقيقى
علشاااااااااان انت برضو لسه بتعلب فى ناااااااااااادى
عريق جداااااااااااااااااااااااا و عالمى ايضا
فارجوك ارجع الى المتعب متعب
مع خالص تحياتى...المتعبه تمورة..ايمى