اهلا بكم عشاق ومحبي النجم عماد متعب
في حلقه جديدة من برنامجكم ** حـــــــوار خـــــــــاص**
معنا اليوم ضيف جديد
بنــــــــــوته جميله جداااااااااااااااااااااااااااااااااا
محتــــــــــرمه جداااااااااااااااا ورقيقه جدا جدا
من انشط الاعضاء ف المنتدي
عشان كده استحقت عن جدراة انها تكون مشرفه
وبدات سلسله الاصلاح في القسم الاسلامي
ضيفتنا وضيفتكم النهارده
المشرفه المتالقه
**!!MeRANDA!!**
golden girl: اهلا بيكي يا جميل ضيفه حلقتنا النهارده
**!!MeRANDA!!**: ربنا يخليكى ياقمر اهلا بيكى
golden girl: عامله ايه وايه اخر اخبارك ؟
**!!MeRANDA!!**: ماشى الحال اهو بس الدراسه جات والهم بدأ
golden girl: ربنا معاكي يارب
**!!MeRANDA!!**: ومعانا جميعا
golden girl: ف بدايه حلقتنا بنعرف الاعضاء بالضيف اتفضلي قولي بطاقتك الشخصيه
**!!MeRANDA!!**: انا اسمى نهى وعندى 20 سنه ومن الفيوم
golden girl: نهي من اهم الاعضاء ف المنتدي اتعرفتي ازاي علي المنتدي وايه اسباب اشتراكك فيه
**!!MeRANDA!!**: انا اتعرفت عليه بالصدفه كان مكتوب على صوره من صور متعب فدخلت عليه على اساس انى الاقى صور كتير ليه وبعدين بقى اشتركت فى المنتدى
golden girl: طيب ايه اسباب غيابك فتره كبيرة عن المنتدي ؟
**!!MeRANDA!!**: والله اغلب الفترات اللى بغيب عن المنتدى فيها ببقى بسبب ظروف خارجه عن ارادتى يعنى اغلبها بيكون النت مفصول او الجهاز بايظ
golden girl: اه
golden girl: طيب اما بتبغيبي وترجعي تاني بيبقي فيه حاجات اختلفت ف المنتدي واعضاء جدد وكده
golden girl: بتتقدري تتاقلمي بسهوله والا بياخد وقت منك
**!!MeRANDA!!**: بصراحه اول مابدخل ببقى مش متأقلمه اوى بس بعدين خلاص هوه اخرها 3 او 4 ايام وبرجع تانى لجو المنتدى اللى انا عرفاه
golden girl: اخر فتره كبيرة غبتي فيها اما رجعتي المنتدي ايه اكتر حاجه لفتت نظرك اتغيرت وهل كان التغير ف المنتدي للاسوء والا الاحسن
**!!MeRANDA!!**: مش عارفه والله ياايه بس مش فاكره انى حسيت بتغير كبير واكيد لو فى تغير هيكون ناحيه الاحسن ومش مجامله والله بالنسبه للتوبيكات وزياده نشاط الاعضاء
**!!MeRANDA!!**: بس اللى زعلنى غياب بعض الاعضاء اللى كنت بعزهم اوى واللى منهم كاتى وبندقه
golden girl: ان شاء الله يكونوا بخير
**!!MeRANDA!!**: ان شاء الله
golden girl: مين اقرب الاعضاء ليكي ف المنتدي ؟
**!!MeRANDA!!**: والله ومش دبلوماسيه تقريبا كل الاعضاء او اغلبكم يعنى قريبين منى يمكن اكتر حد انا قربت منه وكان بينى وبينها كلام على الميل وموبيلات هيه الدكتوره اسماء بس
**!!MeRANDA!!**: وهيه للاسف بردوا مش بتدخل كتير زى الاول
golden girl: طبعا اسماء شخصيه جميله ومحبوبه جدا من المنتدي
**!!MeRANDA!!**: اكيد طبعا ربنا يوفقها
golden girl: ايه اكتر حاجه اتعلميتها من المنتدي ؟
**!!MeRANDA!!**: انى اكون صبوره يعنى انا عمرى ماكنت كده اعتقد ان المنتدى هنا من كتر قريتى للتوبيكس ومنها طبعا اللى بيكون طويل يعنى اتعلمت الصبر وانى قدر الامكان مش اتسرع فى التصرف او الرد فى اى موقف
**!!MeRANDA!!**: ده طبعا بعد وجودى فى المنتدى مده طويله
golden girl: جميل
golden girl: مين الشخص اللي بتشوفي فيه نفسك مرايتك يعني ؟
**!!MeRANDA!!**: هنا فى المنتدى يعنى ؟
golden girl: ف المنتدي او ف حياتك الشخصيه
**!!MeRANDA!!**: بالنسبه للمنتدى انا من رأيى انه اجمل مافيه ان لكل واحد منا شخصيه وكاريزما مختلفه عن التانى وده اللى خلى المنتدى بالنجاح ده لان كل حد بيطلع احسن ماعنده
**!!MeRANDA!!**: اما بالنسبه لحياتى الشخصيه الشخص الى ديما يواجهنى بعيوبى وزى ضميرى كده هى بنت خالتى ربنا يخليها ليه
golden girl: يارب ربنا يخليكوا لبعض
**!!MeRANDA!!**: ميرسى ياقمر
golden girl: طيب انتي بتبني رايك ف الشخصيه اللي قدامك علي اي اساس؟
**!!MeRANDA!!**: لا عمرى مابنيت رأيى فى حد على اسس او ثوابت ابدا انا غالبا لما بتعامل مع حد ببنى رأيه فيه على اساس كل تصرفاه ااو شخصيته بوجه عام لانه ممكن انتى تحكمى على حد ان الجزء ده فيه مش كويس بس جايز يكون فيه حاجات كتير تانيه كويسه
golden girl: اها
golden girl: قرار اخدتيه في لحظه تهور واثر عليكي بقية حياتك
**!!MeRANDA!!**: اكيد فى قرارات كتير كانت غلط بس مش كان فيه قرار مصيرى او كبير اوى عشان يأثر على حياتى يعنى كلها حاجات بسيطه وبتعلم منها
golden girl: تمام
golden girl: هل ميرانداالانسانه تختلف عن العضوة تختلف كتير عن ميراندا المشرفه؟
**!!MeRANDA!!**: ههههههههههههه اعملك بقى زى محمد هنيدى
golden girl: ههههههههههههههههه
**!!MeRANDA!!**: لا غالبا يعنى لا
**!!MeRANDA!!**: بس هقولك حاجه ممكن اكون بعد مابقيت مشرفه حسيت بجزء من المسئوليه عليه وخصوصا انه مش فى اى قسم ده القسم الاسلامى وكمان مسئوليه انى احاول اخلى النشاط فيه يزيد ومش عارفه اذا كنت هقدر فعلا ولا لا
golden girl: ان شاء الله تقدري انتي قدها وقدود وكلنا معاكي يا جميل
**!!MeRANDA!!**: ربنا يخليكى ياايه
golden girl: ايه اكتر حاجه بتخافي منها
**!!MeRANDA!!**: الصراصير هههههههههههههههههه بجد انا تقريبا عندى فوبيا منها
golden girl: هههههههههههههههههه
**!!MeRANDA!!**: واكتر حاجه فى شخصيتى بقى بخاف منها وبصراحه جدااااااااااااا بخاف انه يكون فيه ولو جزء صغير من الرياء او النفاق بجد بخااااف جداا من الموضوع ده ربنا ينولنا النيه الخالصه فى القول والعمل يارب
