اعضاء وزوار المنتدى الرسمي لمحبي نجم النجوم عماد متعب .. اهلا بيكم مرة اخرى بعد إعادة فتح المنتدى .. وآسف على التأخيـــر ..
نبدأ الآن في استعراض مكونات التوبيك :
1/ تعيين مشرفين ومراقبين جداد :
نبدأ الآن في استعراض مكونات التوبيك :
1/ تعيين مشرفين ومراقبين جداد :
أولا : تعيين المراقبين الجدد :
1/ The GAME
2/ !!**MeReNDa**!!
ثانيا : تعيين المشرفين الجدد :
مشرفين على قسم الفضفضة :
monnon2
arar
مشرفة على قسم اخبار الفن :
جيجى
مشرفة على قسم الموضوعات العامة :
gody2003
مشرفة على قسم أخبار النادى الأهلى
الأهلي حديد سمسمة
مشرفة على قسم الإسلاميات :
نهى عاشقة متعب
* - * - * - * - * - * - * - * - * - * - * - * - * - * - * - * - * - * - *
2/ إزالة مشرفين قدامى :
سالى : مشرفة قسم الاغانى والالبومات "سابقا"
https://emadmet3b.yoo7.com/profile.forum?mode=viewprofile&u=83
ساحر الكرة المصرية : مشرف نجوم مصر المحترفين في الخارج "سابقا"
https://emadmet3b.yoo7.com/profile.forum?mode=viewprofile&u=7720
عاشقة الاهلى الحمر : مشرفة قسم الفضفضة "سابقا" .. بناءا على طلبها بسبب ظروف الدراسة
https://emadmet3b.yoo7.com/profile.forum?mode=viewprofile&u=4258
هالة متعب : مشرفة قسم اخبار الفن "سابقا" .. بناءا على طلبها بسبب ظروف الدراسة
https://emadmet3b.yoo7.com/profile.forum?mode=viewprofile&u=1131
llolastar : مشرفة قسم الموضوعات العامة "سابقا" .. بناءا على طلبها بسبب ظروف الدراسة
https://emadmet3b.yoo7.com/profile.forum?mode=viewprofile&u=3904
* - * - * - * - * - * - * - * - * - * - * - * - * - * - * - * - * - * - *
3/ إيقاف أعضاء خالفوا قوانين المنتدى الفترة الماضية وتجاوزا في حق الأعضاء وذلك تحت شعار "مصلحة المنتدى" !!
بداية عاوز اوضح حاجة مهمة جدا .. مفيش عضو بيتوقف من منتدانا إلا بعد ما يخالف قوانين المنتدى ويتجاوز في حق الاعضاء او المشرفين او المراقبين .. ويتجاوز في حق المنتدى ككل .. ليس ذلك فقط .. بل انى بنتظر حتى يستنفذ كل الفرص اللى بتتاح له .. وبعد ما يتم تحذيره اكتر من مرة .. ودة اللى حصل مع الاعضاء التالى ذكر اسماءهم واللى تم ايقافهم : " مع العلم ان مش من مصلحتى ابدا انى اوقف اعضاء .. ولكن من مصلحة المنتدى حتى تستمر المسيرة في هدوء "
1/ سندباد الشرق :
سبب الإيقاف : مخالفة قوانين المنتدى في استخدام أسلوب التلميح في اغلب ردوده الفترة الماضية .. وتم تعديل اكتر من 7 ردود في خلال يومين ، حتى وصل به الحال إلى استخدام اسلوب التلميح في توقيعه
كمية مخالفات وتجاوزات في حق الأعضاء والمنتدى بالجملة في التوبيك دة :سندباد الشرق كتب:
واتنمي الا يأتي (احد المراقبين ويعرف نفسه جيد ) ويقول لايوجد سلبيات وانتا لا تفعل هذا لتطوير المنتدي انك تفعل هذا لعمل المشاكل فقط وان السلبيات توجد فيك !!!
https://emadmet3b.yoo7.com/montada-f32/topic-t43267.htm
وساكتفى بهذه الاقتباسات :
سندباد الشرق كتب:
المنتدي مازال يمر من اسوء الحالات اللي اسوءها اكثر لأسباب كتيره محدش مختلف عليها لسوء الاداره اولا ويتفرع منها سوء تنظيم وعدم انضبابط الاعضاء من كثره المشاكل وكثره (طرد الاعضاء)
لكن اتضح لي بعد مرور الوقت ان المنتدي يتدهور من الاسوء السابق اللي الاسوء الحاضر والمستقبل اذا كان له مستقبل من بعد وقتنا هذا !
سندباد الشرق كتب: سيصبح هذا المكن في غضون (سنه ) لا اكثر مكان مجهول ..وتذكرو هذه الكلمه جيدا
على الرغم من التجاوزات دى .. رديت ووضحت النقط اللى كانت تحتاج لتوضيح .. ودافعت عن اعضاء المنتدى والمشرفين والمراقبين .. وفي النهاية اغلقت الموضوع لإنهاء المناقشة .. وتفاجآت بالمراقب العام "السابق" يعيد فتح التوبيك مرة تانية "دون ادنى اعتبار لقرارى " ومش كدة وبس .. لا .. اضاف رد تانى مليان مخالفات وتجاوزات في حق اعضاء المنتدى وده اللى مش حسمح بيه ابدا .. ولو اى حد يعتقد انى ممكن اسامح في حاجة زي دى يبقى غلطان ..سندباد الشرق كتب:
انظروا حاليا من من الطاقم الاداري يقوم بعمله ..غالبا فهو لايتعدي ال 10% وهذا يعتبر فشل ذريع للغايه لأداره اي مكان لو كانت هذه النسبه هي التي تعمل !
على الرغم انه فتح التوبيك من غير ما يعمل اى اعتبار لكلامى .. وعلى الرغم من التجاوز دة في حق اعضاء المنتدى واللى لو اى شخص تانى فكر يقول نفس الكلام حتنتهى علاقته بالمنتدى لحظة ما يكتب الكلام دة .. بالرغم من دة كله .. رديت عليه مرة تانية ووضحتله كل النقط اللى طلب توضيحها .. ونهيت ردي بعبارة " المناقشة انتهت يا هشام " واكتفيت وقتها بتنفيذ طلبه اللى الح عليه اكتر من مرة بالازالة من المراقبة وكنت مصمم على بقاءه معانا في طاقم الادارة ولكن يظهر انه كان بيعجل بالطلب دة لسبب تانى محدش كان يعرفه وقتها ..سندباد الشرق كتب:
للأسف هنا معظم الاعضاء ماشيه بنظام الهرجله ومفيش اي قوانين بتتنفذ
إلى هنا .. استنفذ هشام كل الفرص الممكنة .. ولكن لانه عضو قديم جدااا ومراقب عام "سابق" لم اتخد اى اجراء او تصرف .. وفؤجت وكأنه يصر انه ميعملش لكلامى اى اعتبار .. خد اقتباسات لردودى وعلق عليها .. ولأنه مش حيقدر يرد في التوبيك المغلق بعد ما تم ازالته من المراقبة دخل على التوبيك بتاع اكرم حط فيه اقتباسات لردودى ولكل اقتباس تعليق يحتوى على مزيد من التجاوزات في حق الاعضاء والادارة .. ولكن اضاف على كدة تجاوز رهيب في حقى سامحونى مش حقدر اقوله بالظبط ولكن اعتقد البعض فهم اللى كان مكتوب من تعديلي للرد .. اكتفيت وقتها بتعديل الرد وتكرار الجملة السابقة " المناقشة انتهت " واضفت عليها جملة " آخر تحذيــر "
سندباد الشرق كتب:الرد مخالف .. تم التعديل
ومش حسمح ابدا بالتدخل او التشكيك في قراراتى
ردودك وتعليقاتك اللى فاتت كنت بسيبها .. لكن طالما الكلام وصل لكدة يبقى لا !!
المناقشة انتهت يا هشـــام .. آخر تحذيـــر > Admin
واثناء الكلام دة ظهر عضو اسمه tom_tom90 تجاوز في حق هشام .. وتم ايقافه فورا @
سندباد الشرق كتب:الرد مخالف .. تم التعديــل
رد فيه اساءه ليك .. متقابلش الإساءه بإساءه ..
والتصرف حيكون في أسرع وقت إن شاء الله .. او تراسل المشرفين او المراقبين
> Admin
للمرة الخامسة رد جديد لهشام ونفس الرد منى :
اعتقد انكو لاحظتو انى بعد كلمة " اخر تحذير " اديت لهشام فرص تانية كتير .. ولكن دون جدوىسندباد الشرق كتب:تم التعديـــل > Admin
المناقشة انتهت يا هشــام ..
وارجوك بلاش تحول التوبيك لاتجاه تانى @
واعتقد ان كلامى كان واضح .. ولكن اتفاجآت انه رجع للمناقشة تانى .. وممكن تتصفحوا الردود من هنا :
https://emadmet3b.yoo7.com/montada-f32/topic-t43274-120.htm
صفحات 7 و8 و9
ادعوكم انكم تقروا الردود بالكامل وحتحسوا من ردوده انه اهمل وجودى في المنتدى تماما ..
مخالفة جديدة في حق اعضاء المنتدى .. وهى الاستهزاء والاستخفاف بقائمة ال V.I.P
https://emadmet3b.yoo7.com/montada-f53/topic-t43292.htm
وتفاجآت بطلب هشام لاغلاق 3 توبيكات من توبيكاته .. وتم التنفيذ
https://emadmet3b.yoo7.com/montada-f56/topic-t43365.htm
وبعدها طلب حذف 4 حصريات من حصريات المنتدى حذف نهائي ويرجع الفضل ليه في عمل الحصريات دى .. وتم التنفيذ
https://emadmet3b.yoo7.com/montada-f56/topic-t43395.htm
عاوز بس اقول حاجة .. هل منطقى ان عضو يطالب بحذف حصريات للمنتدى ويكون خايف على مصلحة المنتدى !! .. عضو يطالب يحذف نهائي لحصريات للمنتدى معنى كدة انه بيكره المنتدى دة ومش عاوز اى نجاح يستمر فيه .. يبقى ازاى في نفس الوقت يقول انا خايف على المنتدى ولازم نناقش السلبيات ونعالجها .. هل دة منطقى !!!
اعضاء المنتدى الرسمي لمحبي عماد متعب .. انا لو سامحت هشام على كل الاخطاء والتجاوزات دى سواء في حقى اوفي حق المنتدى .. مش حقدر اسامحه عن الجملة دى :
سندباد الشرق كتب:
للأسف هنا معظم الاعضاء ماشيه بنظام الهرجله ومفيش اي قوانين بتتنفذ
2/ dodo
سبب الإيقاف : استخدام اسلوب التلميح :
احب اشكرك جدااا يا احمد على التلميح والكلام الجميل ده .. مكنتش متخيل انها توصل لكدة .. لا واحلى حاجة ان دة كله تحت شعار " مصلحة المنتدى " !!!dodo كتب:
منتدانا زى مجتمعنا زى ما بره فى نجم ..احنا كمان عندنا نجم,بره النجم بيمثل و بيهتم بيه الصحافه..و الناس بتشاور عليه فى الشارع...لكن النجم اللى عندنا بيجرى وراه الناس...و يتعب قلبهم...بيدى الحلق اللى بلا ودان..بيكبر الصغير على الكبير...بيدى الفرصه للى ما لهومش فيها ..انهم يركبوا اللى ليهم فيها ..و يدلدلوا رجليهم...النجم بره محبوب..النجم عندنا ...مش مفهوم..يوم تحبه و تعجب بيه جداا..و يوقف تستغربه و تقول خو اللى عارف الصح من الغلط..و يوم..تستكر حبك ليه...النجم بره...احمد عز او احمد السقا او احمد رزق..النجم عندنا ممنوع التلميح اوالاقتراب او ذكر الاسم او التصوير ...يارب يكرم كل نجومنا ...اللى خلوا عشاق الاهلى الحمر اللى مالهومش فيها لمجرد عشقهم للاهلى بقوا اعظم شانا و اعلى مقام من الاسطوره سندباد..و نجومنا اللى خلوا العنب البناتى ..دهبى اللون احسن مليون مره ..من مجموعه مزارع للvip اللى بياكل منها الرئساء و كبار رجال الدوله
وعشان ما اطولش اكتر من كده ...التوبيك ده فى قسم الشباب اتمنى الشباب بس اللى يردوا عليا ..و يقولولى ..مين هو النجم اللى بتكلم عنه...فى اولى حلقات برامجى الجديد...دودو حول المنتدى...؟؟
اللى يعرف الاجابه يخليها جواه..و اللى ما يعرفاش يفتى و يكتب اى حد يجى فى باله
و اتمنى انى اشوفكه المره اللى جايه ..فى يوميات مطرود من توبيكى ..
مرة تانية شكرا على زوقك وعلى المجاملة اللطيفة دى ..
واعتقد انك لما طلب ردى في التوبيك بتاع اكرم .. وعملتلى استجواب .. دخلت ورديت ووضحت كل حاجة بدون تلميح ولا حاجة
https://emadmet3b.yoo7.com/montada-f32/topic-t43274-45.htm
مش عاوز اطول في الجزء الخاص باحمد .. لان الاقتباس اللى موجود دة يكفينـــى .. وليه جزء مشترك مع اكرم
3/ 2okosh
سبب الإيقاف : نفس سبب إيقاف dodo
2okosh كتب:
بص يا مان احنا ممكن فعلا نعمل برنامج اسمه انا و اللي ما بحبوش طبعا ماخوذ عن فكرة البرنامج الفاشل بتاع غاده عادل
بس الفرق انه هيبقى برنامج مكسر الدنيا ليه بقا انك تعمل حوار مع اكتر ناس مابتحبهاش في المنتدى
و طبعا هتقولولي دي اختلاف وجهات نظر و كلنا اسره في بعضينا و بتاع و الكره مش بيننا
بس انا شخص واضح اه في كره بينا و كره كبير كمان
فانت سيادتك اودامك عصيرك بسبوستك سلاطاتك باباغنوجك و محضر كام سؤال فل للاخ او الاخت اللي انت مابتحبهاش او بوش
و تطلع عينه ب5 اسئله فقط لا غير
و طبعا الكل فهم ايه الغرض الاشاسي من المودوع (مش غلطه كي بورد انا قاصدها)
2okosh كتب:ليه يا ابني بما انك بقيت اكتر عضو مكروهو الناس كلها مش طايقينك يبقى انت احسن واحد للبرنامج داهون
يعني اما اجي اقدم عمرو دياب اقول الهضبه منير اقول الملك تمورة اقول نجم ال.... اليسا ملكه الاحساس محمود سعد الجرئ عمرو اديب الواطيمنى الشاذلي المختلفه اما اجي اقول هشام صاحب اكبر نسبه كره يشهدها المنتدى
خخخخخخخ صباح التهييس شكل الفول كان فيه هلاوس و لا ايه يا هيشو
+ الاستخفاف بادارة المنتدى في التوبيك دة :
https://emadmet3b.yoo7.com/post.forum?mode=quote&p=687528
2okosh كتب:
soooooooooooooon
ردود أخرى مخالفة لقوانين المنتدى من هشام واحمد واكرم في التوبيك دة :https://emadmet3b.yoo7.com/montada-f32/topic-t43388.htm
واعتقد لو كنا سبنا التوبيك وقت اطول .. كنا حنشوف حاجات اكتر ..
ملحوظة بسيطة جداااااا ::
سبب مشترك في إيقاف الاعضاء التلاتة .. اصرارهم على مخالفة قوانين المنتدى واستخدام اسلوب التلميح والتجاوز في حق الاعضاء وحق المنتدى تحت شعار " مصلحة المنتدى " !!
هل يعقل ان عضو تهمه مصلحة المنتدى ويطلب بحذف الحصريات اللى قام بيها للمنتدى " مع العلم ان تم تنفيذ طلبه وحذف حصرياته حذف نهائي من المنتدى " !!
هل يعقل ان عضو بيحاول يعالج سلبيات المنتدى ويقول " الاعضاء ماشين بنظام الهرجلة ومعظمهم مش بينفذ القوانين و10% بس من المشرفين والمراقبين اللى قايمين بدورهم " !!
هل يعقل ان عضوين مش بيدخلوا المنتدى بقالهم اكتر من سنة ونص .. تقريبا معدل دخولهم مرة كل شهر .. هل يعقل ان بعد الفترة دى كلها يرجعوا في يوم وليلة ويقوموا بتقييم المنتدى بالكامل واعضاءه ومشرفينه ومراقبينه ويحكموا على المنظومة كلها بالفشل !!
هل يعقل ان عضو بقاله 6 شهور لا يدخل المنتدى إلى مختفي ولا يشارك بأى رد او موضوع إلا بعنوان " سارحل من المنتدى " ، " مش حدخل المنتدى تانى " ، " سلبت يدي من هذا المكان للأبد " ، " المنتدى ينحدر من سئ إلى اسوء .. انقذوه " هل يعقل بعد كل دة انه يكون خايف على مصلحة المنتدى وعاوز يصلح الاخطاء الموجودة فيه !!
الغريب واللى فعلا حيجنني انى شفت ليهم تعليقات معينة مشفتهاش من اشخاص حاولوا يدمروا المنتدى بالفعل على مدار مشواره .. !!!
قاموا بكل ذلك تحت شعار مصلحة المنتدى !!! يا إما بيحاولوا يضحكوا علينا .. يا إما بيضحكوا على نقسهم !!
أخيــــرا :
تم إيقاف كل من :
1/ سندباد الشرق
2/dodo
3/ 2okosh
إيقاف نهائي
كلمة مينفعش مقولهاش :
شكرا يا هشام ويا احمد ويا اكرم على كل لحظة من وقتكم قدمتوها للمنتدى .. شكرا للمجهود الرائع اللى قدمتوه للمنتدى طوال فترة وجودكم معانا .. شكرا لكل رد او توبيك او مساهمة شاركتوا بيها معانا في المنتدى .. ومهما حصل انتو اعضاء بالفعل اثروا في المنتدى .. وصعب جدا ننساكم .. ومحدش يقدر ينكر مجهودكم وشغلكم الاكتر من رائع اللى قدمتوه للمنتدى طول الفترة اللى كنت موجودين فيها معانا ..
يتبـــــــــــــــع
عدل سابقا من قبل Admin في الأربعاء سبتمبر 09, 2009 3:48 pm عدل 14 مرات
