:يوميات فتاة خبلتها الكورة

انا كمان بحب الكرة جدااااااااااااااااااااااااااااااااااا وبحب كل الاندية انا بتابع كل المباريات على الرديوا وبقي المباريات زي الاهلى والزمالك ولا سماعيلى بحضرهم على قناة دريم مش بحب يفوتنى ماتش حتى واهلى زهقوا منى واصحابي كمان انا كل كلامى على الكرة دة لو كلمت يعنى

ولايهمك يأيويا كلنا زيك والحمد لله مجنونين بالأهلى والكورة واللاعيبة وأنا عن نفسى جدران أوضتى هتطفش من بوسترات الأهلى والله أصحابى لما شافوها مبطلوش تريئة على ويقولولى أنتى بنت ماتنسيش كده بس أنا لما بحب حاجة أو حد مفيش حد يقدر يغير رأى وأنا بموت فى الأهلى وبعشقه أما عائلتى فالحمد لله إتجننوا منى التلفزيون مفتوح على الماتشات أو البرامج الرياضية والنت مفتوح على المواقع الرياضية الراديو شغال الشباب والرياضة دا حتى لما بفكر أقرأ جرايد بقرأمجلة الأهلى أو الصفحات الرياضية فى الجرايد وفى الكلية الحمد لله مسمينى بحاجة أنا بعشقها من كتر كلامى على متعب فسمونى متعب ولما أضايق حد يقولى يامتعبة زى اللى بتحبيهم بس برده أنا مكبرة دماغى على الأخر عشان مقدرش أخفف إهتمامى بيهم أعمل إيه يعنى بعشقهم والله دلوقت هما الحاجة الوحيدة اللى بتفرحنى وتخلينى أضحك وأبقى فرحانة ربنا يخليهم ويحميهم.

ههههههههههههههههههههههههههه كلامكوا جميل اوي ومقنع يا اجمل منتدى ميرسي ياmet3b lover ويا هدهد ويا نانو ويا سما ويا كل المنتدى

سما/عاشقة عبد الوهاب كتب:هههههههههههههههههههههههههههههههههههههههههههههههههههههه

يا بنتى عادى هو انتى بتعملى حاجة غلط,انتى بتحبى حاجة مش حرام اساسا,لكن طريقة الحب او الوسيلة هى اللى بتكون غلط,يعنى حبى وشجعى زى ما انتى عايزة لكن مش لدرجة مثلا اعادة السنة لا قدر الله مثلا او يعنى تزعلى بابا وماما منك وتقولى الماتش اهم,وعموما احنا هنا كلنا بنحب الكورة والاهلى ومتعب فاهلا بيكى وبجنانك معانا......................

بصي يا سما انا والله مفيش حاجة في الدنيا كلها بتشجعني غير الماتشات والاهلي اللي انا فتحاه ليل نهاروماما اللي ماكنتش مقتنعة بتقول انة بيعطلنة سدأت وبقيت دلوقتي حتى ايام امتحناتي تعرفني مواعيد الماتشات انا مرة كان صابح عليا امتحان الترم ودي كانت فرصتي الوحيدة عشان اوح رحلة للنادي الاهلي ورحت وماما زعلت مني اوي لما صممت على رأئي وكانت دي المادة الوحيدة اللي جبت فيها امتياز وعلى فكرة انا رايحة تانية صيدلة وجيبت الترم الاول في اولىجيد جدا مرتفع وماما فضلت تدعي للاهلي عشان هوا السبب عقبال التاني يا رب

اطمنتى ياايويا انك مش وحدك وانا اطمنت اكتر منك وشدى حيلك ياايويا وربنا معاكى السنة دى وابقى طمنينا على النتيجة

ربنا معاكى يا ايويا,وخالى بالك من مستقبلك اولا وبعدين اى حاجة تانية تيجى بعده,ويا هلا بيكى منوووووووووورة معانا..........................

جاااااااااااااااااااااااااااااااااامدااااااااااااااااااااااا

ميرسي يا يا أحلى منتدى يا صفا ويا سما ويا حمادة

العفووووووو احنا كلنا اخوات.............................

انا حاسة انك بتكتبي عنى والله العظيم والله العظيم أنا كدة الأهلي هيجنني وكل الى قولتيه أنا بعمله دة غير انى ما ببطلش رغى عن الأهلي و فعلا صحابي بأو يضايقوا مني عشان لما بفتح ما بأفش مع انهم اهلاوية بردة كانو بيقولولي انت بتحبي متعب لكن أقسم بالله ان الأهلي عندي اولا وهو ثانيا صحيح بفرح لما يجيب الجون بس اهم حلجة عندى الأول ان الأهلي يكسب انشاله الحضري هو الي يجيب الجون و كنت فاكرة اني أنا البنت الوحيدة الي كدة والبنات التانية بتروح الاستاد تتفسح و واخدنها موضة لأما بيحبوا لاعب معين ومشمشكلة النادي بس اكتشفت انى مش لوحدى و انت كمان ما تألأيش دة احنا طلعنا كتير

ههههههههههههههههههههههههههههههههه كلامكوا حلو اوي والله انتي زي العسل وقمر كمان يا أماني ريحتيني الحمد لله اننا طلعنا كتير بس ربنا يستر على مستشفى المجانين ونلاقي اماكن للمنتدى دة كلة وانتي يا انجي انا بشكرك موت واوعي تعملي كدة تاني لحسن البيت عندك يدعي على الاهلي انا بانسبة ليا الامتحان اللي قبلة ماتش ماما بتطمن على المادة دي وبتقول امتياز انشاء الله

لا اذا كان كدة فا ولا يهمك لان انا كمان واخواتى البنات بابا يقعد يقول لماما انا كنت عايز بنات من كتر متابعتنا للكورة وحبنا للاهلى وفى المدرسة ببقى مرجع للى عايز اى حاجة عن الاهلى حتى المدرس بتاع الفرنساوى يوميا يسالنى اية اخر اخبار الاهلى لدرجة ان انا فى امتحان العربى بتاع السنة دى (اولى ثانوى)كان جيلنا التعبير عن الاهلى وكذا موضوع تانى مافيش غير حوالى 10 بنات كتبوا عن الاهلى وانا كتبت يجى 7 صفحات والمدرسة بتاعة اللجنة قعدت تزعقلى وتقولى احلصى اية الاهلى دة وقعدت بقى وانا بكتب احكيلها عن الاهلى واشتم فى الزمالك وفى الاخر الورقة كانت هتتسحب منى لانها طلعت زمالكوية والله يا بنتى اللى نجحنى فى العربى هو موضوع التعبير اللى كتبتة عن الاهلى يعنى اطمنى كلنا مجانين كورة(اهلاوية جداااااااااااااا)

عارفه يا ايويا انا عندى نفس المشكله دى تقريبا برضه حياتى كلها مكرصاها للكوره تقريبا كل حاجه فى حياتى كل الناس بتلومنى انى كده وبيقلولى انت المفروض تتطلعى ولد مش بنت ومفيش بنت بتعمل كده والكلام ده كتير لكن الاهلى ده جزء من حياتى وانا بحب كل لاعيبه الاهلى حب جنونى لدرجه غريبه ان لما واحد من اللعيبه يقع فى الماتش ممكن اقوم وازعق واقلب البيت وكانت حياتى كتير تتعرض لخطر وخصوصا اوى لما عبد الوهاب مات كنت حموت والله العظيم واتنقلت المستشفى ومن سعتها ومامى دايما تتطمن على اللعيبه عشان تتطمن عليا وحجات كتيييييييييير لو اعدت احكى من هنا لغايه الشهر الجاى مش حيكفى

ميرسي يا sweet cat على ردك انا كمان كنت هموت يوم لما مات عبد الوهاب من كتر العياط ومكنتش بتكلم خالص ولا كنت قادرة اطلع الكلام كنت بشاور وكمان انا عاملة زيك بحب اللاعيبة اكتر من نفسي حتى كل الناس دايما تقول ان انا ام لاعيبة الاهلي كلهم ولو كنت امهم الحقيقية مكنتش هخاف عليهم كدة والف سلامة عليكي يا قمر عشان دخولك المستشفى وخلي بالك من نفسك بعد كدة بس انا عندي سؤال انتي بتحضري كل ماتشات الاهلي عشان انتي في الرابطة

نور الاهلاوية كتب:لا اذا كان كدة فا ولا يهمك لان انا كمان واخواتى البنات بابا يقعد يقول لماما انا كنت عايز بنات من كتر متابعتنا للكورة وحبنا للاهلى وفى المدرسة ببقى مرجع للى عايز اى حاجة عن الاهلى حتى المدرس بتاع الفرنساوى يوميا يسالنى اية اخر اخبار الاهلى لدرجة ان انا فى امتحان العربى بتاع السنة دى (اولى ثانوى)كان جيلنا التعبير عن الاهلى وكذا موضوع تانى مافيش غير حوالى 10 بنات كتبوا عن الاهلى وانا كتبت يجى 7 صفحات والمدرسة بتاعة اللجنة قعدت تزعقلى وتقولى احلصى اية الاهلى دة وقعدت بقى وانا بكتب احكيلها عن الاهلى واشتم فى الزمالك وفى الاخر الورقة كانت هتتسحب منى لانها طلعت زمالكوية والله يا بنتى اللى نجحنى فى العربى هو موضوع التعبير اللى كتبتة عن الاهلى يعنى اطمنى كلنا مجانين كورة(اهلاوية جداااااااااااااا)

ههههههههههههههههههههههههههههههههههههههههههههه اية يا بنتي الجمال اللي انتي فية دة دا انتي زي العسل الحمد لله ان الزمالكوية دي سبتك تعدي من الامتحان على خير

الحمد لله مش انا بس اللى كدا.
انا مدمنة اهلى يا خبر وكل العيلة مستغربة ازاى انا بنت وبموت فى الكورة كدا..كلهم يقولوا لى حسسينا انك بنت .لو سمعت حد فى الجامعة بيتكلم عن الاهلى حتى لو مش اعرفه اطلع اجرى وادخل فى الموضوع ...والا فى الماتشات لو جه فى الاهلى جون بعيط وضغطى يعلا .
الوحيد اللى مشجعنى هو بابا بيقعد يكلمنى عن الاهلى وبعد افضفض معاه.
دا انا غطيت على اخويا فى موضوع الكورة دا.
واهم حاجة فى فارس احلامى يكون اهلاوى.

ميرسي يا golden heart على رأيك وكويس ان بباكي مشجعك يا بختك

لازم يا اية كل واحد فينا يكون لية هواياتة و على فكرة مش انتى لوحدك اللى كدة معظم اصحابى و انا اكتر من كدة كمان بس كل واحد لية اهتمام شكل و كل واحد حر فى اهتمامتة و انتى صح و دة رأي

انا زيك بظبط نفسى العب كورة وبموت موت فى الاهلى وبحلم انى احقق الحلم دةبحلم انى العب فى الاهلى

انا كمان بتقابلني نفس المشكلة بس من تيتا
بابا و ماما متفهمين جدا و بابا كمان بيفضل يتكلم معايا على الخطيب و طاهر ابو زيد و مش ممانع خالص ان اشوف كرة وانا خليت بنت خلتي تتقرج على الاهلي و بقت مدمنة كرة و حضري هي كمان خليت مامتها تتابع كرة و نشرنا الموضوع في العيلة كلها لدرجة ان تيتا كمان بدأت تحفظ اسم العيبة بعد ماكانت بتقول الولاد بس اللي بيتفرجو على الكورة احنا اقنعناها ان مدام مش عيب ولا حرام يبقى مفيش مشكلة و بقت تدعيلهم كمان