تويتى متيمة بعماد متعب كتب:ممكن تقوللى يا علام مادام ان مش شرط ان الواحد يتألق فى فريق الناشئين يكون كويس
خلاص يلغوا قطاع الناشئين
وليه رامى ربيع تفوق مع المقاولون ولم يظهر مع النادى الاهلى لان جوزيه لم يعطيه الفرصة
وليه كان مصمم ع فلافيو اوى فين الفرص؟؟؟؟؟؟؟؟؟؟؟
ام حكاية الارهاق المفروض كان يريح اللاعيبة من موسم2005
لما نهينا الدورى من بدرى
مش لما خلاص استهلكوا000000 وثبات التشكيل دى حاجة رائعة بس لازم يكون لها حدود
مادام احنا فوزنا وعملنا اللى علينا ايه اللازم علشان نعرض اللعيبة للارهاق
معلش ممكن انا ارد يا تويتى بدل علام ...واسف يعنى على الرد لكن هو المفروض يكون رد واقعى من واحد عارف كويس مين هو الاهلى ومين هو مانويل جوزية.
1:- الناشئين : مانويل جوزية مصعد من الناشئين للفريق الاول الى وقتنا هذا...وائل رياض- حسام غالى -عماد متعب-حسام عاشور- احمد عادل عبد المنعم- ابراهيم سعيد-عادل مصطفى- احمد السيد -محمد فاروق- محمد الشناوى-احمد شديد قناوى-)
دول اقل حاجة ..وانا عارف كويس اووى انكو هتقول وتعلقو على ابراهيم سعيد وعادل مصطفى واحمد السيد بالتحديد..واقولكم ايوة دول جوزية مطلعهم من الناشئين فى موسم 2001 اول ما جة وابراهيم سعيد اكتر واحد تألق مع وكانت افضل ذكرياتة معاة ..وعادل مصطفى اصبح افضل لاعب وسط فى مصر فى هذا الوقت لكن الاصابات واخرتة ومستواة نزل وبعد كدا ساب النادى ..احمد السيد من سعت ما صعد من الناشئين وهو موجود لحد دلوقتى.
انا تعمد انى اقول (11) الاعب فقط من اللى طلعهم جوزية علشان اوضح ان اللى طلعهم دول ممكن يلعب بيهم فريق لوحدة...جوزية مطلع من الناشئين حوالى لايقل يعنى 25 لاعب! واخرهم لسة 5 لاعبين من الناشئين راحو اعارة لأندية تانية فى مصر...وهيبدأ يرجعوا تانى وهيروحوا فترة الاعداد اللى فى المانيا!
2:- رامى ربيع لم يظهر مع الاهلى لسوء حظة ...لكنة لاعب مباريات كثيرة مع الفريق واخذ الفرصة كاملة ..واتذكر لة افضل مبارياتة مع الاهلى ...كانت امام المقاولون !
واحد الاسباب اللى خلتو ميقدرش يظهر فى الفريق...وجود فلافيو ومتعب وتريكة وبركات واسامة ...اعتقد ان الفرق واضح وانة مقدرش يوصل لمستوا هؤلاء الاعبين..
وظهر بمستوى كويس فى المقاولون دا شيئ طبيعى جدا ....واحد بيلعب فى فريق هو رأس الحربة الاساسى لة ..ولاعب لا يقل عن 25 مباراة من 30 متش فى الدورى غير الكأس !
طب لية مقدرش يظهر نفسة ويحرز هدف فى مرمي الاهلى لما لاعب قدامة! اعتقد ان الاسباب مقنعة الى حد كبير.
3:-وجوزية ولا كان مصمم ولا بيعاند ولا اي حاجة على فلافيو...الرجال (المدير الفنى) طلب بشراء لاعب من انجولا واسمة (امادو فلافيو) وهو مقتنع بية تمام وبال(cv) بتاع وعارف امكانياتة كويس جدا ..وبشهادة جميع الاعبين فى الفريق ...ويصيبهم الاندهاش عندما يتألق جدا فى التمرين ويحرز اهداف عالمية ..ولكن فى وقت المباراة غير محظوظ بالمرة... وانا من اللى كانو بيرفضوا الاعب مثل كل جماهير الاهلى اللى اعتبرتة (عالة) على الفريق فى وقت ما.. لكن سرعا ما اثبت انة لاعب سوبر فعلا وبدأ يحرز فى الاهدف بعد ما أخذ على الجو فى مصر وعلى الجماهير المصرية وعلى فكر ولاعب الكرة المصرية ..وتأقلم بعد موسم ....لكن انا لا اعتبرة تأقلم ببطئ لانة لاعب موسم واحد فقط وبدأ يتألق بعد كدا ويكون احد اسباب واعمدة الفريق بعدها ....لكن موسم واحد للاعب جديد على الفريق وعلى الجو وعلى البلد وعلى الفكر..اعتقد انة وقت مناسب ...وخصوصا اقتناع (المدير الفنى) بة تمام ...والايام اثبتت هذا الكلام.
4:- الاهلى كان وصل فى سباق مع الزمن ....و الارقام القياسية ...جوزية كان يلعب دئما على الفوز ..حتى بعد ما حسم الدورى وكل الناس عارضتة لمشاركتة جميع الاعبين بدون مبرر من وجة نظرهم ...لكنة كان ينافس الوقت والارقام القياسية ...وجماهير الاهلى هى اللى كانت دئما تصر على الفوز وتحقيق ارقام قياسية كبيرة ويسجل عند الفيفا ..وبالفعل تحقق هذا المراد ..الى مباراة(الاسماعيلى فى الدور) واللى فازوا بيها 3/0 ..ومن بعد ذلك بدأو فى تغير التشكيل والاعب بالصف الثانى لان لا توجد ارقام يخافوا عليها بعدها خلاص...واكبر دليل على كلامى ..الموسم دا واللى فات على طول....وجوزية لما يتأكد من حسم الدورى (بنقاط) يلعب بالصف الثانى لة واللى مش بيشاركة كتير..