لازم تدخل

اولا ياجماعة مبروك لمصر التاهل لدور الثمانيةوعقبال الكاس ان شاء الله
ثانيا بقى انتوا كلكوا شفتوا الماتش طبعا وعارفين كل لاعب كان بيادى ازاى فى الملعب....اللى حصل بقى ان بعد الماتش ماخلص موقع على ماظن يعنى يلا كورة او فى الجول الاعضاء اللى فيه نازلين شتيمة فى متعب وانه مابيعرفش يلعب وميدو افضل منه وحسن شحاتة ساكت عليه وبيحكوا على الفرص اللى ضيعها مع انه مش هو لوحده اللى ضيع فرص.........نفسى اعرف ليه كتر الكلام عليه هو خاصة يعنى....وكمان بيتكلموا على الهدف نه تسلل هو فعلا تسلل بس كتر خيره انه تابع حتى.........ياريت تردوا ع الموضوع وهنا فى المنتدى نعمل موضوع يرد على اعضاء الموقع ده

بصي اناده من وجهة نظري وياريت تتقبلوها يعني
هو فعلا هدف متعب كان تسلل وعامة مساعدين الحكم في البطوله كلها يعني لا يرقون للمستوى المقبول
ثانيا يعني انا من الناس اللي كنت اتمنى متعب يخرج الماتش اللي فات
لأنه مكنش بيفكر الا في حاجة واحده انه يتساوى مع فلافيو على قائمة هدافي البطولة
وده كان واضح جدا في كورات كتير كان الافضا انه يبصيها لزيدان وغيره لكن كان بيطمع فيها
لكن من ناحية اضاعة الفرص فاكبر لاعبي العالم بيضيعو
وطبعا ده مبيقللش من مستوى متعب مع ان مستواه متذبذب شوية بعد الاصابة لكن مع ذلك فهو مهاريا افضل من ميدو بكتير جدا فنين واخلاقيا

انا معاك ياميدو انه متذبذب شوية ومعاك ان الهدف تسلل واضح جدا..بس لو تلاحظ ان جه علينااكتر من كورة الحكم حسبها تسلل وهى مش تسلل لكن فى انه عاوز يتساوى مع فيلافيودى ماكانتش واضحة اوى يعنى لان كله كان بيصوب ع المرمى وكله كان عاوز يهدف وماتنساش انه مهاجم..وبجد ميرسى على ردك

انا راى ان متعب مش كان عايز يجيب هدف وخلاص لا متعب مهاجم ودوره انه يصوب على الجون وبعدين متعب شايف ان الاعيبه مش بتباصيله الكوره علشان كدا هو بصوب على الجون على طول وزيدان اخد موقف من المباراة اللى قبل اللى قاتت لما حسن شحاته طلعه وقال كلام وحش على متعب وهو طالع وانا قراته بنفسى ولما نزل الماتش اللى فات مش تعاون مع متعب كان عاوز متعب يديله الكوره وخلاص وانا مش قصدى اقلل من قيمه زيدان ولا مهارته ولا حاجه ومتعب زى الفل فى البطوله دى بس المباراه التانيه هى اللى اداه اللى كان فيها مش كويس بس المباراة الاولى والتالته كان اداه رائع وبعدين ان هو يضيع اهداف احسن من ان هو مش يمسك الكوره خالص وكمان دة دليل على ان هو هداف ولاعيب مهارى
وميرسى على الموضوع ومتعب هيدنه متعب مهما يكون

وكل لاعيب بعد اى اصابه لازم يكون اداه متذبذب لكن متعب قدها وقدود ولعبه جميل فى البطوله دى

marem كتب:انا راى ان متعب مش كان عايز يجيب هدف وخلاص لا متعب مهاجم ودوره انه يصوب على الجون وبعدين متعب شايف ان الاعيبه مش بتباصيله الكوره علشان كدا هو بصوب على الجون على طول وزيدان اخد موقف من المباراة اللى قبل اللى قاتت لما حسن شحاته طلعه وقال كلام وحش على متعب وهو طالع وانا قراته بنفسى ولما نزل الماتش اللى فات مش تعاون مع متعب كان عاوز متعب يديله الكوره وخلاص وانا مش قصدى اقلل من قيمه زيدان ولا مهارته ولا حاجه ومتعب زى الفل فى البطوله دى بس المباراه التانيه هى اللى اداه اللى كان فيها مش كويس بس المباراة الاولى والتالته كان اداه رائع وبعدين ان هو يضيع اهداف احسن من ان هو مش يمسك الكوره خالص وكمان دة دليل على ان هو هداف ولاعيب مهارى
وميرسى على الموضوع ومتعب هيدنه متعب مهما يكون

ليا تعليق على كلامك يا مريم طبعا واضح من كلامك انك منحاذا تماما لمتعب
وده لحبك ليه وكلام كتير ليكي بخلاف الواقع فين اللعيبة اللي مبتبصيش لي متعب يعني متعب مضيع الماتش اللي فات حوالي ثلاث فرص منهم واحدة او اتنين من زيدان وفي اول ماتش لما جاب جول من تميريرة لأحمد حسن وبعدها برضو ضيع كون كمان يعني اعتقد احنا كاهلوية بردوا شابفين ان متعب مستواه قالل وبردوا نتمنى ان يرجع احسن من الول ليه وللأهلي ولمصر
ومعلشي يقى تعليقي المفروض انه على موضوع زيدان مين قال ان زيدان غلط في متعب ده ولا زيدان ولا حسن شحاته ولا متعب نفسه حد قال كده
وكل اللي اتقال من اللاعبين ومن زيدان والجهاز الفني ان زيدان خارج بيلوم نفسه على ان ادائه مكنشي الاداء اللي الجمهور بينتظره منه

انا مش قصدى حاجه وان زيدان كان بيقول على متعب حاجات وحشه انا مش قصدى زيدان معلشى ناس تانيه هى اللى بتقول كدا مش لازم اقول بقى اللى بيتقال وانا شوفت لاعيبه فى الماتشات اللى فاتت كان متعب بيبقى جنبها ومش يباصوله وعمتا الاعيبه كلهم اخوات عاشان انا مش عايزه اسير الجدل

وانا مش بقلل من زيدان ولا من اللاعيبه واسفه لو كنت قلت حاجه وحشه وانا اه بحب متعب بس باقول الحقيقه وفى ناس مش بتشجع متعب وبتقول ان اللاعيبه مش بتناصيله

بصى هقولك حاجه

على ما اعتقد ان فى مدرب اسمو حسن شحاته فاهم وعارف قدرات متعب وفاهم اكتر من اى بغبغان يتكلم كلمه عرفها من محلل رياضى فاشل

متعب لو مش بينفذ الى شحاته عايزه هيخرجه لان بدل ما يخاطر حسن بمستقبل فريق يخرج متعب


لاكن شحاته مفهم متعب هيعمل ايه كويس

وتضع الكزر دا متوفيق وعدم توفيق

والىى بيكلموا ع ميدو خليهم بس يروحوا يخدوه من البتنين الى كان قاعد معاهم فى الكافيه اول امبارح

انا برده شايفه ان مستوى عماد متذبذب الفترة اللى فاتت بس ده مش معناه انه بيلعب وحش اوى وبعدين اللاعيبه مش بتباصيله الكورة فهو لازم يصوب على الجون وبعدين مش هو لوحده اللى بيضيع فرص وايه المشكله لما يضيع هو عماد ملاك الكرة تيجى فى رجله تبقى جون اكيد لازم كرة تصيب وكرة تخيب مهى دى كرة القدم وعن الناس اللى بيشتموا فيه فمعنى كده ان عماد لاعب كويس لان مفيش حد بيتهاجم الا لو كان مميز ومؤثر فى الملعب /color][b]

انا راى نفس رايك اللاعيب اللى بيتشتم او يتقال عليه كلام وحش بيبقى لاعيب كويس والناس غيرابه منه

الكلام اللى انا هقولة دة مش تحيز اولا اكتر واحد فى مصر بيتنقد لعب كويس لعب وحش هو متعب لو لعب جيم جامد جدا يقومو مدورين على فرصة ضيعها اى حاجة اهم يكلمو على عماد النجم والدليل على كدة الماتشين اللى فاتو بتوع مصر الموقعين الاشهر فى الكورة يلاكورة وفى الجول كانو حللو الماتش عادى الناس اللى علقت بقا مش المفروض تقول مبروك لمصر وكدة لا الموضوع الرئيسى كان النجم الناس الزملكاوية بس اللى بداو بالكلام على متعب وبعدين لقيت ناس بتدافع عن متعب بجد اكتر من اللى انتقدوة بكتير فانا بقووول انا الانسان اللى بينتقد دة احسن مهاجم فى مصرر سواء دخل اهداف او لا ياجماعة عماااد دة اذكى مهاجم فى مصر مبيلعبش برجلية دة بيلعب بمخة اتفرجو بس على التحركات بتاعتة وعدم وقوعة فى التسلل الا مرات قليلة جدا وتوسيعة للمهاجمين اللى بيلعبو معاة اتفرج على جونين جدو وشوف مين عماد
تانى حاجة فى تضييع الفرص دى الناس الجاهلة بقى المهاجم الكويس هو اللى بيوصل ويجيب ويضيع اهم حاجة انة بيوصل وما شاء اللة على عماد باصم على كل كرة فى الماتش وكمان واثق من نفسة جدا وشحاتة واثق منة جدا
تالت حاجة انا بفرح اوى اما بشوف ناس مبتفهمش حاجة وبتنتفد عماد لان دة دليل على نجوميتة بجد غيرانين منة لانة هو المهاجم الاساسى فى كل وقت وعلى حساب اللاعيبة بتاعتهم
متعب المهاجم الافضل فى مصر بدون تزاع اتفررجو على علاء صادق اللى كان بيكلم على متعب ويقول ان هو عالة على المنتخب قبل البطولة دلوقتى بيقول علية احسن مهاجم فى مصر هههههههه غريب الانسان دة وشوفو تقييم موقع فيلجول قال اية على متعب بيقول يبقى متعب افضل مهاجم فى مصر بتحرركاتة ولكن تبقى تضييع الفرص السهلة لوغاريتم متعب

متعب المهاجم الاول فى مصر وسيبك من منتقدينك والعب يابنى متعنى كدا بذكائك فى الملعب شكررااااااااااااااااااااا

ردك جميل اوى ومتعب افضل مهاجم فى مصر والعالم مهما يقول الناس هيفضل هو متعب وبس

هوا مش بيعرف يلعب
اى نعم انا بحبه اه
بس الواحد يقول اللى ليه و اللى عليه
لاحظو يا جماعة المهاجمين بتوع مصر اللى بيكونوا مع متعب
كلهم بيرجعوا يخدو الكورة و عماد لا
حد عارف ليه ؟
محدش عارف
المهم
لاحظو كمان جدو لما نزل الماتش اللى فات مكنش بيباصيلو
علشان مش بيعرف يتصرف
و عايز الكورة تيجى لغايت رجليه
و معاكو كما انو احسن من ميدو
بس يا ترى
احسن من زكى اللى بدع فى ويجان
سبوكو من الزمالك
هوا معملش حاجة
بس لو كان فى المنتخب
كان خلا متعب ميفرقش الدكة
بس كدة انا قولت اللى عندى
مستنى ردكم

دى بقة حاجة غلسة اوى والله نفسى اعرف انتوا عايزين اية منة سيبوا بقى فى حالة لا حول ولا قوة الا بالله ربنا يهديكوا يارب

يا أخ امير انت فى موقع متععععععععععععععععععععععب
يعنى تبقى معاه وندافع عننننننننننننه مش تدخل تهاجمه
وراعى كلامك شويه ومتجرحش فى حد
ويعنى ايه مش بيعرف يلعب يعنى امال بتحبه ليييييييه ولا هوا كلام بتقوله وخلالالالالالاص
وانت مش احسن من حسن شحاته يعنى عشان اختار متعب هوا اعلم اكتر منى ومنك بالمنتخب واللعيبه ال هوا عايزهاااااااااااااااااااااااااااااااااااااا اووووووووووووووووكى
وشوف انت بتقول ايه الاول وبعدين اتكلم

اولا مينفعش يا امير الى بتقوله ده
عماد احسن مهاجم في مصر واحسن من ميدو وزكي ولو مكنش بيلعب عدل ومش كويس
مكنش حسن شحاته يخليه في الملعب وميخلهوش على الدكه او حتى يبدله لانه عارف كويس عماد بيعمل ايه وانه مهم جدا في المنتخب
وبعدين اشمعنا شفت ان عماد مكنش بيباصي لجدو ومشفتش الماطشات الى قبلها محدش كان بيدي لعماد كوره وكله همه على نفسه
غير كده عماد لما كان تعبان ولعب المطش كله كان راجل بجد وقدر انه يتغلب على التعب

لا انا ولا اي حد بيحب عماد يرضى انك تقول كده

(عمااااااد هيفضل المتعب المرعب المزعج المؤلم مهما قالوا
ربنا يوفقك ياااااااااارب ياعمده)

طبعا التوبيك مغلق لان فى تجاوز كبير جدا فى حق عماد متعب
بس كلمه صغيرة لامير
بالارقام
متعب هوة هداف الجيل الحالى لمنتخب مصر
اكتر من زكى وابوتريكه حتى
واحمد حسن كمان
ثانيا
نشوف انجازات متعب
كاس الامم 2006 وجاب 3 اجوان
زكى عمل ايه غير جون السنغال مع احترامى طبعا كلنا فرحنه ليه لما جاب الجون عشان دة المنتخب
الاخ ميدو بقى عمل ايه
طوال تاريخه كله مع المنتخب المصرى
جبلى حاجه واحدة عملها
ونرجع هتقولى 2008 وزكى بدع ومبدعش
متعب بطوله 2008 لعب افضل من 2006 وكمان افضل من 2010 حتى الان
رغم انه مجبش اجوان
تعالى للدورى المصرى
زكى عمل ايه مع الزمالك
جاب هداف دورى
جاب بطوله غير الكاس اليتيمه
جاب اجوان فى الاهلى غير جون الكاس اليتيم
بلاش نقارن الاهلى بالزمالك
بس زكى عمل ايه لما بيلعب مهاجم لوحدة
زكى لعب متش فى التصفيات
زامبيا هناك والجزاير هناك
بدون متعب عمل ايه
الاتنين يكملوا بعض
ودة طريقه لعب ودة طريقه لعب تانيه زكى بيعتمد على قوته البدنيه فقط
متعب بيعتمد على عقله وتحركاته
معاك احيانا كتير بيبقى مش موفق
او مستواة نازل
بس يفضل هوة متعب برضه
وبيظهر وقت الشدة
دايما تلاقيه موجود
طبعا وجهه نظرك انت حر فيها يا امير
بس تجاوز معلش التوبيك مغلق
واتمنى مش يبقى فى تجاوز تانى خالص

اولا طبعا سوري يا مصطفى ان فتحت التوبيك
بس ليا رد
يعني طبعا ان مش هتكلم عن ميدو ولا زكي لأن الواحد مش محتاج يتكلم الملعب هو اللي بيتكلم وحال الزمالك

لكن عيب اوي احنا كأهلوية ومصريين وعندنا ثقافة
ان احنا نتكلم عن تفاهات في وقت المفروض نساند المنتخب كمنظومة
مش وقت رد على اشخاص

بالعكس يا ميدو
انا اللى لازم اشكرك على ردك
طبعا
وفعلا المفروض اننا نقف مع المنتخب مش مع لعيب او ضد لعيب
زكى لما جاب جون كلنا فرحنا
متعب لما جاب جون كلنا فرحنا برضه
فتح الله لما يقطع كورة بنسقفله ونفرح وندعيله وكذلك باقى الاعبين
بس كان لازن نرد على حق متعب بس
وشكرا طبعا تانى يا ميدو على ردك