يا إدارة الأهلي.. راعوا حالة متعب النفسية

المشكلة أن متعب كان يلح علي إدارة الاهلي للحصول علي الموافقة بالذهاب للاختيار في النادي

الانجليزي وكأنه ضامن مكانه هناك، لكي يؤكد لجوزيه انه لاعب سوبر تتخطفه أندية الدنيا، وانه

لايحق لجوزيه ولا لاتخن مدرب ان يستبدله بلاعب آخر مهما كان اداءه في الملعب.
إزاى يعنى مش فاهمة دى
ياجماعة حرام عليكم مش كل حاجة هننقلها على المنتدى
لو هو دخل المنتدى وشاف الحاجات دى هيحس أنه أكبر من الأهلى زى مابيقولوا النفس أمارة بالسوء
خلوا بالكوا من كلامكم اليومين دول بالذات شويتين
طبعا لازم كلنا نشجعه ونقف جنبه لغاية مايرجع زى الأول وأحسن بس مش بالطريقة دى
إحنا ممكن ننسيه حكاية العرض دى وتأجيله أصلا مش نقعد نكلم كتير فيه لأنه خلاص دلوقتى مفيش حاجة
يارب أشوف اللى بتمناه فى ماتش بكره وأشوف يفط تعبر لمتعب أن وجوده فى الأهلى أكبر من وجوده فى النادى اللى أجل التعاقد معاه ويعرفه أن إرتداء فانلة الأهلى شرف بيتمناه ناس كتيرة
والله عارفة أنه كلامى مش هيعجبكم بس مش هقولكم غير أنى أهلاوية وبحب كابتن عماد وبدعيله فى كل صلاة يرجع زى الأول الإنسان الطيب واللاعب المجتهد الصبور اللى شجعناه وحبيناه وكمان قلت لأصحابى وقرايبى اللى رايحين الماتش هناك يشجعوه
ربنا معاك يامتعب وتجيب جون فى ماتش بكره وتنسى كل اللى فات وتبدأ من جديد وربنا هيعوضك عن كل حاجة إن شاء الله