اتولد محمود مختار فى قرية طنباره جنب المحله الكبرى ،و أبوه " إبراهيم العيسوى " كان عمدة القريه لكن مختار راح عاش مع جدته لأمه فى بيت خاله فى قرية نشا فى المنصوره. ، واتعرف عنه انه و هو لسه طفل صغير كان بيقضى معظم وقته جنب الترعه يشكل فى الطين مناظر من اللى بيشوفها حواليه فى القريه.
مختار كان أول طالب يلتحق بمدرسة الفنون الجميله اللى فتحها الأمير يوسف كمال من فلوسه سنة 1908 ، و فى سنة 1911 سافر مختار على باريس ، و أعجب " جيوم لا بلانى " بموهبته و تميزه الفنى ، فدخل مختار مدرسة الفنون الجميله الفرنساويه ( Ecole des Beaux Arts ) ، و اتفوق على كل زملائه ، فعينوه مدير لمتحف " جريفين " فى حى " مونماتر " و دى كانت أول مره حد من الشرق الأوسط يتعين فى المنصب الفنى ده فى فرنسا.
تمثال نهضة مصر
تمثال نهضة مصر المعروض فى ميدان قدام جامعة القاهرة فى الجيزه بيعتبر أشهر أعمال محمود مختار. فكرة التمثال ده خطرت على بال مختار و هو فى باريس ، و لما سافر الوفد المصرى برياسة سعد زغلول على فرنسا عشان يعرض قضية إستقلال مصر عن انجلترا ، قابل الوفد مختار و اتحمس سعد زغلول بفكرة التمثال و طلب جمع تبرعات فى مصر لعمل التمثال و عرضه فى أكبر ميادين مصر. لما رجع مختار مصر نشطت حركة الإكتتاب و فى يوم 25 يونيه 1921 اتوافق على حط التمثال فى ميدان باب الحديد ( ميدان رمسيي دلوقتى ) و انزاحت عنه الستاره يوم 20 مايو سنة 1928.
أعماله و مكانته
بتعتبر أعمال محمود مختار امتداد للفن المصرى القديم. إتأثر بأساليب النحت الحديثه و البيئه المصريه. جمع فى فنه ما بين البساطه و الرقه و قوة التكوين الفنى. كان أول فنان مصرى يتقام له معرض خاص في پاريس (1930). و اقتنت فرنسا تمثاله البديع " عروس النيل " المعروض فى متحف جودى پوم فى پاريس. ، و " تمثال نهضة مصر " ، و " تمثال سعد زغلول " اللى بيتوسط ميدان سعد زغلول فى إسكندريه. لمحمود مختار في منطقة الجزيرة فى القاهرة متحف بإسمه معروضه فيه أعماله القيمه.
أعمال مختار كانت أول أعمال فنيه مصريه حديثه تتعرض فى أوروبا ، و شهرته وصلت أوروبا قبل أى فنان أو أديب مصرى و اتكلمت عن موهبته الفذه الجرانيل و المجلات، فى فتره كانت مصر بتحاول تثبت فيها هويتها الخاصه و قدرتها على النهوض و التقدم و التحرر.
وفاته و متحفه
إتوفى محمود مختار بعد ما رجع من أوروبا، و لإنه ماكانش من أنصار الحكومه أياميها اتجاهلت الحكومه رجوعه لمصر و وفاته.
فى سنة 1962 اتفتح متحف فى القاهره خاص باعمال محمود مختار و سط حدايق الجزيره كتكريم لفنه، و بيعتبر النحات الوحيد فى مصر اللى ليه متحف خاص بيه.
قال عنه المفكر المصرى طه حسين : " كان فى حياته مرأة صادقة كل الصدق لنفس مصر الخالدة التى لا تحد و لا تحصر " [1].
من أبداعاته التانيه:
إيزيس
الخماسين
كاتمة الأسرار
حاملة الجرة
مختار كان أول طالب يلتحق بمدرسة الفنون الجميله اللى فتحها الأمير يوسف كمال من فلوسه سنة 1908 ، و فى سنة 1911 سافر مختار على باريس ، و أعجب " جيوم لا بلانى " بموهبته و تميزه الفنى ، فدخل مختار مدرسة الفنون الجميله الفرنساويه ( Ecole des Beaux Arts ) ، و اتفوق على كل زملائه ، فعينوه مدير لمتحف " جريفين " فى حى " مونماتر " و دى كانت أول مره حد من الشرق الأوسط يتعين فى المنصب الفنى ده فى فرنسا.
تمثال نهضة مصر
تمثال نهضة مصر المعروض فى ميدان قدام جامعة القاهرة فى الجيزه بيعتبر أشهر أعمال محمود مختار. فكرة التمثال ده خطرت على بال مختار و هو فى باريس ، و لما سافر الوفد المصرى برياسة سعد زغلول على فرنسا عشان يعرض قضية إستقلال مصر عن انجلترا ، قابل الوفد مختار و اتحمس سعد زغلول بفكرة التمثال و طلب جمع تبرعات فى مصر لعمل التمثال و عرضه فى أكبر ميادين مصر. لما رجع مختار مصر نشطت حركة الإكتتاب و فى يوم 25 يونيه 1921 اتوافق على حط التمثال فى ميدان باب الحديد ( ميدان رمسيي دلوقتى ) و انزاحت عنه الستاره يوم 20 مايو سنة 1928.
أعماله و مكانته
بتعتبر أعمال محمود مختار امتداد للفن المصرى القديم. إتأثر بأساليب النحت الحديثه و البيئه المصريه. جمع فى فنه ما بين البساطه و الرقه و قوة التكوين الفنى. كان أول فنان مصرى يتقام له معرض خاص في پاريس (1930). و اقتنت فرنسا تمثاله البديع " عروس النيل " المعروض فى متحف جودى پوم فى پاريس. ، و " تمثال نهضة مصر " ، و " تمثال سعد زغلول " اللى بيتوسط ميدان سعد زغلول فى إسكندريه. لمحمود مختار في منطقة الجزيرة فى القاهرة متحف بإسمه معروضه فيه أعماله القيمه.
أعمال مختار كانت أول أعمال فنيه مصريه حديثه تتعرض فى أوروبا ، و شهرته وصلت أوروبا قبل أى فنان أو أديب مصرى و اتكلمت عن موهبته الفذه الجرانيل و المجلات، فى فتره كانت مصر بتحاول تثبت فيها هويتها الخاصه و قدرتها على النهوض و التقدم و التحرر.
وفاته و متحفه
إتوفى محمود مختار بعد ما رجع من أوروبا، و لإنه ماكانش من أنصار الحكومه أياميها اتجاهلت الحكومه رجوعه لمصر و وفاته.
فى سنة 1962 اتفتح متحف فى القاهره خاص باعمال محمود مختار و سط حدايق الجزيره كتكريم لفنه، و بيعتبر النحات الوحيد فى مصر اللى ليه متحف خاص بيه.
قال عنه المفكر المصرى طه حسين : " كان فى حياته مرأة صادقة كل الصدق لنفس مصر الخالدة التى لا تحد و لا تحصر " [1].
من أبداعاته التانيه:
إيزيس
الخماسين
كاتمة الأسرار
حاملة الجرة
