دى اول حلقة من قلبى لقلبك واتمنى انها تنول اعجابكووووو
عشان مطولش ابدا بقىىىىى
من قلبى لقلبك
لافى بنا حواجز ولا كسوف
ولاتقوللى كفايا اسئلة اعملى معروف
كل سؤال هقوله هيعجبك وهتشوف
هترتاحله وهتحبه وللاعضاء بيه هتبوح
وهيعرفوك اكتر واكيد هيحبوك اكتر
بس المهم يكون
من قلــــــــبى لقلــــــــبك
ضيفتنا انهردا بنوتة جميله جدااااااااااا
وانا بحبها جداااااااااا
وهى مى متعب 99
s.اهلا بيكى ياحببتى
m.اهلا بيكى انتى ياشيمو
s.عاملة ايه انهردا
m.اللحمد لله تمام
s.مستعدة للاسئلة
m.ربنا يستر
s.اوووووووووك ابدا عشان لو وراكى طبيخ ولا حاجة
m.ههههههه ماااااااااااشى بس بسرعةةةةةةة
s.الاسم ان امكن حضرتك ووراه السن علطووووووووووول
m. انا اسمي مي و عندي 17 سنه
s.ايه اللى خلاكى تدخلى منتدى متعب
m. انا دخلت المنتدى لاني بحب متعب اووووووووووووووووووووووووي و كنت عايزه حاجه اقدر اوصل منها لاخباره اول باول و اشوف صوره و كده يعني
s.ولسة بتحبيه زى اول مرة دخلتيه
m.بصراحه انا بقيت بحب المنتدى ده اكتر من الاول لاني اتعرفت فيه عل ناس كتير و كونت صداقات و لاني برتاح لما بدخل و بحس اني وسط ناس بيحبوني بجد
s.ندخل بقى فقلبك
اكتر مكان قريب من قلبك
m.اسكندريه هي اكتر مكان قريب من قلبي لاني اتولدت هناك و اغلب اصحابي هناك
s.وابعد مكان
m.ابعد مكان عن قلبي فمبيتهياليش ان في مكان بعيد عن قلبي
s.مكان بترتاحى لما تروحيه وتنسى همومك فيه
m. البحر بس لما بيبقى هادي و الجو حلو و لما بنكون بالليل و القمر طالع
s.ياعيييينى علارومانسييييييية
s.ومكان بتتعبى لما بتفتكريه وبتزيد همومك فيه
m.بيتنا في القاهره عشان الزحمه و عشان بسيب صحابي لاني بكره الدوشه و بمووووووت في الهدوء و كمان لاني ببقى لوحدي هناك
s.ومكان نفسك تروحيه
m. نفسي اسافر ايطاليا و اروح فينيسيا او البندقيه لان المكان هناك تحفه و رومانسي اوووي
s.مش بقوول روماااانسيةةةةةة
s.تشربى حاجة يامى
m.لا شكررررررررااااااااااااااا
s. اقرب الناس لقلبك وابعد الناس
m.اصحابي بس مش كلهم اللي بيحبني بجد بس اللي بيكرهوني و مبيتمنوليش الخير مع انهم بيدعوا انهم بيحبوني
s.فى ناس دخلت قلبك من اول مرة شوقتيهم
m.اه طبعا بس مش كتير
s.طب فى منهم ندمتى انهم دخلو قلبك فيوم
m. بصراحه اه مره ندمت ان الانسان ده دخل قلبي
s.انتى عارفة احنا فين دلوقتى
m.طبعا فالمنتدى
s.ههههههههههه لالالالالا
احنا اودام البحر
m.ياسلالالالالالالالالالالالام
s.عاوزاكى بقى تسرحىىىىىىى اووووووووووووووووووووووى
وتروحى لبعيييييييييييييييييد
s.مين اللى جه على بالك فاللحظة دى
m.حبيبي
s.ومين اللى نفسك يكون معاكى فاللحظة دى
m.حبيبي
s.ومين اللى الدنيا جمعتكو من غير معاد
m. و الله لسه الدنيا مجمعتناش
s.ومين اللى الدنيا فرقتكو من غير معاد
m.واحد كنت بحبه و الدنيا اخدتوا مني بس اديتني واحد هوه كل حياتي
s. لما بتقعدى لوحدك كدة وتدندنى بتغنى ايه
m.اغنية خلينا نشوفك لعمرو دياب
s.اشمعنى الاغنية دى
m.بحبها لانها بتعبر عن اللي جوايا لان حبيبي بعيد عني و نفسي اشوفه
s.اكتر حد بتشكيله همومك وترتاحى معاه
m.اصحابي
s.انتى حاسة ان فى حد فحياتك بيغير منك
m. بصراحه اه و ده عن تجربه بجد
s.طيب لو ان شاء الله قالولك انتى رايحة الجنة عاوزة مين مع حضرتك
m.والدي و والدتي
s.ولو لا قدر الله قالولك هنحدفك فالنار عاوزة تشوى مين مع حضرتك
m. محدش ليه بس الازيه دي حرام
s.انت بت طيبة والله
m.ربنا يخليكى ياشيمو
s.فاكرة يوم ماتولدتى
m.لأ طبعا مش فاكره
هههههههه
s.ماهو اكيد مش فاكرة
المهم ياغلابويةةةةةة
لما كان بابا بييجى يرشيكى بشيكولاته كدة ويقعدك على رجله ويسالك انتى ياميوش بتحبى مين اكتر بابا ولا ماما
كان ردك ايه
m. انا بحبهم الاتنين قد بعض بس بحب بابا شويه زياده اصلي البنت الوحيده على اتنين ولاد و عشان كده بابا بيدلعني زياده
s.طيب لو سالتك انا دلوقتى من غير رشوة ولا قعاد على رجلى عشان وزنك طبعا
رد ايه
m. و الله بحبهم الاتنين قد بعض
s.ربنا يخليهوملك ياااااااارب
s.بابا بيمثلك ايه
m.بابا هوه مثلي الاعلى
s.وماما
m.ماما دي بقى حبيبتي هي اغلى واحده عندي ربنا يخليهم لي الاتنين
s.عشتى طفولتك حلو زى مابتحلمى بيها ولا حاسة انك معشتهاش كويس
m. اه الحمدلله انا عشت طفوله جميله جدا و زي ما امنيت بالظبط
s.انتى شايفة نفسك ايه
m. مش عارفه ساعات بحس اني بنت عاديه جدا لها احلام و طموحات نفسها تحققها و ساعات بحس اني مجنونه بعمل حاجات هبله و اتخيل حاجات قدامي ممكن انتو تحكموا
s.الحكم زى ماقلتلك الصرايا الصفرااااا
m.ههههههه كدة ياشيمو
s.معلش بقى خليها عليكىىىىى
s.نرجع لمتعب تاااااااااااانى
s.بتحبى متعب اكييييد
m. اه طبعا متعب ده حبيبي و كل حياتي
s.ومن امتى الحب دة
m. من يوم ما شفته لما كان في بطولة الشباب
s.وزاد لما دخلتى المنتدى ولا قل
m. زاااااااااااااد طبعا
s.غمضى عنيكى وتخيلى ان حواليكى شموووووع كتيييييير
اكيد بتحلمى بليلة العمر والفستان الابيض
m.اه اكييييييد
s.عاوزاها ازاى
m.عاوزاها ليله خياليه متتنساش ابدا و الناس يفضلوا فاكرينها و يبقوا عايزين يقلدوها بس المهم اني حكون جنب حبيبي
s.مواصفات فتى احلامك وخليكى مغمضةةةةةةة
m. اهم حاجه يكون وسيم و جنتل كده و بيحبني و ميقدرش يعيش من غيري و يكون اهلاوي طبعا و مش بيشرب سجاير لاني بتخنق من الدخان
s.والله ولا انا
يارب يجعله من نصيبك
m.هو مين دة
s.صاحب النصييييييب
m.هههههههههههه
s.فتحى بقى خلالالاص ولا استحلتيهااااااا
m.طيب برااااحة شووووووية
s.اول دمعة نزلتيها على مين
m.على محمد عبدالوهاب ( الله يرحمه )
s.واخر دمعة
m.على عماد متعب و هوه مسافر
s.كلمة اخيره للمنتدى
m.يا رب اكون كنت خفيفه على قلبك و ياريت تكونوا بتحبوني زي ما انا بحبكم
s.كلمه لمتعب
m.بحبك يا اغلى انسان في الدنيا و وحشتني اووووووووووي و ربنا يوفقك و تبقى احسن لاعب في العالم
s.كلمة ليا
m.ميرسييي ليكي يا شيمو يا حبي على التوبيك لاني بجد بجد فتحت في قلبي و قلت كل اللي جوايا و انتي شخصيه مميزه جدا و انا بموووووووووت فيكي
s.ان شالله يكرمك وانا اكتر والله
s.واللحمد لله خلنصنا من مى على خييييييييير لانها غلبتنى اوووووووووووووى
واتمنى ان الحوار يكون عجبكو لانى اول مرة اعمل الحوار دة
واسيبكو بقىىىىىىىىى
واشوفكو فاللحلقة الجاية
مع ضيف جديد
