أهلا بكم عشاق ومحبي النجم عماد متعب
في ليلة خاااااااااااااصه جدااااااااا
ليلة عيد ميلاد
Admin
كان لازم نعمل معاه حوار ولكن مش زي اي حوار
حوارنا مع الادمن كان مختلف جدا
اتكلمنا عن حياته الشخصيه
وعرفنا حاجات كتير اوي اوي عن الباشمهندس محمد
وف اخر الحوار كان فيه تحليل لشخصيته وهو علق عليه
اتمني اني اكون قدرت ابين ولو جزء من شخصية
الباشمهندس محمد نجم
ادمن المنتدي الرسمي لعشاق ومحبي النجم عماد متعب
goldengirl: اهلا بيك يا باشمهندس محمد ف ليله خاااصه جدا وهي ليه عيد ميلادك
goldengirl:كل سنه وانت طيب
Admin: وانتى طيبة يا آيه .. واهلا بيكي انتى وبكل اعضاء المنتدى
goldengirl: عامل ايه وايه اخر اخبارك طمنا عليك ؟
Admin:الحمد لله ماشى الحال .. الاجازة مملة طبعا .. والواحد بيحاول يشغل وقته بأى حاجة وكلها يومين وأبدأ كورسات تبع الكلية وربنا يسهل
goldengirl: ربنا معاك يارب ويوفقك باذن الله
goldengirl: طبعا يوم عيد ميلادك بيكون يوم مختلف عن اي يوم ف السنه ممكن تشرحلنا بتعمل ايه بالظبط ف اليوم ده واحساسك بيكون ايه ؟
Admin:اهم حاجة بتميز اليوم دة انى غالبا بتجمع مع معظم اصحابى وبيكون احتفال صغير اوى واحلى حاجة بتسعدنى لما الاقى واحد صاحبي مش بشوفه كتير لان كل واحد مننا مشغول طول السنة في دراسته وكدة والاقيه يوميها فاكرنى وباعتلى مسج حتى على الموبايل وفيها كل سنة وانت طيب .. دى بتبقى احلى حاجة عندى .. وطبعا والدى ووالدتى واخواتى
Admin: بحتفل معاهم بردة
goldengirl: جميل
Admin: وطبعا الحوار معاكى من اهم الحاجات اللى بعملها في اليوم دة
goldengirl:ربنا يخليك يارب
goldengirl: طب محمد ترتيبك الكام بين اخواتك
Admin:انا الكبير في اخواتى .. وفيه اختين اصغر منى
goldengirl: طيب محمد بما انك الاخ الاكبر بتتعامل مع اخواتك البنات ازاي هل يعني انك الاخ الكبير وان كلمتك لازم تمشي والا بتكونوا اصحاب وبتحكوا لبعض ع كل حاجه
Admin:احنا بنعتبر بعض اصحاب وبناخد رأي بعض في كل حاجة .. وبنحاول دايما اننا نسمع بعض ومعندناش حتة الاخ الكبير دى خالص بالعكس زي ما قلتلك احنا بنعتير اننا اصحاب ولازم كلنا نسمع بعض
goldengirl: طيب تمام
goldengirl: لو اختك جات وقالتلك انها بتحب شخص وهو عايز يرتبط بيها هايكون رد فعلك ايه وبصراحه
Admin: بكل هدوء ححاول اعرف منها مين الشخص دة وعرفته ازاى وفين وامتى .. واحاول في الاول انى اعرف عنه كل حاجة حتى لو كان من بعيد لبعيد .. وبعد كدة حقولها طبعا ان اللى المفروض يحصل انه يدخل من الباب ويجي ويخبط علينا واحنا حنستقبلهونتعرف عليه وعلى أهله ونشوف ظروفه ايه .. وساعتها طبعا لازم بابا وماما يكونو عارفين قبل اى حاجة
goldengirl: طيب لو هو مش مستعد للجواز او مش عنده المؤهلات الكافيه انه يتقدم لبنت دلوقت
Admin: دى حتبقى مشكلة طبعا .. ساعتها حيكون فيه الكلام مختلف .. سواء لو كان جارنا او زميلها في الكلية او ... او ..
Admin:لو زميلها في الكلية الزمالة ممكن تستمر بس طبعا بحدود .. وانا طبعا حكون واثق تمام الثقة في اختى وفي تصرفاتها .. واهم حاجة ان بابا وماما حيكونو عندهم علم
goldengirl:طيب لو انت قاعد مع واحد صاحبك وفجاه لقيته بيقولك يا محمد انا عايزك ف موضوع مهم فانت سالته قالك انه عايز يرتبط باختك ومعجب بيها هل هتنصدم لانك ماكنتش متوقع والا هتعمل ايه
Admin:انتى مصممة على الأسئلة الصعبة دى .. مش كفاية السؤال الأولانى اكيد طبعا حتكون مفاجآة بالنسبة ليا .. ساعتها حيكون فيه فرق عن الموضوع الأولانى لان دة حيكون صاحبي وعارف عنه كل حاجة وعارف شخصيته واهله ودخلت بيته وهو دخل بيتي عشان كدة الوضع حيكون مختلف في النقطة دى .. بس طبعا نفس الكلام لازم حيدخل من الباب ويكون الموضوع رسمي .. والرأي في الأول وفي الأخر حيكون لأختى سواء موافقة او لا
goldengirl: اها
goldengirl: طيب تمام
goldengirl: ايه اكتر حاجه او شخص اثر ف تكوين شخصيتك او كان ليه دور اساسي وفعال ف حياتك مش ممكن تقدر تنساه
Admin:اكتر فترة أثرت فيا فترة الكلية .. وطبعا والدى مأثر في تكوين شخصيتى واكيد والدتى طبعا
goldengirl:تمام
goldengirl: اكتر حاجه ممكن تضايقك وتنرفزك ومش بتقدر تتمالك اعصابك وقتها ؟
Admin:ان يكون واحد قريب منى او حتى متربطنيش بيه علاقة قوية ويحاول يستغل طيبتى في انه يضحك عليا او يستغلنى في تحقيق مصلحته .. ومن اكتر الحاجات اللى بتضايقني جدااا الكدب
goldengirl:اوك
goldengirl: كلمنا عن مراحل حياتك سواء الطفوله او المراهقه او الشباب واكتر مرحله استمتعت بيها وايه الاسباب ؟
Admin: الطفولة كانت متقسمة لجزئين .. جزء قضيته في مصر مع اقرايبي واصحابى ايام الابتدائى وكدة .. وجزء في السعودية من رابعة ابتدائى لاولى اعدادى .. طبعا الفترة اللى كانت برة مصر دى كانت صعبة جدااا .. بس عدت بحلوها ومرها
Admin: وبشكل عام انا شايف ان طفولتى كانت طبيعية واستمتعت بيها جداا . باستثناء الفترة اللى كنت فيها برة مصر
Admin: ومرحلة المراهقة والشباب كانو زي اى شاب .. بدأت اكون صداقات مع اصحاب جداد اول ما رجعت من السعودية ، بالاضافة لاصحاب احتفظت بيهم من ايام ابتدائي وزادت صداقتنا اكتر بعد ما رجعت ..
Admin: وممكن اقول ان مرحلة الطفولة هى اكتر مرحلة استمعت فيها .. لان الواحد ساعتها مكانش دارى بأى حاجة ولا حاسس بأى حاجة ... عايش حياته بدون ضغوط او مشاكل ..
بس دة ميمنعش ان لكل مرحلة طعم واحساس مختلف .
goldengirl: جميل
goldengirl: ايه هي اكبر مشكله واجهتك كمراهق واكبر مشكله واجعتك كشاب
Admin:كمراهق ممكن اقول مشكلة اختيار الاصدقاء .. وممكن اقول ان المشكلة دى كان سببها الفترة اللى قضيتها في السعودية ورجعت منها بمشكلة قلة تعاملى مع الناس ودى اللى سببت الموضوع دة
Admin:ومرحلة الشباب طبعا مليانه ضغوط ومشاكل .. من الثانوية العامة والضغوط اللى كانت فيها .. للكلية وبردة الضغوط اللى فيها وهكذااااا .. عشان كدة مفيش مشكلة محددة
goldengirl: ممممم
goldengirl: اوك
goldengirl: هل انت راضي عن نفسك وعن اختيارك لاصدقاءك الحاليين
Admin: الحمد لله راضى عن اختيارى لأصدقائي الحاليين .. سواء اصدقاء المدرسة او الثانوية او الكلية .. وبالنسبة لراضى عن نفسي ... طبعا الواحد بيحاول على اد ما يقدر انه يتطلع للأحسن .. ودايما يبص لقدام .. والحمد لله انا راضى إلى حد ما عن نفسي ممكن اقول بنسبة 75 %
goldengirl: جميل
goldengirl: هل محمد بيقدر يتعامل مع شخصه وهو مش مرتاحله او مش بيحبه والا مدام مش مرتاح لحد مش هتكلمه مهما كانت الظروف او المواقف
Admin:بحاول اتجنب باستمرار التعامل مع الاشخاص اللى مش مرتاحلهم .. انما في اوقات الواحد بيكون مضطر انه يتعامل معاهم ويجارى الظروف .. وفي الحالة دى بحاول على اد ما اقدر ان التعامل يكون سطحى ويكون على اد السؤال زي ما بيقولوا
goldengirl: اه
goldengirl: طيب انت شخصيه بتقدر تداري اللي جواها ومش تصرح بيه والا زي ما بيقولوا اللي ف قلبك علي لسانك
Admin:بصى اللى في قلبي بيبقى باين على وشى حتى لو مقولتهوش
يعنى انا اللى في قلبي على لسانى .. ولو قدرت اداريه بيبان عليا على طووول
goldengirl: اها
Admin:بس بردة حرجع اقول الواحد احيانا بيبقى محتاج يدارى حاجة معينة غصب عنه سواء الظروف متسمحش او الوقت مش مناسب او اى حاجة .. وفي الحالة دى ممكن الواحد يجي على نفسه ويغير من طريقته على اد ما يقدر
Admin: بس انا مقدرش اقولك انى بنجح في النقطة الاخيرة دى
goldengirl: اه طب تمام
goldengirl: ايه هي الحاجه اللي فشلت انك تحافظ عليها
Admin: السؤال دة صعب شوية
goldengirl: ههههههههههههه جاوب جاوب لسه بدري ع الصعب
Admin:بصراحة مش لاقى اجابة على السؤال دة .. بس ممكن اقول انى فشلت في الحفاظ على علاقتى ببعض قرايبي اللى كانو قريبين منى اوى بس الاتصال بقى قليل اوى لما دخلنا الكلية وبقينا بنلاقى صعوبة كبيرة جدا في اننا نتجمع في يوم واحد بعد ما كنا تقريبا اليوم كله سوا
Admin: دى اللى كان في إيدى انى احفاظ عليها .. انما ممكن تكون فيه حاجات تانية مكانش في ايدي احافظ عليها يعنى راحت منى غصب عنى من غير ما احس
goldengirl: طيب لو الزمن رجع بيك ايه اللي تتمني انك تغيره ف حياتك
Admin:انى مكنتش قضيت 3 سنين من حياتى او بمعنى اصح في مرحلة الطفولة برة مصر ..
