أهلا بكم عشاق ومحبي النجم عمـــــــــــاد متــــــــــعب
في أخـــــــــــر حلقــــــــــــــات
برنــــــــــامج ** حــــــــــوار خـــــــــاص جدا**
وعشان الحلقه دي اخر حلقه في برنامجنا
كان لازم انها تكون حلقه مختلفه جداااااااااا عن بقية الحلقات
عشان كده
ضيفنا النهارده ضيف مختلف جدااااااااااااااااا
أقل لقب ممكن نطلقه عليه
الامبراطور
ضيفنا النهارده
شخصيه تتميز بالاحترام الشديد
شخص عـــــــاقل جدا وهادي جدا
عارف هو بيعمل ايه بالظبط وفاهم هو عايز ايه
شخصيه كلنا بنحبها جدا وبنحترمها جدا
ليه الفضل انه جمعنا في المنتدي الجميل ده
بجد الحوار معاه اقل ما يقال عنه انه رااااااااااااااااااااااائع
انا شخصيا استمتعت بيه جدا جدا
ضيفنا وضيفكم النهارده
الاسطورة
**Admin**
golden girl: اهلا بيك يا باشمهندس محمد ضيف حلقتنا النهارده
Admin:ميرسي يا ايه ربنا يخليكي .. اهلا بيكي انتى وبكل اعضاء المنتدى
golden girl: عامل ايه وايه اخب اخبارك ؟
Admin:الحمد لله ماشي الحاال
golden girl: يارب دايما
golden girl: ف البدايه نحب نباركلك علي النجاح ونقولك الف مبرروك ومن تميز لتميز اكبر ان شاء الله
Admin: الله يبارك فيكي ياآيه ربنا يخليكي .. وعقبالك ان شاء الله وعقبال كل اعضاء المنتدى
golden girl: ربنا يخليك
golden girl: دايما ف بداية حلقتنا بنقدم ضيف الحلقه وبنعرف الاعضاء بيه
golden girl: اتفضل قول بطاقتك الشخصيه
Admin: محمد نجم .. 20سنة و7 شهور .. الفرقة التالتة هندسة طنطا
golden girl: تمام
golden girl: ايه الخطوات اللي بتاخدها اما بتحصل مشكله ف المنتدي
Admin: اول حاجة اجمع معلومات عن المشكلة لو كانت حصلت في غيابي ، واحاول اسمع كل اطراف المشكلة ،
Admin:واهم حاجة يكون فيه تأنى وعدم تسرع لان التسرع ممكن يخليني احل المشكلة بمشكلة تانية او كمان مشاكل تانية
Admin:فاهم حاجة الواحد يكون هادى وهو بيفكر في حل المشكلة ، وفي النهاية قوانين المنتدى هى اللى بتحكم وهى اللى بتحدد اللى غلطان واللى ليه الحق ..
golden girl: جميل
golden girl: ايه هو الاساس اللي انت بتختار عليه المشرف او المراقب هل شخصيته والا مشاركاته والا تواجده ف المنتدي والا ايه بالظبط ؟
Admin:كل الحاجات اللى قلتيها دى واضيف عليها معاملته مع الاعضاء وانه يكون قضى فى المنتدى فترة كبيرة بحيث يكون خد على المنتدى واتعود على النظام وعلى كل حاجة وطبعا فوق كل دة يكون محبوب من كل الاعضاء والمشرفين والمراقبين
golden girl: اوك
golden girl: طيب هاقولك اسامي اعضاء وانت هتدي لكل واحد فيهم اللقب اللي انت شايف انه يناسبه
golden girl: نبدأ بالمراقب احمد الدلجموني
Admin: فارس المنتدى
goldengirl:منه(sweet cat)
Admin:اميرة المنتدى
goldengirl:مصطفي (thegame)
Admin:المشرف النشيط المجتهد
golden girl: نجلا
Admin:المشرفة المحبوبة من جميع الاعضاء
golden girl: تمام
golden girl: ازاي بتقدر توفق بين حياتك الشخصيه وحياتك العمليه ؟
Admin: اللى بيحكمنى في الموضوع دة هو الأولويات ، يعنى ان الواحد يكون محدد اولوياته والحاجات الاساسية المفروضة عليه ، وطبعا بحاول على اد ما اقدر يكون اهتمامى الاول في الوقت الحالى بدراسى بحكم انى في اخر سنة ونص تقريبا في الكلية ، وفي نفس الوقت بهتم بهواياتى وانا شايف ان الكلية الى حد ما بتساعدنى انى انظم وقتى وانى اوفق بين الدراسة و النت والوقت اللى بقضيه مع اصحابي وكدة ..
Admin: وبحاول على اد ما اقدر ان يكون فيه نظام وترتيب بحيث مفيش حاجة تتعارض مع حاجة
golden girl: طيب ايه هي الحاجه اللي كل ما تكبر نظرتك بتتغير من ناحيتها ؟
Admin:بدون تردد حقولك الكلية .. الواحد فعلا كل ما يدخل في سنة جديدة في الكلية بحس انى مكنتش فاهمها كويس .. وان نظرتى ليها بتتغير بنسبة كبيرة جداااااااا .. بجد عمرى ما كنت اتخيل انى ممكن اغير نظرتى في حاجة بالشكل دة وفي فترات قصيرة كدة
golden girl: نظرتك اتغيرت للكليه من ناحية ايه بالظبط ؟
Admin:يعنى مثلا في اعدادى (اول سنة في الكلية ) كنت داخل الكلية مش عارف اى حاجة .. فاكر ان الكلية دى حيكون مكان حتخنق فيه كل يوم ومحاضرات وسكاشن وكدة .. وفاجآة احس انها الحاجة الوحيدة اللى الواحد بيرفه فيها عن نفسه طول اليوم ..
Admin:ولما دخلت تانى سنة بدأت يكون ليا اصدقاء اكتر غير اصدقاء الثانوية فبدأت احس ان اكتر ميزة للكلية انها بتجمعنى باصحابي في الوقت اللى بيكون صعب جدا اننا نتجمع كلنا في اى مكان تانى حتى لو في الاجازات ..
Admin:انا مش حقدر اعبرلك بالظبط عن الموضوع دة .. بس اكيد انتى حتحسى بيه لما تزيد ايامك في الكلية اكتر
golden girl:
golden girl: فاهماك
golden girl: تمام
Admin:اوكــى
golden girl: كلمنا عن اقرب اصدقاءك عرفته ازاي واكتر حاجه بتحبها فيه واثر فيك ازاي واثرت فيه ازاي وهكذا
Admin:اقرب اصدقائي اتعرفت عليه في اول ايامى في الثانوية العامة بالتحديد تانية ثانوى ، حسينا احنا الاتنين اننا فاهمين بعض كويس جدا واكتشفنا اننا ساكنين يعتبر في شارع واحد وبدأت نبقى على اتصال ببعض دايما بعيد عن المدرسة والدراسة وكدة
Admin:والحمد لله الصداقة دى مستمرة لغاية دلوقتى بالرغم اننا مدخلناش كلية واحدة وبالرغم من كدة بنكون مع بعض فترات طويلة جدا
Admin:ودايما لما اى حد فينا بيقع في مشكلة او بيحس ان فيه حاجة مضايقاه اول حاجة بيفكر فيها انه يقول للتانى وبمجرد ما دة بيحصل صاحب المشكلة او اللى مضايق من حاجة بيحس انه ارتاح ..
Admin: ودايما مع بعض سواء في الفرح او الحزن .. واتمنى ان الصداقة دى تستمر على طول ان شاء الله
golden girl: ربنا يخليكوا لبعض ويديم صداقتكوا باذن الله
Admin:ميرسي يا آيه
golden girl: أكبر مغامرة حصلتلك في حياتك ؟
Admin: ممكن اقول اكبر مغامرة حصلتلي في حياتى انى قضيت تقريبا سنتين ونص برة مصر وانا تقريبا عندى 9سنين طبعا الموضوع مكانش بإيدي اوى .. والسفر كان مع الاسرة وكدة
Admin:بس الفترة دى كانت صعبة عليا جداااا وعلمتنى حاجات كتيرة جدااااا جدااااااا ..
Admin:الموضوع صعب اوى لما واحد في السن دة يكون بعيد عن اقاريبه واصحابه وبلده اللى كان يادوب بدأ بعرفها اكتر وكدة .. فاجآة يلاقى نفسه في بلد تانية
Admin: فالموضوع بجد كان صعب جدااا وحسيت بالفرق الشاسع بقى لما رجعت ..
Admin:فدى تعتبر كانت فترة صعبة جدا عليا وعمرى ما حقدر انساها
golden girl: اوك
golden girl: بتراجع نفسك كل قد ايه ؟
Admin:كل اسبوع
Admin:واحيانا كل يوم
golden girl: بتوصل لنتيجه وتنفذها والا مجرد بتعيد ترتيب حساباتك ؟
Admin: لما بكون محتاج نتيجة معينة بوصلها الحمد لله وبحاول انفذها .. بس في كل الحالات سواء محتاج نتيجة او لا لازم اعيد حساباتي
golden girl: جميل
golden girl: بتخاف من كلام الناس ؟
Admin:مش بخاف طالما كلام مش صح
golden girl: بس بتحاول تتجنبه علي قد ما تقدر
Admin:اه طبعا
golden girl: ليه ؟
Admin:لان مهما كان الكلام دة مش صح اكيد فيه ناس حتصدقه .. وبحاول اتجنبه عشان متأثرش بيه غصب عنى مهما كانت عندى ارادة بس بردة الانسان مش حيقدر يتحكم في نفسه بنسبة مية في المية
golden girl: اجابه دبلوماسيه جدا احييك عليها
Admin:ربنا يخليكي يا ايه دة بس من زوقك والله
