ويارب تنجح وتكسر الدنيا
وانهردا ضيفة لذيذة اووووى ومحترمة جداااااا جداااااااا
ولازم طبعا ندخل جوة قلبها ونعرف كل فسفوسة عنها احنا اولى بالمعلومات برده ومتقلقوش كل سؤال يخطر فبالكو هيكون موجود بازن الله
ونبدا بقى عشان مرغيش كتير
يالالالا ياختى خلصى تظبيط مكياج عشان هنطلع عالهوا
ايه مانتى لسه قايلة فيا قصيدة
هههههههه لا دة عشان كنت عالهوا بس لكن فالاستوديو حاجة تانية خالص
مااااااااااشى ربنا يستر
اوووووووك
اهلا بيكى فبرنامجنا ياايه
اهلا بيكى انتى ياشيمو
ها مستعدة للاسئلة
ان شاء الله بس قلقانة منك
ههههههههه مش هكدب عليكى اقلقى
مااااااااااااشى ربنا يسطر بقى
عايزين نتعرف عليكى بقى اسمك وسنك وبلدك وبالمرة تاريخ ميلادك عشان لو حد عاوز يجبلك هدية ولا حاجة
اه لو هتجيبوا هديه ممكن اقول
لا دانتى داخة على طمع بقى
ههههههههه اه اكيد
الاسم: أية
السن: 18 سنه و3 شهور
البلد: الغربيه
تاريخ الميلاد:18/9/1991
المهنه: طالبه ف كليه الهندسه جامعه طنطا الفرقه الاولي مدني
اي خدمه مش حرماكي من حاجه انا
حلو اووووى خليكى على كدة بقى
اووووك
انتى فالمنتدى من زمان
اها يعني حوالي سنتين
وايه اللى خلاكى تشتركى فيه كان ايه هدفك
من اكتر الاعبين اللي بحبهم عماد متعب واما دخلت ع النت كنت ببحث عن صور ليه واخباره ولقيت المنتدي وانا بعمل سيرش فدخلت وسجلت وبدات اشارك
كان ف البدايه الموضوع عادي بالنسبه لي كنت بدخل اشوف اخبار عماد وبس وبعدين بدات اشارك
واحده واحده بدات اتعود ع المنتدي واعرف اعضاء فيه لحد ما بقي المنتدي بيحتل جزء من حياتي
---------------------------------------
تماااااام
تسمحى بقى ادخل فقلبك شوية عشان اعرف القراء ايه مخبياه
اه طبعا اتفضلي يا جميل
اوصفلنا قلبك كدة
مممممممم
بصي هو ماما دايما بتقولي اني قلبي ابيض
وانا مش بحب اشيل من حد يعني لو زعلت من حد بروح اعاتبه
وكمان بحب اكون صريحه واقول اللي ف قلبي ع طول
اكتر مكان قريب لقلبك
حاليا الكليه
لاني بقضي فيها وقت ممتع اوي
وكمان مش بحس بملل فيها
وابعد مكان
مش عارفه بس ماعتقدش ان فيه
اقرب الناس لقلبك
كتيررر
كل الناس اللي بحبهم قريبين من قلبي
وابعدهم
اي حد غلط فيا وهو يقصد او جرحني اكيد هيكون بعيد عن قلبي
فى ناس دخلت قلبك من غير استأزان يعنى من اول مرة شوفتيهم
ممممممممممم
اها اكيد
طب لو قلنا ان انتى ندمانه انك دخلتى شخص ما هتقولى ايه
اه فعلا فيه واحده ندمانه انها دخلت قلبي
مش عايزة اقول انها مش تستاهل عشان العشره اللي بينا
بس انا بجد مصدومه اني عرفت حد بالطريقه دي
انا اكتر حاجه اكرهها ان حد يلعب بمشاعر الناس حاولت كتير اغيرها ماعرفتش
وللاسف الموضوع ماكملش اسبوعين
وماقدرش اقولك اني فوقت من الصدمه لاني كل ما بفتكر احنا ازاي كنا مع بعض وقد ايه كنا قريبين ودلوقت الحال عامل ازاي بتضايق جدا
بس يلا كل شئ قسمه ونصيب
ايه هى اكتر تجربه مرت فحياتك وندمتى على انها حصلت
ممممممممممم
هي تجربه سخيفه جدا وكل ما افتكرها بتضايق من نفسي
هي اني نقدر نقول ارتبطت مره من ع النت
هو مش ارتباط ولا حتي كان حب اقدر اقول انها كانت تجربه
كنت طفله ايامها وعايزة اجرب
كنت اسمع كتير ناس بتتكلم عن الحب وانا بحب اجرب كل حاجه
ماكنتش اعرف وقتها ان الحب مش فيه تجربه وانه بيجي لوحده
بس اتعلمت منها كتير
والحمد لله الموضوع مش طول وانا قدرت انهيه تماما وبجد دي اكتر حاجه ندمت عليها
--------------------------------
اوووووووك كفايا كدة على قلبك خدنا منه اللى احنا عاوزينه
اي خدمه شوفتي مش بخبي حاجه انا اهو
بس ربنا يستر من الجاي بقي
تعالى بقى معايا كدة واسرحى شوية كدة وروحى لابعد مكان فالدنيا
بس كده عيوني
مين اللى جه فبالك فالحظة دى
اقرب الناس ليا
مين اللى الدنيا جمعتكو من غير معاد
برده هم نفس الناس
مين اللى الدنيا فرقتكو من غير معاد
صديقه الاعدادي والثانوي
كل حد فينا دخل كليه
مع اننا ف نفس المجمع بس مش بنشوف بعض نهائي
ونادار اما بنكلم بعض
وعملتى ايه فلحظة الفراق دى
اكيد كانت صعبه اوي
واساسا الفراق جه تدريجي عشان كده كان اصعب واصعب
اي لحظه فراق بتبقي صعبه
ربنا يبعدها عننا يارب
يارب ياجمـــــــــيل
مين الشخص اللى مش ممكن ترفضيله طلب
اصحابي القريبين اوي
مين اللى بتجرى عليه وتشكيله همومك من غير تفكير
منه وأية صاحبتي
مين توأم روحك
مممممممم
بصراحه هو فيه اكتر من حد ممكن ينطبق عليها انه يكون توأم روحي
بس نقدر نقول منه
نقلب عاللى بعده ياموززة
ياكسوفي احرجونا بقي
البرنامج دة اساسه الاحراج اصلا وحاجة هقولهالك فنهاية البرنامج
طب متوقوليها دلوقتى
ايه هو احنا دلوقتى فبداية البرنامج ولا نهايته
لا بدايته
طيب انا قلت لسيتك فنهايه البرنامج اسكتى بقى ممكن
انا معرفش ايه اللى جابنى فالبرنامج دة
هههههههههههه قدرك
بس خلالالالالالاص عاوزين نكمل
كملى ياأبلة
مفيش مرة كدة بابا رشاكى وانتى صغيرة وسألك بتحبى مين اكتر انا ولا ماما
كان ردك ايه وقتها
هههههههههههههههه اكيد اللي يدفع اكتر
بصي هو صراحه وانا صغنونه كان بابا اقربلي
لان وانا صغيره ماما سافرت اعاره واحنا مش سافرنا معاها فضلنا مع بابا وجدتي فكنت قريبه اوي من بابا الفتره دي حتي اما ماما كانت بتيجي ف الاجازات كنت بسيبها واروح لبابا
كنت الدلوعه بقي
وكنت الصغيره وقتها كمان عشان كده كانت كل طلباتي مجابه
طب لو سألتك انا دلوقتى بس من غير رشوة طبعا مين اقربلك بابا ولا ماما
الاتنين
بس قرب كل واحد بيختلف عن التاني ف الطريقه
بابا بيمثلك ايه
الامان
وماما
الحنان
عشتى طفولتك حلو زى ماحلمتى بيها ولا حاسة انك معشتهاش
لا الحمد لله طفولتي كانت جميله جدا
وكتير اما بقعد مع نفسي بحنلها واتمني اني ارجع اعيشها تاني
كانت ايام جميله اوي
كان كل حاجه حلوة وقتها وكان ليا اصحاب كتيررررر اوي
وكنت شقيه جدا ع فكره
ماهو عشان كدة جبتك هنا عشان اهديكى شوية
ههههههههه شكلك بتعزينى اووووووووى
موووووووووووووت
-----------------------------------------------------------------
نبدأأأأأأأأأأأأ فالاحراج بقىىىىىى
ياكسوفي
بس عاوزة اجابات بدون تفكير خليكى تلقائية كدة
اكتر من كده هاروح ف داهيا
بتحبى فقصة حب
ممممم
بصي نقدر نقول اني مشدوده لشخص بس مافيش ارتباط
من امتى
من فتره
طب ماتحكيلنا ازاى اتعرفتو على بعض
صدفه جمعتنا واتعرفنا من وقتها ع بعض
بتحبى بعقلك ولا بقلبك
الاتنين قلبي وعقلي كل واحد فيهم ليه دور ف الحب
ايه اكتر حاجة شدتك ليه
شخصيته واخلاقه
واكتر حاجة شدته ليكى
مش عارفه
وكمان ماقدرش أكد هل الاحساس متبادل والا لا
لا ان شاء الله هيكون متبادل
ايه الحياة اللى انتى رسماها فخيالك معاه
ممممممممم لسه بدري شويه ع الموضوع ده
اعز حاجة فقدتيها
حاليا كتاباتي
بحس انها بتعبر عن احساسي وشخصيتي
تقريبا متوقفه عن الكتابه بقالي فتره كبيره رغم ان فيه ف دماغي افكار كتير
بس الوقت مش مساعدني
بس ان شاء الله هحاول ارجع اكتب من جديد
ان شاء الله ترجعى وتشجينا بس مش تصدعينا
يالهوووووووووى عليكى
اكتر جرح دفنتيه من زمان
اما حسيت اني قليله عند ناس غاليين عندي
اول دمعة كانت على مين
بصراحه مافتكرش اوي بس انا اساسا بعيط كتير
علي مين مش فاكره
بس الحمد لله مش فيه حد قريب مني مات او فارقت حد غالي عليا اوي غير صاحبتي اللي انا حكيت عنها ف الاول
بس اقدر اقول اني اللي بجد عيطت عليه من قلبي كان محمد عبد الوهاب الله يرحمه
الله يرحمه
واخر دمعة
علي نفسي
دمعه ندمتى انها نزلت على شخص ما
علي حد مايستاهلش اني اعرفه
امتى حسيتى انت انتى (اخر من يعلم) وكان ايه الموقف
السنه اللي فاتت كان موقف حصل لصاحبتي اللي هي المفروض قريبه مني وبتحكيلي كل حاجه
وكان الموضوع صعب شويه وهي مش قالتلي رغم اني حذرتها مليون مره
لحد مانا عرفتها لوحدي
وقتها كنت اخر من يعلم
------------------------------
كفايا كدةةةة
نرووح للشخصيتك عشان نعرفها اكتر
ياسلام بس كدة عنيااااااا
لا مش عاوزة عنيكى عاوزة ردك
حااااااااضر
ايه هو هدفك
اني اخلص الكليه علي خير واكون مهندسه شاطره
ان ربنا يكون راضي عني واهلي
وان الناس اللي بحبهم وقريبين مني مش يبعدوا عني
واني اقدر اكون بيت واسره يكون اساسها سليم
بأزن الله كل ده يحصل
احلى صفة شيفاها فنفسك واسؤ صفة
احسن صفه اني بسامح بسرعه
اسوء صفه العصبيه
اكتر صفة بتحبيها عموما وبتكرهى ايه
بحب الصدق طبعااااااا
وبكرهه الكدب والتلاعب بمشاعر الناس
بتغضبى امتى
اما حد يكدب عليا او اما اشوف غلط قدامي او حد يفهمني غلط او اما حد يكلمني بطريقه مش عاجباني
وايه اللى ممكن يهديكى فلحظة غضبك دى
كلمة انا اسف واحس انها طالعه من جوه الشخص ده
وع فكره انا يمكن بتعصب بسرعه بس بهدي بسرعه جدا
يعني ممكن تلاقيني وانا ف قمه العصبيه بضحك
هههههههههههههههههه وانا كمان بيحصلى كدة
بصرةةةةةةةة
ايه هى قمه الالم
الخيانه بيكون المها صعب اوي
وقمه الظلم
الاعتداء علي حقوق الاخرين
وقمه العذاب
فراق الاحباب
اكتر حاجة ممكن تحرجك
الكدب والخيانه
اتحطيتى فموقف محرج قبل كدة
هههههههههههههههههههه
ياااااااااه ما اكتر المواقف المحرجه
السنه اللي فاتت كنت قاعده انا واصحابي
هم قاعدين قدامي وانا واقفه
وكان ورايا عريبه فانا رجلي وجعتني من الوقف قولت اسند عليها
لسه بسند لقيت صاحب العريبه جاي
هو كان معيد بيقولي يا خراشي عربيتي
قمت انا موسعه كده وقولته اهي زي الفل ماحصلش فيها حاجه
انا بس كنت بحرسها قام ضاحكلي كده وقالي طيب انا ماشي قولتله هترجع امتي قالي شويه كده
قولتله طب انا مسينه اهو ماورييش حاجه
قام ضاحك كده وقالي ماشي واصحابي كلهم طبعا ضحكوا عليا وكل اللي كانوا قاعدين
بس
كان نفسى يكون راجل متعصب عن كدة
ليه ياشيمو
عشان كان قدم فيكى بلاغ وكنا خلصنا بدرى بدرى
يابنتى ارسى على حل انتى شوية تمدحى فيا وشوية تقولى كلام غريب كدة
هو دة برنامج مين انا ولا انتى
لا انتى بس انا ضيفتك
خلاص براحتى اعمل اللى انا عاوزاه
خلاص خلاص كملى احسن ياشيمو
اووووووك
ايه نقطة الضعف اللى فشخصيتك
بصي عامة قلبي هو نقطه ضعفي
طب واقوى حاجة فشخصيتك
الثقه ف النفس
واثقه ف نفسي جدا الحمد لله
مع ان احيانا البعض بيعتقد انها غرور
بس انا الحمد لله عمري ما كنت مغروره وبكرهه الصفه دي جدا
بتعاقبى نفسك ازاى ولا مبتعقبيهاش
لا اكيد بعاقبها بس اما بعاقبها ببقي قاسيه عليها اوي
يعني اما بحاسب نفسي والاقيني غلطانه
ببعد نفسي عن حاجات كتير بحبها لفتره معينه لحد ما اتعلم من غلطي
انتى محجبة
ايوة الحمد لله
بتحلمى شور بليلة العمر عاوزاها ازاى
عاوزاها تعدي علي خير
ممممممم
بصي هو السؤال صعب
بس اكيد اما بتكوني مع الناس اللي بتحبيهم بتقضي احلي الاوقات
انا مش حاطه ملامح معينه لليوده ده لان لسه بدري ع وقته
----------------------------------------------------------
نكلم عالمنتدى بقى شويتين كدة
يلا هو احنا ورانا حاجه
اكتر قسم بتحبيه وبتلاقى نفسك فيه
الفضفضه
اكتر قسم حاسة انه مهمل شوية
الحوارت
بس البركه فيكي بقي عايزينك تنشيطه بحوارتك الجميله دي
ربنا يسهل ان شاء الله ونملاه حوراااااااات
اكتر فسم نشيط
الفضفضه والصور
اكتر عضو بتحبى مواضيعه
ممممممممم فيه كتير
يعني جيجي وميدو وانتي وكانت جيسي بس للاسف مش بتدخل كتير دلوقت
وناس كتير اوي مش عايزة انسي حد
بس هي المواضيع المميزة عامه اللي بتشدني اني ارد فيها
مين اقرب عضو ليكى
منه الله
مين العضو اللى نفسك تتقربى منه بس مجتش فرصه
مممممممم
فيه ناس كتير والله نفسي اتعرف عليهم بس مش فيه فرصه
ايه رايك لما تلاقى توبيك عدد مشاهدته 50 والردود 10 بيكون احساسك ايه
بشوف كتير اوي انا الحكايه دي
بس لو موضوع يستاهل بصراحه بتضايق جدا
يعني موضوع مهم ويستحق المشاركه ع الاقل كلمه شكر لصاحب الموضوع وردوده تكون قليله
ومواضيع تانيه اقل اهميه وتلاقيها مشاركتها كتير وشد وجذب بقي
حاجه تضايق برده
طب لو توبيك ليكى وكنتى عايزة مشاركة واراء وحماس ولاقيتى نفسى العدد دة من المشاهدة والردود
بينا وبين بعض
انا اتعودت ع كده الفتره الاخيره دي
يمكن عشان دخول الاعضاء قل عشان الامتحانات وكده
ويمكن فيه ناس مش بيبقي عاجبها الموضوع وناس بتكسل ترد
بس اكيد اما تكوني منتظره ردود الاعضاء ع موضوع ومش يردوا دي حاجه تضايق يعني
طبعا حاجة تضايق وان شاء الله يتحسن الوضع دة
.ايه اللى ناقص فالمنتدى من وجهه نظرك
التفاعل اكتر من كده شويه والتعاون
واعتقد ان الموضوع ده بيتحقق بنسبه كبيره ف الاجازة
واللى بتتمنيه للمنتدى
انه يفضل دايييييييما ع القمه ورحله النجاح تستمر باذن الله
ويفضل دايما المنتدي الاول للنجم عماد متعب ويتجمع فيع كل عشاق عماد
كلمة لمتعب
ربنا يوفقك يا عماد وتفضل دايما المتعب وتمتعنا باهدافك ومهاراتك
وربنا يوفقك للخير دايما ووتحقق كل احلامك
احنا كلنا بنحبك ودايما معاك وان شاء الله تحقق حاجه ف البطوله الافريقيه وترفع راسنا كلنا
نغلس عليكى قبل ماتمشى بقى
ياااااااااااااااااااااه اخييييررررا همشى
والله طب مانتيش ماشية لسه فى سؤالين تلاته تانى
طب خلاص معلش عايزة امشى والنبى
لا خلاص وهتجاوبى
امرى لله
-----------------------
تفتكرى ليه دايما بنلوم ع الدنيا لو خدت مننا اغلى الناس ونكرها ونقول دى دنيا غدارة
ولو فرحنا وعشنا مبسوطين نطييير ونقول دى دنيا بتحبنا وميه وميه
هو العيب فمين بالظبط
بصي من وجهه نظري ان دي طبيعه بشريه
يعني معظم الناس لو اتعرضوا لمواقف صعبه او وقعوا ف مشاكل تلاقيهم بيقولوا الدنيا وحشه والناس بقت وحشه واحنا مش زي زمان والكلام المعروف ده
يعني صعب تلاقي حد بيلقي اللوم ع نفسه دايما شايفيين اننا صح والباقي هو اللي غلط
انما لو ركزنا ودققنا وشلنا شويه التراب اللي علي عقلنا وقلبنا هنعرف ان سواء المشاكل او المواقف الصعبه اللي بتحصلنا بتبقي اختبارات من ربنا وبيبقي نصيب يعني لازم نرضي بيه ونشوف ايه الغلط اللي عملناه ونحاول نصلحه ونتعلم منه
اما بقي اما الدنيا تبقي بمبي وكل حاجه حلوة
المفروض مش نأمن لها اوي لان ممكن ف لحظه كل حاجه تتغير
يعني المفروض نكون حاطيين كل الاحتمالات
اما العيب ف مين بقي مش نقدر نحدده لان الغلط مش عند حد او حاجه واحده بس
الغلط فينا كلنا
طب هتعملى ايه لو صحيتى وبصيتى حواليكى اقرب ماليكى فالدنيا مش حواليكى
هنام تاني ههههههههههههه
ظرررررررررررريفة
ممكن تسامحى فجرح قلبك لو كان من اقرب الناس ليكى
اها ممكن
اتعرضتى لكدة قبل كدة
ماعتقدش انها حصلت قبل كده ويارب مش تحصل ابدا
نغلس بقى دلوقتى
ماشى غلسى
تفتكرى ليه بنشرب الشاى
عشان ماينفعش ناكله
كركركركركركركر
ههههههههههههه لا شاطره صــــــــــــح
مين اللى ليه راسين و8 اقدام
حمارين ماشيين جنب بعض
لا قطتين ماشين جنب بعض
وفرقت ايه يعنى قطة من حمار كلها رجول
لا طبعا هو حلها فدماغى قطتين وانتى قلتى حمارين يبقى اجابتك غلط
لا مش غلط صح دول 8 ودول 8
لا ياايه لو سمحت متناهدنيش اكتر من كدة
انا اللى بناهدك برده
اومال انا يعنى
ماشى بس دة ظلم
مليش دعوة بقى ختى نقطة
والله ظلم
بسسسسسسسسسس يابت
اخر حاجة بقى عشان نخلص مالحوار دة
ياااااااااه
ايه ده خلاص خلصنا
كفاره
زمان الاعضاء زهقوا مننا
تااااااااااااانى
لا والله عشان الاعضاء بس زهقو
ماشى
لو الزمن اداكى كلمه وهتعيش معاكى طول عمرك
هتقوليى ايه وهتهديها لمين
ممممممممم
كلمه حب
واهديها لكللللللللللللللللللللل الناس اللي بحبهم ويحبوني وكل اعضاء المنتدي ومصر
ميرسىىىىىىىىىىىىىىىى جدا ليكي يا قمر ع الحوار ده
وشكرا انك اختارتيني اكون اول ضيفه
ورغم ان الاسئله كانت صعبه بس هي بجد اسئله جميله جدا
وبرنامج اكثر من رائع
ودايما متالقه يا شيمو
شكراااااااا ليكى يأايه وردوك كانت جميلة جدااااااا وانا استمتعت معاكى بصرف النظر طبعا عن الغلاسة دى
لا ياشيخة عادى احنا اخوات برده
وبعدين اتاكدى كدة انى بحببببك اووووى لانى غلست عليكى
ماشى ياشيمو وانا بحبك جدااااااااا
طب يالا خلاص انتى هتصاحبينى يالا روحى بقى خلصنا
من غير مطرووووود
يااااااااااه بعد دة كله طرد
اه ماهو دة الاساس التانى فالبرنامج
الغلاسة والطرد
اووووووك ياشيمو
استنى استنى فى مفاجأة ليكى
مفجاه ايه
فى جواب جايلك من مشرفة عسولة هنا وحبيت اعملهالك مفجأه
ايه انتى بجد حد كويس اووووووووووووووووووووووى
وانسانه محترمه موووووووووووووووووووووووووت
وبمناسبة السنه الجديده اقللك هابى نيو يير
وسنه سعيده عليكى يا قمررررررررررررررررررر
وسنه تكون وشها حلو عليكــــــــــــــــى
وال محققتهوش فى 2009 تحققيه 2010 ان شاء الله
وعايزة اقولك ان مواضعيك حلوووووة اااااااااوى وانا شخصيا بستفاد منها
والمنتدى بيكون حلو اوى وانتى فيه وبحس انك مثقفة اوى ودمك خفيف
وانا بعتبرك اكتر من اخت طبعااااااا
((hader((
------------------------------------------------
ودى كانت مفجئتى ليكى ياايه عشان تروحى مبسوطه
ودى كلمه من هدير المشرفة العسولة
وطبعا انا مش ينفع ارد على هدير انتى فردك بقى لما تشوفى الحوار تردى
وربنا يوفقك ياايه
وبكدة اكون خلصت اول حلقة ويارب تكون عجبتكو
وان شاء الله نتقابل فتانى حلقه مع عضو اخر
عدل سابقا من قبل شيمووو في الأحد أبريل 11, 2010 11:57 pm عدل 4 مرات