في البداية احب اقول ملحوظه
اعتذر جدا للجميع في استثناء هذا اليوم فقط
انا خدت الاذن من محمد وهو وافق ان فيه حوار ينزل النهاردة
لاسباب مش هاينفع اقولها ع العام
وباذن الله هبدا الالتزام بميعادي من الاسبوع القادم
اكرر مرة اخري اني بجد بعتذر ليكوا ولمحمد
بس مش كان ينفع الحوار ده يتاجل عن نزوله عن كده
ارجو انكوا تتقبلوا الاعتذار
****************************
اهلا بكم عشاق ومحبي النجم عماد متعب
نرحب بكم في يوم جديد وحلقه جديده من برنامجنا
ضيف حلقتنا النهارده هو شخص عزيز علينا كلنا
انسان معروف باحترامه واخلاقه وتدينه
قدر يكسب حب كل الناس اللي ف المنتدي
وكان فعلا يستحق التكريم
لانه بجد قدم كتير اوي اوي للمنتدي
ضيفنا وضيفكم
هو
العملاق
***midostare***
goldengirl:اهلا بيك يا ميدو ضيف في برنامجنا النهارده
midostare:اهلا بيكي يا اية
goldengirl: عامل ايه وايه اخر اخبارك والحياة عامله معاك ايه ؟
midostare: الحمد لله تمام والحياة ماشية
goldengirl:الحمد لله
goldengirl: في بداية حلقتنا بنعرف الاعضاء بالضيف
goldengirl: اتفضل قول بطاقتك الشخصيه
midostare: الاسم : محمد احمد صابر
midostare: السن : 18
midostare:والسنادي ثانوية والحمد لله
goldengirl: ربنا يوفقك يارب
goldengirl:ايه بقي يا عم ميدو فينك من زمان بقالك فتره كبيره مش بتدخل المنتدي ليه
midostare: علشان السنة السعيدة الي احنا فيها دي والثانوية وبتاع المحببة للناس كلها
goldengirl: ههههههههههه اه ياعيني معلش ربنا معاك
goldengirl:بس انت انقطعت فتره عن المنتدي
goldengirl:هل الدراسه هي بس السبب والا فيه اسباب تانيه
midostare:لا مفيش اي اسباب تانية
goldengirl:طيب ايه الاسباب انك سبت المراقبه ؟
midostare:علشان انا قبل ما الدراسة تبتدي عرفت محمد وطلبت منو يشيلني لغاية ما اخلص السنادي علشان محدش يقول محمد مقصر ومحمد سايبه علشان يعني صحاب وكدة
midostare: مع ان ناس كتير فهمت ان في مشاكل حصلت فعلشان كدة اتشلت
goldengirl:اه
goldengirl: معني كلامك ان ان شاء الله بعد السنه دي هترجع المراقبه تاني
midostare: اه ان شاء الله
goldengirl: كويس
goldengirl: احساسك ايه اما عرفت انك من الاعضاء المكرمين علي مجهودهم ف المنتدي
midostare:والله يا اية انا اكيد فرحت بس الالقاب مبتفرقشي اوي معايا
midostare:هو انا اصلا بحب مجال الرياضة والكتابة في الرياضة والاهلي
midostare:فعلشان كده شغال في المنتدى
goldengirl:تمام اوي
goldengirl:اتعلمت ايه من الفتره اللي كنت فيها مراقب
midostare: بصراحة انا مكنتش حاسس اني مراقب عادي يعني زيي زي اي حد مش بحب يعني الالقاب لأن في ناس لما تاخد مشرف او مراقب تتنك على باقي الاعضاء
midostare:وانا مش قصدي في المنتدى هنا
midostare:علشان محدش يفهمني غلط
goldengirl:تمام
midostare: لأن كل الطاقم في المنتدى يعني صحابي
midostare: من اول محمد لغاية اخر مشرف اتعين
midostare: بس يعني في ناس قليلة الصراحة في الطاقم دلوقتي مسبقشي ليا تعامل معاهم
goldengirl: ايه رايك ف التجديدات والمشرفين الجدد والاقسام الجديده اللي حصلت ف المنتدي ؟
midostare: بصراحة التجديدات اتعملت في الوقت المناسب
goldengirl: جميل
goldengirl:اكتر قسم بتحبه ونشيط فيه ف المنتدي
midostare: كان قسم مقهى الاهلوية لأني كنت بكتبب تقرير فيه بعد الماتشات
goldengirl: ودلوقت
midostare: دلوقتي مفيش قسم محدد
goldengirl: اوك
goldengirl: حكمه انت مؤمن بيها جدا
midostare:بصراحة انا مليش في الحكم والكلام ده بس ممكن اقول حكمة قرأتها قبل كده
midostare:اذا احببت فلا تفرط واذا بغضت فلا تشطط
goldengirl: جميله اوي
goldengirl:ايه اجمل فتره عشتها ف حياتك حتي الان
midostare: اجمل فترة هقولها بس من غير ابداء اسباب
midostare: من حوالي 4 شهور في رمضان
midostare: وفي بردوا من شهر لغاية دلوقتي
midostare: لأني قعدت مع الشيخ اللي بحبوا ومكنتش مصدق نفسي سعتها
goldengirl: ربنا يديم عليك السعاده
goldengirl: ايه رايك ف الحب اثناء فترة المراهقه
midostare: بصراحة هو ممكن يكون فيه لكن على حسب اخلاق الواحد
goldengirl: ازاي وضح اكتر
midostare: يعني في ناس بتحب في سن المراهقة علشان تشبع رغبتها وعلشان يكون زيه زي اي شاب وفيه ناس بتحب وهي 14 و 15 سنة وبترتبط في الاخر على حسب كل واحد يكون هو عايز ايه
goldengirl: تمام
goldengirl: ايه سلبياتك وايجابياتك من وجهه نظرك
midostare:سلبياتي اني بتضايق من اي حاجة بسرعة جدا
midostare:والاجابيات مينفعش اقول لأن مينفعشي حد يشكر في نفسه
goldengirl: لا مش شكر ف نفسك بس اكيد انت عارف ايه الصفات الكويسه اللي فيك
midostare: اكيد عارف يعني
goldengirl: لو تحب تقولها
midostare: لا بلاش
goldengirl: اوك زي ما تحب
goldengirl: موقف حصلك اثر ف شخصيتك
midostare: بصراحة انا بشوف مواقف كتير جدا لكن مفيش حاجة راضية تأثر
midostare: لكن في شخص واحد اتعرفت عليه هو الي بصراحه شخص بحبه جدا جدا
midostare: هو الي بيعلمني حاجات كتير مع اني ازهري
goldengirl: لو تحب تحكي عن الشخص ده واتعرفت عليه ازاي
midostare: هو راجل كبير يعني 35 سنة وهو جاري وهو مش مصري
midostare: بس ما شاء الله عليه يعني متفقه في الدين اوووي
goldengirl: ماشاء الله
