لازم تعشقه
تحبه تصدقه
ومهما تبعد عنه
تجريله وتلحقه
الدنيا سمعته
والضحكه فى دمعته
وخافت لما شافت
طريقته وسنته
جه يعلم ويأدب
اتعذب واتكدب
ولا يوم امله انطفى
كان صابر واتحمل
عايز تكسب كمل
فى طريق المصطفى
كان دايما غير الغير
قلبه مليان بالخير
انا صعب عنه اقول
ربه حبه وما ختارش
غير اسمه فوق العرش
وخلاه اخر رسول
وكفايه انه نبينا
حبيب خالقنا ربنا
يوم الحساب
وقت العذاب
جايلنا عشان يشفعلنا
