الانتخابات المصرية بين سلبية الشعب المصرى وبين التزوير والغش والخداع

انتخابات مصر 2010 انا هتكلم معاكم بصورة ودية كاننا شلة قاعدين مع بعض فى الجامعة هنتكلم بحريتنا بس بلاش حرية كبيرة عشان الحرية غلط اوى الفترة دى
المهم تعالوا نتكلم بجد

الاسئلة

كام واحد فينا مهتم بالانتخابات ؟ اللى مهتم يقول ليه ؟ اللى مش مهتم يقول ليه برده ؟

هل ذهبت لصنايق الاقتراع وادليت بصوتك ؟ نعم او لا ؟ وليه ؟

اديت صوتك لمين للوطنى للمعارضة للاخوان ومتقولش دائرتك ولا منطقتك قول اديت لانهى جهة وبس ؟ وليه ؟

ايه رايك فى العملية الانتخابية هل تمت بنزاهة ؟ ام كانت هناك تزوير ؟

ايه رايك فى سلبية الشعب المصرى ؟ هل انت معاها ولا ضدها ؟ ولماذا ؟

ما سبب احجام الناخبين عن التصويت من وجهة نظرك ؟

ايه رايكم بقى بصورة عامة فى الانتخابات خصوصا بعد الاعلانات سواء من الوطنى او الوفد عن المشاركة ولا للسلبية ونعم للايجابية وادي صوتك ومستقبلك ومستقبل اولادك والكلام ده ؟ هل الكلام ده اضاف جديد للشعب المصرى ؟ ولا احنا عارفين انه كلام ضحك على الدقون والسلام

ياريت نتكلم مع بعض بصراحة دون ذكر اسماء معينين ودون التعرض بالالفاظ لاى شخصيات سواء وطنى او معارضة او اخوان لان كل منهم له احترامه وتقدير سواء اتفقنا او اختلفنا معه

انتظرونى هنزلكم كشف باسماء الناجحين فى الانتخابات يالا هيصوا

عاوز بقى مناقشات جادة جدا وقوية وبلاش كلمة شكرا على الموضوع

بعد اذنكم لانى مش بقول خبر ده موضوع للمناقشة كاننا فى كلية او فى كافيه او فى ندوة ثقافية او فى نادى او فى مركز شباب

فى إنتظاركم

تقبلوا ارقى واطيب تحياااااااااتى

محمد علام

[center]برافو فعلا يا محمد انت فتحت موضوع فى غايه الاهميه

كام واحد فينا مهتم بالانتخابات ؟ اللى مهتم يقول ليه ؟ اللى مش مهتم يقول ليه برده ؟
انا بقيت اهتم لانمن ضمن المرشيحن عن الدائره اتنين من بلدى

هل ذهبت لصنايق الاقتراع وادليت بصوتك ؟ نعم او لا ؟ وليه؟
طبعا روحت وادليت بصوتى علشان ابناء بلدى

اديت صوتك لمين للوطنى للمعارضة للاخوان ومتقولش دائرتك ولا منطقتك قول اديت لانهى جهة وبس ؟ وليه ؟
اخترت اتنين مستقل واخوان

ايه رايك فى العملية الانتخابية هل تمت بنزاهة ؟ ام كانت هناك تزوير ؟
عمرى ما سمعت انها تمت بنزاهه
ايه رايك فى سلبية الشعب المصرى ؟ هل انت معاها ولا ضدها ؟ ولماذا ؟
انا ضدها اكيد لازم فعلا كل واحد يروح ويختار المرشح الى شايف انه الاصلح
وبعدها رضو الى الكبار عايزينو ينجح هينجح حتى لو مخدش حتى صوت واحد
ما سبب احجام الناخبين عن التصويت من وجهة نظرك ؟
كما قولت سواء راحوا او لا كده كده اصواتهم مش هيتاخد بيها طالما مش فى صالح الكبار

ايه رايكم بقى بصورة عامة فى الانتخابات خصوصا بعد الاعلانات سواء من الوطنى او الوفد عن المشاركة ولا للسلبية ونعم للايجابية وادي صوتك ومستقبلك ومستقبل اولادك والكلام ده ؟ هل الكلام ده اضاف جديد للشعب المصرى ؟ ولا احنا عارفين انه كلام ضحك على الدقون والسلام
مجرد كلاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام

ده رائى بعد الى شفته وحصل عندنا
يكفى انى اقول ان مرشح مستقل عندنا بعد ما اعلنوا امبارح بالليل انه نجح وهيدخل اعاده ضد مرشح اخر
صباح اليوم وصلت نشره الى الدائره ان المرشح المستقل ده خسر ومش هيتم عمل اعادات والمرشح الاخر نجح كيف ومتى لا ادرى
واتمنى حد يقولى ازاى نجح[/center]