مصر هى امى .... نيلها جوه دمى !
طب ممكن تقولى مصر امك ازاى !؟ ولو مصر امك مين ابوك ؟!
ما علينا يلا ندخل موضوعنا ونقطف شوية ورق من شجرة الكورة المصرية
الشجرة اللى طول عمرها فى الخريف ورقها ساقط دايما عمرنا ما شوفنا ليها صيف
ولا حتى ربيع ولا شتا ! كله خريف فى خريف ويلا بقى كفاية تخاريف
___ بتبص على ايه ده فاصل مش اكتر ! ـــ
خــالف تــعرف !
تصريحات قريبا بالاسواق !
القيعى : نبحث عن مهاجم جدير ليحمل اسم النادى ويقدم الكثير !
حسن حمدى : المشكلة مش فى الفريق ! المشكلة قلة المهاجميين !
!!!!!!!!!!
متابع مسطول : !! هما بيزاولونى ولا الدماغ اشتغلت ! غيرو القناه وهاتولى شوبير يفصلنى !
*************************
فعلا بصراحه امر عجيب جدا جدا جدا ! الفريق فى حالة تدهور كبيرة جدا جدا !
ومفيش اهداف او بمعنى اصح عقم تهديفى للنادى الاهلى الفترة الاخيرة بنجيب جون بالعافية !
وبعد اجتماع مجلس ادارة الاهلى قرروا اعارة متعب عام لاتحاد جده يمكن هما مثلا عندهم رؤية اوضح وشافوا ان متعب هو اللى جايب النحس للفريق !
ازاى مجلس الادارة يبقى شايف ان الفريق محتاج لراس حربة كويس ويروح يمشى متعب !
واشمعنى متعب بالذات ! عنده اسامه حسنى واحمد بلال صراحه لا ارى اى اسباب للابقاء عليهم !
مهاجميين بتنزل الملعب مبتخلصش كورة ! عين العقل والله يخلوهم فى الفريق ويمشوا اللى فيه الامل
هيقولوا د معتش بيهدف كويس طيب ليه استنيتم سنة كاملة 12 شهر على فلافيو علشان يبقى هداف
ومن يومها وهو بيتنطط على كل حكامنا مفيش كورة غير ويشوح فيها ! " صحيح انا نسيت ان التشويح للحكام بقى عادى "
المهم ان الادارة حاليا بدأت تكلف الكابتن عدلى القيعى حسب كلام البدرى بالبحث عن مهاجم فذ ! ولاعب نص ملعب
هما بيوزعوا عيش فى نص الملعب ولا ايه !!! خمس الاف لاعب نص ملعب ! ومهاجم فز !!! طيب بتمشى ابن النادى ليه
ومتقنعنيش انه هو اللى اتصدر وقال عاوز امشى ! الا اذا كنتم زعلتوه دى بقى اسرار مجلس ادارة على راى مرتضى منصور___ بتبص على ايه ده برده فاصل هتزاولنى ؟! ـــ
عيادة الاتحاد المصرى
وجهان لعملة واحدة !
إممممم عارف انكم حاسيين انى بشتغلكم ! ازاى عمرو زكى زى حسن مصطفى ! فرق شاسع فى المستوى
وبعدين ياعم ما تفوق ! ده فرود وده خط نص ] طيب ما تقولى ياعم ازاى وجهان لعملة واحده !
اقولك ياسيدى ]
من سنه ونص كده حصلت ازمة كبيرة فى الوسط الكروى وكترت التعليقات على ان بلدوزر
او عمرو زكى الزمالك مصاب بمرض خطير فى القلب ولا يستطيع اكمال مشواره الكروى شوية شوية بدأ نفس الناس اللى صرحت بكده تقول ان عمرو بيتعالج ! اييييه
انتم مش قولتوا انتهى مشواره الكروى !! ازاى هيتعالج من مرض خطير فى القلب وهيرجع يلعب !
ماعلينا هما اللى قالوا كده مش انا المهم ادى نهاية علاج القلب عمرو زكى يزلزل اساس الدورى الانجليزى
ويقلب الموازيين ويرفع العلم اللى الاحمر فى ابيض فى اسود عاليا ! اه صحيح وفى فوسطه نسر اصفر
طيب تعالى بقى النهارده اتفرج على حسن مصطفى بيقولوا انه مصاب فى القلب طيب ياجماعه خلاص ابشروا
فى نجم جديد مصرى قادم للدورى الانجليزى او هيرفع نفس العلم وخلاص
اصابة القلب = الشهرة والعالمية " حسب تقارير عيادة الاتحاد المصرى "
___ فــــاصــل يـــاعـــم ـــ
ياترى هيفضل طول عمره حراق !
ليه دايما بنشوف فى الدورى عندنا اى لاعب يبقى بيلعب لنادى والنادى ده يبيعه
بيتالق فى مباراة ناديه القديم قصاد ناديه الجديد ! وليه الحقد بيبان فى ناس كتير
شوفنا مباراة الاهلى والمصرى ! احمد شديد قناوى ياجماعه ! والله كنت بخاف عليه
فى الاهلى وهو بيشوط الكورة ! شوفتوا قطع لاعيبة الاهلى ازاى هههههه طيب ياعم كان
فين ده كله زمان ايام ما كنت احمر وطايب ! والنكتة الكبيرة حسام وابراهيم الغل كان باين يومها
فى عينهم انا بقيت حاسس انى بتفرج على ماتش منتخب فلسطين × اسرائيل !
لا وايه حسام كان شكله باييخ لما انطرد ووقف فى وسط الجماهير اللى مفترض يكون قدوه ليها
وقعد يشتم معاهم كان شكله بصراحه متحضر جدا على راى علاء صادق !
لو سالنا بقى واحد مسطور ومالهوش فى الكورة وعامل فيها الخطيب عن رايه فى الموضوع ده !
هيرد عليك ويقولك
" ياعم خليك فى حالك وعيش وخلى ابراهيم سعيد قدوتك "___ ــــــــــــــــ بس
ـــمع فقرة الصور
! الحكم فييييييييييين ؟! عبيط دة ولا اية
---------------------------------
----------------------
اللى هيقرب هسنده باليد فى وشه ! انا من شبرااااا
-------------------
كفايه كده علشان رايح اصلى ! ويالا يارب التوبك يعجب الجميع
تحياتى
محمد الاهلاوى
عدل سابقا من قبل محمد الاهلاوى في الخميس سبتمبر 04, 2008 6:28 am عدل 5 مرات
