وحشتوووووووونى مووووووووت
ومعلش لو اتاخرت فالحورات الظروف بقى معصلجة معايا
ودى طبعا ممكن تكون اخر حلقة وممكن لا
وحبيت اعلمها قبل ماامشى
ويارب اقدر اكون معاكو من تانى
ويالا بقى مش هطول عليكو ونشوف ضيفتنا اللى قربت تقوم تمشى دى
وهى بنوتة جميييييييييلة جداااااااا
ومحترمة اكتررررررر وموضضيعا مفيده وليها هدف
وهى من الناس اللى شدتنى وقلت لازم اطلع اللى فقلبها
ويالا بينا نشوف قلب ((اســــــــمــــــاء)) فيه ايييييييه
SMSM35
S.ياهلالالا بيالبنوتة السكر
A.ياهلا بيكى انتىىى
S.نبتدى ياقمر عشان المشاوير اللى وراكى
A.اووووك بس بسرعة عشان متاخرش
S.ماشى
S.طب عرفى الجمهور باسمك وسنك
A.اسماء 19 سنه كدة كويس هههههه
S.ايه اللى خلاكى تدخلى منتدى متعب
A.كنت بحب متعب وطريقه لعبه دخلت النت وبحثت لقيت المنتدي اشتركت طريقه تقليديه يعني
S.ولسة بتحبيه زى اول مرة دخلتيه
A.اكيد
بس احيانا بزهق من نفسي ههههههه لما الاقي توبيكات كتير ومفيش غير وقت
قليل وخصوصا لو فيه حد مستني ردك محبش اتاخر ع حد بس هيه الظروف
S.ندخل بقى فقلبك
اكتر مكان قريب من قلبك
A.انا بحب البحر اوي والبلد اللي اتولدت فيها زمان بيتنا القديم بحب اطلع فوق السطح واتفرج ع الطبيعه والهوا الله جميل هههههههه
S.ههههههههه اكيييييييييد دة جو جمييييييييل
S.وابعد مكان
A.مش عارفه انا كل مكان ليه فيه ذكري بحبه لكن مافتكرش ان فيه مكان مش بحبه
لكن فيه جو ممكن يقبض قلبي
S.مكان نفسك تروحيه
A.نفسي اسافر لاماكن يكون فيها ساحل وكمان نفسي اروح مكه وازور الرسول عليه الصلاة والسلام
S.ان شاء الله تسافرى
بس هسفرك هنا اكيييييييد
A.ههههه ماشى
S.اقرب الناس لقلبك
A.والله في كتير انا بحب الصداقه جدا ويمكن بنت خالتي اكتر واحدة بحبها وارتاح ليها هيه نفس سني
بس فيه ناس تانيه كتير
S.وابعد الناس
A.عمري ماكرهت حد ولا شلت في قلبي ضغينه او حقد لحد
S.فى ناس دخلت قلبك من اول مرة شوقتيهم
A.كتيييييييييييييررررررررر انا اساسا بحب الناس بسرعه
S.طب فى منهم ندمتى انهم دخلو قلبك فيوم
A.لا
ماعتقدش انا دايما الحمد لله قلبي صافي للناس ومهما حصل منهم بسامحهم
بدرجه غريبه يعني ممكن تقولي طيبه زيادة عن اللزوم ودة ماينفعشي في زمانا
ههههههه بس بحاول اقول الرسول كان ممكن يعمل ايه مع حد ازاه وبعرف ان
التسامح شيء جميل
S.اه طبعا دى صفة جميلة وكله عند ربنا فالاخر
A.اه طبعاااااا
S.انتى عارفة احنا فين دلوقتى
A.طبعا لالالالا
S.احنا اودام البحر فبلد اسمها شيكاغو اكيد تسمعى عنها
A.اه اسمع عنها بس هما عملو بحر فيها امتى دى
S.ههههههه لامش هما اللى عملة انا اللى عملت كالعادة عشان البرنامج
A.هههههههه يمكن
S.عاوزاكى بقى تسرحىىىىىىى اووووووووووووووووووووووى
وتروحى لبعيييييييييييييييييد
S.مين اللى جه على بالك فاللحظة دى
A.الانسان اللي هرتبط بيه مستقبلا
S.ومين اللى نفسك يكون معاكى فاللحظة دى
A.هوة برده
S.ومين اللى الدنيا جمعتكو من غير معاد
A.هوة ان شاء الله هههههههه
S.هههههههههه ياااااارب
S.ومين اللى الدنيا فرقتكو من غير معاد
A.يارب
ماافترق عن حد حبيته ابدا بس انا في مرة حبيت واحدة صاحبتي اوي وهية للاسف
خانت الصداقه ماصدقتشي ان ممكن يكون فيه صداقه بالمعني بتاعي
كمان بنت خالتي لما دخلت كليه غير بتاعتي واساسا من الاول انا رحت في ثانوي مدرسه غير بتاعتها هههههه شفتوا افترقت عن ناس كتير
واولهم
والدي الله يرحمه اللي بتمني اول ماتقروا كلمتي دي تدعوله وتدعولي ان ربنا
يقدرني واخليه سعيد بيا في قبره وان يجعل الله قبره روضه من رياض الجنه
امين يارب
S.امييييييين يارب وان شاء الله ربنا يعوضك عن اى حاجة
A.ان شاء الله ياشيمو
S.لما بتقعدى لوحدك كدة وتدندنى بتغنى ايه
A.ههههههههه كتير
S.طب قولي للناس حاجة من الكتير دووووول
A.ههههههههه
بحب شرين وعمرو دياب وتامر حسني وتامر عاشور هههههه صحيح فيه اغنيه جديدة
لواحد اسمه محمد مجذوب اسمها وانا اعمل ايه رتمها جميل اوي استايل حلو
وصوت المطرب فيها رنه شجن وانا بحب الاغاني الحزينه هههههههههه ربنا
يهديني ههههههه كمان بحب حليم وام كلثوم ونجاة الصغيرة وفيروز هههههههه
كفايه عليكم اه صحيح رامي صبري ههههه
بصي الاغاني دي بجد مشكلتي معرفش
ازاي ممكن ابطلها انا بطلتها شوية وبردة رجعتلها تاني ادعولي بقي بالهدي
لحسن انا مجنونة شوية في النقطه دي ومحدش بيعرف يقنعني ان الاغاني حرام
وبصراحه مالكوش دعوة بيا في النقطه دي ههههه
صحيح في اغنيه لمنير اسمها
علي صوتك بالغني لسه الاماني ممكنه ولا انهزام ولا انكسار ولا صوت
ولااااااااا ولا حلم بايت في الخلا ههههههه كفايه كدة هههه اصلها بتطلعني
من مود الحزن وبتخليني متفائله شوية
S.هههههههههه ربنا يزيدك ياستى جيبتلنا الوسط الفنى كله
A.ايييييه اقوم امشى يعنىى
S.لالالالالا خليكى وبراحتك عالاخر مش هتمشى دلوقتى
S.اكتر حد بتشكيله همومك وترتاحى معاه
A.مع
نفسي اكتر حد بيفهمني انا بس فيه ناس كتير ممكن اشكيلهم بس قليل اللي ممكن
يفهمني اوي بس ارجع اقلك انا ممكن من غير ما اشكي بنت خالتي دي ممكن بس
اتكلم معاها ارتاح
وعموما انا احيانا بشكي لصحابي عادي
S.ربنا يخليهالك ويخليلك صحابك
S.انتى حاسة ان فى حد فحياتك بيغير منك
A.لا
بصي ماحبش احط في بالي بس اكيد فيه بس انا الحمد لله محبش غير المنافسه
الشريفه في مجال العمل لكن محقدش علي حد واحب اشوف الناس كلها سعيدة وبعرف
دايما ان الاكثر اجتهادا ربنا بيديله
S.والنبى انك حسسسسسسسل
A.ههههههههه انتى اللى حسسسسسسل
S.طيب لو ان شاء الله قالولك انتى رايحة الجنة عاوزة مين مع حضرتك
A.عاوزة كل الناس اللي بحبهم ويارب كل المسلمين اللهم امين
S.ولو لا قدر الله قالولك هنحدفك فالنار عاوزة تشوى مين مع حضرتك
A.اعوذ بالله مااقدرشي اتمني شر لحد وربنا مايكتبها ع حد من المسلمين اللهم انا نسالك العفو والعافيه في الدنيا والاخرة
S.اميييييين يارب واكيد دة من باب الهزار طبعا
A.اه طبعاااا
S.فاكرة يوم ماتولدتى
A.ههههههههه اكيد لا
S.لما كان بابا بييجى يرشيكى بشيكولاته كدة ويقعدك على رجله ويسالك بتحبى مين اكتر بابا ولا ماما
كان ردك ايه
A.هههههههه اكيد كنت هقول بابا مش هوة اللي هيديني الشيكولا هههههههههه
S.ههههههههه اكيييييييد طبعا
S.طيب لو سالتك انا دلوقتى من غير رشوة ولا قعاد على رجلى عشان وزنك طبعا
رد ايه
A.اكيد الاتنين طبعا وعموما كل واحد ليه مكانه ماينفعش تتقارن بالتانيه لان كل حد بيكون ليه دور
S.اكييييد طبعا
S.بابا بيمثلك ايه
A.الله
يرحمه كان احلي انسان في حياتي الحب والحنان والرقه والابوة والقدوة
والمثل الصالح بصي كل حاجة حلوة ممكن تقوليها في بابا وانا لو اعدت اتكلم
عنه وعن طباعه ومدي تاثري بيها في اخلاقي ومعاملاتي يبقي مش هخلص كلام
وهترموني علي طول من الشباك ههههههه
وحشني اوي ونفسي يفرح بيا ويكون في مكان احسن من هنا
S.معلش طبعا انى فكرتك وقلبت عليكى المواجع بس اكيد هو حاسس بيكى طبعاااا
A.اه طبعا
S.طب وماما
A.ربنا
يخليهالي يارب من بعد بابا وهيه بتحاول تعوضني عنه لان بابا كان احن حد
عليا وهيه صاحبتي اوي ومش بخبي عنها حاجة ممكن اسكت لكن تلاقيني في الاخر
انفجرت وحكيتلها كل شيء ههههههه
وهيه بتحب اوي تسمعني وفخورة بيا كتير بافكاري اكتر حاجة دايما بتقول كدة
S.اللحمد لله وربنا يخليهالك يارب وتفتخر بيكى اكتر واكتر
S.عشتى طفولتك حلو زى مابتحلمى بيها ولا حاسة انك معشتهاش كويس
A.لا الحمد لله كانت مرحله جميله
S.يالا نتعرف بيكى اكتر بقىىىىى
A.اووووكي الالالالالالا
S.انتى شايفة نفسك ايه
A.عادي انسانه عاديه بتحلم بحجات كتير ونفسها تحققها ونفسي اساعد الناس باي طريقه لان مصر محتاجه اوي ونفسي نقدر نعملها حاجة
S.ياترى بتحبى فقصة حب
A.هههههههههههه حلو السؤال دة طريقته غريبه هههههه
بصي
ممكن ولو اني اخجل عن الكلام في دة انا دايما عايشه الحب للانسان اللي
هرتبط بيه مستقبليا واللي لسه ماشفتوش ولا اعرفه ادعولي ربنا يرزقني بابن
الحلال اللي يحافظ عليا ويساعدني احقق طموحي بدون مايجور علي شغلي لان
مهنتي هتكون صعبه والبيت هيكون محتاجني هههه ادعولي احقق الموازنه الصعبه
دي
S.ههههههههه يارب ياختى يااااااااارب يحققلك حلمك دة
S.ايه هى احلى صفة شيفاها فنفسك
A.والله انا مقدرشي اقول ممكن تسالي الاعضاء من خلال كلامي وهما اللي يحكموا لو فيا صفات حلوة
S.طبعا انتى عسولة جدا ومحترمة فردودك اووى والكل يشهد بكدة ودى طبعا مش مجاملة
A.ربنا يخليكى ياقمر
S.واوسؤ صفة ونفسك تخلصى منها
A.هههههههههه
عصبيه موت هههههه بس بروق بسرعه بس انا تقريبا عنيدة كتير ومحبش اقول حاجة
وماتتعملش هههههه دة بقي بيسببلي مشاكل مع اخواتي خصوصا لو كنا بنتفرج ع
التلفزيون ههههههه بس دة كان زمان شوية S.ههههههه العصبية مش سايبة حد خااالص
S.احلى يوم عشتيه فعمرك
A.لسه مجاش هوة فيه لحظات حلوة عشتها لكن يوم كامل صعب تلاقي
كويس اوي لما تلاقي لحظه حلوة
S.حلوووووووة اوووووووووى اجابتك وحستها اووووووى
S.واسؤ يوم
A.يوم وفاة بابا عمري ماهنسي اليوم دة لحد مااموت
S.الله يرحمه ويجعله من اصحاب الجنة
S.حبيتى قبل كدة من اول نظرة
A.لا
ممكن تقولي اعجاب لكن لست اؤمن ان فيه حاجة اسمها حب من اول نظرة لانك
ممكن تشوفي شخص تعجبي بيه وتكملي معاه تلاقيه حاجة تاني وممكن تشوفيه
وتكملي تلاقيه احسن وساعتها هيعتبر حب من اول نظرة لكن لا
هوة في الاساس اعجاب يتطور لحب
S.نرجع بقى شوية لمتعب
بتحبى متعب اكييييد
A.اه طبعاااااااااا
S.ومن امتى الحب دة
2006A. منتخب مصر
S.وزاد لما دخلتى المنتدى ولا قل
A.الاول
كنت ببقي عاوزة اعرف اخباره بطريقه رهيبه لكن المنتدي وفرلي شوية الجنان
بتاع زمان لكن انا حبي لمتعب هوة حب للاعب كرة القدم المهذب اللي طريقه
لعبه بحبها جدااااااااا هوة فعلا متعب وكلنا حبينا متعب الانسان من حبنا
للاعب المهاري لكن عمري مافكرت فيه اي تفكير مش ولا بد وانا بنصح كل
البنات انهم يعقلوا شوية هههههههه دة لو فيه حد مجنون يعني هههه
S.غمضى عنيكى واسرحىىىىىىىىىى وتخيلى شموع حواليكى فكل مكان
بتحلمى اكيد بليلة العمر والفستان الابيض
عاوزاها ازاى
A.والله
اللي اتمناه يكون معايا الانسان اللي بحلم بيه ونحاول تكون ليله جميله
والناس تحكي عنها قولوا ياااااااااااااااااااااااااااااااااارب هههههههه
S.ياااااااااااارب ياحببتى يااااارب
S.مواصفات فتى احلامك وخليكى مغمضةةةةةةة
A.لاااااااااااااااااا دة كتير طموح مش هايف عنده دماغ ههههههه عقل يعني كدة مش زي اي حد
وطبعا اول شيء اخلاقه وتدينه ويكون بيحاول يرضي ربنا ونفسه لوامه كثيراللوم علي نفسه
واكيد
يكون بيحبني ويحافظ عليا وعلي كرامتي وياريت يكون بيحب الكورة ههههه عشان
نتفرج سوا وياسلام لو اهلاوي ههههههه احلموا ياللا كفايه كدة مواصفات بس
ضيفوا ليها الصفات الطبيعيه اللي كل بنت هتقولها ههههههه يعني مثلا الشكل
والمظهر والحجات دي يعني هههه وطبعا يكون محترم كفايه بقي عقدتيني يا بنتي
بيتهيالي مش هلاقيه خالص ههههههه
S.هههههههه يارب ياستى تلاقى الدنيا اكيد فيها ناس كويسة
A.اه طبعاااا
S.اول دمعة نزلتيها على مين
A.اكيد لما اتولدت هههههههه انا اساسا كنت مشهورة بكثرة البكاء
S.ههههههههههه
S.واخر دمعة
A.من شوية اي شيء ممكن ينزل دموعي ممكن افتكر موقف قوي يخلي عيوني تدمع
S.نتكلم عالمنتدى تااااااانى
S.اكتر قسم بتحبيه وبتلاقى نفسك فيه
A.الفضفضه ومقهي الاهلاوية
S.اكتر قسم حاسة انه مهمل شوية
A.الاسلاميات
S.اكتر فسم نشيط
A.الفضفضه والالعاب واتمني ان الاعضاء يدخلوا القسم دة بالذات بحساب شوية مش ع طول كدة نلعب
S.ايه اللى ناقص فالمنتدى من وجهه نظرك
A.نعمل قسم للسياسه
S.واللى بتتمنيه للمنتدى
A.يارب ان شاء الله في حب دايما واجتماع علي الخيرونفسي اجتماعنا فيه استفادة يعني نستفيد من بعض مش مجرد تسليه
لا نعمل حجات هادفه ومواضيع تمون مفيدة وطبعا باستمتاع
S.كلمة اخيره للمنتدى
A.يارب الجميع يكون بخير والاعضاء يجتعوا علي الاخوة دايما والخير ودايما في تقدم تحت اسم الاخوة في الله
S.كلمة لمتعب
A.ربنا يوفقه ويحترف في احلي نادي في الدنيا ويبقي احلي هداف ان شاء الله
S.كلمة ليا
A.مرسي ليك ياقمر واتمنالك التوفيق وجمعنا واياكي وكل الاعضاء في الفردوس الاعلي وهدانا جميعا لخير الطريق
وحافظي ع القسم دة عشان بحبه كتير
وربنا يوفقك ياجميل
مرسي ع الحوار وانك اختارتيني انا عشان اكلم الاعضاء اخواتي طبعا اللي بحبهم جدا واتمني اكون ادرت اكون خفيفه عليكم
S.ميرسى ياقمر ليكى وانتى نورتينى طبعا وانا مبسوطة بوجودك معانا
.بس للاسف لالالالازم تمشى حاااااالا
A.هههههههه طرد
طبعاااااااا دى خاصية فالبرنامج بييجى فالاخر ويطرد لوحدة تلقائيا كدة ههههههههه
A.هههههههههه ماشى انا همشى اهوووووووو مع السلالالامة
S.مع السلامة ياحببتى
S.وخلصنا ياحايبى ودى كانت عاشر حلقة
وان شاء الله لو كان ليا عمر اعملكو كام حلقة قبل ماامشى عشان تفتكرونى بيها
تحياااااااااتى
