اهلا بكم عشاق ومحبي النجم عماد متعب
في حلقه جديده من برنامجنا
حوارنا النهارده حوار خاص جدا ومختلف جدا جدا
لانه مع شخصيه مختلفه وجميله جدا ونشطيه جدا جدا
كل المنتدي اتشد ليها نظرا لتألقها الدائم ف مواضيعها وهدوئها ورقتها
حوارنا النهارده مع المشرفه الجميله
*jessy_ono*
**************************
ملحوظه صغيره : قبل ما انزل الحوار
ياريت يعني يا جماعه تعذروني لو كانت الاسئله مش جامده اوي
لان بجد ده اسرع حوار عملته كان ف نص ساعه بس وكمان ع الموبايل لان ياسمين مش بتقدر تدخل نت كتير الفتره دي
بس انا ع قد ماقدر حاولت اني اجيب اسئله شامله
واتمني ان الحوار يعجبكوا وتستمعتوا بيه زي مانا استمعت
Golden girl:اهلا بيكي يا ياسمين ضيفه ف حلقتنا النهارده
Jessy_ono:اهلا بيكي
Golden girl:ازيك وايه اخر اخبارك
Jessy_ono:الحمد لله تمام
Golden girl: ف بداية أي حلقه الضيف بيعرفنا بنفسه اتفضلي قولي بطاقتك
Jessy_ono: انا اسمي ياسمين محمد ..20 سنه .. من القاهره.. كليه اداب
Golden girl:تشرفنا يا جميل
Jessy_ono:ميرسي
Goldengirl:ياسمين انتي ازاي اتعرفتي علي المنتدي
Jessy_ono: انا اساسا بحب كابتن عماد متعب وكابتن محمد ابوتريكه وكنت بعمل سيرش علي جوجل وبدور علي اخبار عماد وكده واصلا انا بحب الكورة ومهتمه بيها ومشكرته ف منتديات كرويه تانيه وواخده فيها رتب كمان بس وربنا كرمني ولقيت المنتدي ده واشتركت وبدات اتفاعي
Golden girl: طيب انتي ايه رايك في المنتدي حاليا ؟
Jessy_ono: هو زي ما الكل بيقول طبعا المنتدي محتاج شويه تنظيم بس باذن الله اما الادمن يرجع ويفوق كده هايكون ليا شويه اقتراحات زي مثلا ازاي عضو ينزل اخبار وهو لسه مش وصل 300 مشاركه طيب ماهو بنبقي مش عارفين مصدر الخبر وهو غير موثوق فيه وشويه اقتراحات برده كمان
Golden girl:طيب مين اقرب عضو ليكي ف المنتدي وبتحبي تتكلمي معاه؟
Jessy_ono:سؤال صعب اوي
Golden girl: جاوبي جاوبي
Jessy-ono: لا بجد صعب
هو ممكن نقول محمد الادمن وعلام دول اكتر ناس ممكن اتكلم معاهم
Golden girl:ليه بقي مش بنشوف ليكي ردود ع المواضيع يعني انتي نشيطه جدا وبتنزلي مواضيع كتير مهمه بس نسبه ردودك ع المواضيع قليله جدا
Jessy_ono:بصي هاقولك يمكن يعني يكون عشان التواجد بتاعي مش كبير اوي يعني انا مثلا مشرفه قسم البنات بدخل اول حاجه اهتم بالقسم وانزل اخر المواضيع وبعدين انزل مواضيع في بقية الاقسام وكده وبعدين اصلا انا لو رديت بتبقي مش كل المواضيع عاجباني يعني مش ينفع ارد ع موضوع مش عاجبني بس مش معني كده ان مافيش مواضيع حلوة .. لا بالعكس فيه مواضيع جميله اوي
Golden girl:طيب مين اكتر عضو بتعجبك مواضيعه
Jessy_ono:جولدن جيرل
Golden girl:ربنا يخليكي يا رررررب ده من زوقك والله
Jessy_ono:لا والله بتكلم جد مش مجامله
Golden girl:ميرسى يا جميل
Golden girl: طيب ايه سر اختيارك للاسم المستعار بتاعك
Jessy_ono: عشان بابا واخويا بيحبوا الاسم ده اوي
اساسا مافيش حد من اصحابي بيقولي يا سمين كله بيناديني جيسي
Golden girl:طيب بما انك صحفيه ليه مش بنشوفلك مقالات علي المنتدي ؟
Jessy_ono: بصي هو انا بحب الصحافه جدا وبشتغل حاليا في جريده اسمها القيادات وكتبت حوالي 13 مقال نزل منهم مقالين بس ومش باسمي عشان انا لسه تحت التدريب وكمان مش معايا كارنيه بس ده شئ مش مضايقني لاني لسه تحت الاختبار بالنسبه للمقالات اللي بكتبها بتكون مطلوبه مني يعني الجريده بتطلب مني اني اعمل مقال عن موضوع معين بيتهيالي لو نزل ع المنتدي مش هيلاقي اقبال وع فكره انا كمان بكتب قصص
Golden girl:طيب ده شئ جميل جدا
Jessy_ono: وع العموم لو المنتدي طلب مني اعمل مقال انا مش بمانع
Golden girl:ربنا يوفقك يا قمر
Jessy_ono:ميرسي
Golden girl: ايه كان هدفك اول ما دخلتي المنتدي يعني مثلا توصلي لمكانه معينه ف المنتدي والا ده كان شئ عادي بالنسبه لك
Jessy_ono: لا والله انا كنت دخلاه عادي زي أي عضو عشان اتابع اخبار الكابتن عماد بس لقيت المنتدي لذيذ وعجبني فبدات اشتغل فيه لغاية ما بقيت مشرفه علي قسم البنات
Golden girl:ندخل ع الاسئله الشخصيه بقي
Jessy_ono:اوكي
Golden girl: ياسمين عايشه قصه حب حاليا ؟
Jessy_ono: لا
Golden girl: طيب وقبل كده بالنسبه لتجارب الحب السابقه
Jessy_ono :كانت مره واحده بس هو مات
Golden girl:لا حول ولا قوة الا بالله اسفه اني فكرتك
Jessy_ono :لا عادي ولا يهمك مافيش مشكله
Golden girl:طيب لو ينفع يعني تحكي لو مش عايزة خلاص ؟
Jessy_ono: احنا كنا بنحب بعض اوي وكنت متعلقه بيه جدا وهو كمان لدرجه انه كان بيكلمني كل شوية ويكلمني ع طول ف الامتحانات يطمن عليا وكده بس هو مات
Golden girl:ربنا يرحمه
Jessy_ono : يارب
Golden girl:طيب لقيتي بعد كده حد فيه مواصفات الشخص ده والا لا
Jessy_ono:لا مش لقيت
Golden girl:انتي بتدوري ع الحب والا مستنياه هو يجيلك ؟
Jessy_ono: لا انا مش بدور علي الحب هو الحب كده بيجي لوحده يعني شوفت حد مثلا اتشديت ليه حبيته كده انما مش بدور عليه
