هل توافق على صفقة احمد حسن؟

عايزة اعرف رايكم بعيدا عن الاهواء
انتوا شايفين ان احمد حسن هايكون اضافة للاهلى
مع العلم ان وسط الملعب ملىء بالنجوم عاشور واينو وفتحى وبوجا بجانب رجوع حسن مصطفى
هل احمد حسن البالغ من العمر 33 سنة هيكون اضافة وانتوا عايزينه يجى
ولا احنا كااهلوية عايزنه يج بس عشان مايرحوش الزمالك وعشان احنا بنحبه

ياريت اعرف رايكم

مع احترامي لجميع الاسماء الي امتي قولتيها يا مرمر في خط الوسط

فأفضلهم احمد فتحي واحمد حسن واينو

بجانب ان احمد حسن بيلعب في مراكز كتير
خط وسط المدافع وخط الوسط المهاجم وصانع العلب يعني لاعب جوكر لو حتطي في اي مكان هيلعب

بس المشكله الوحيده في انو بيحب يحتفظ بالكوره كتير وبيلعب لاسم احمد حسن لا لأسم النادي

وانا موافق على الصفقه بس موضوع الاحتفاظ بالكوره تتغير شويه

لان مع احترامي لجميع الاسماء في خط وسط الاهلي بردوا لسه في صغره فيها

احمد حسن لاعب ممتاز رغم كبر سنه
وانا موااااافق جداااااا علي الصفقة
وان شاء الله يبقي اضافه للنادي

اه طبعا احمد حسن لاعب جامد جدا و وجوده معانا اضافة كبيرة لينا

ميرسى لردودكم
وبختلف معاك ياميدو لان انا شيفة ان عاشور من نجوم خط الوسط فى الاهلى ومينفعش نغفل دوره
ونتمنى ان يكون احمد حسن اضافة فعلا

انا موافقه جدا على الصفقه احمد حسن اضافه كبيره
غير كده مش هياخد وقت عشان يتجانس مع اصحابه
لان كتير منهم معاه في المنتخب
غير كده انه خبرته كبيره واكيد هيفيدنا كتير

انا بحب احمد حسن جداا وهوا لعيب جاااااامد مووت
بس بصراحه الاهلي هيعمل بي ايه
دا هوا كلها سنتين ولا حاجه ويعتزل واحنا عايزين لاعيبه صغيره
ويعني بحس ان في انانيه شويه وكدا هيكون في لاعيبه من خط الوسط في الاهلي هتتظلم
ولا انتو ايه رايكو

شكرا على التوبيك الجميل

واكيد احمد اضافة قوية جداااااا وان شاء الله يكون فى صالح الاهلى

انا موافقه جدا ع احمد حسن
ع الاقل احمد احسن من انيس و اينوا و عاشور عندو خبرة اكبر

انت بتتكلم ازاى بجد انا كنت اموت لوكنت شفت احمدحسن فى الزمالك او فى اى نادى فى مصرغير النادى الاهلى والحمد لله ربنا استجاب لدعائى وهشوف ابو حميد بالفانله الحمرا بس انا نفسى بقى يعقد المؤتمر الصحفى اللى هيؤكد فيه انتقاله للشياطين الحمر وكمان علشان نشوف هيلبس فانله رقم كام بس والله الزملكاويه دول يضحكوا اعدوا يجروا ورا احمدفتحى علشان يلعب فى الزمالك وهو مرداش وبعدين يجروا ورا احمدحسن وهو يفضل الاهلى عن الزمالك فيقولوا احنا مش هندخل فى مزايده على لاعب عنده 33 سنه طب بتحرجوا نفسكم من الاول ليه والله هم يبكى وهم يضحك يعيشوا ويخدوا غيرها مسلسل تفضيل الاعبين للنادى الاهلى على الزمالك ما زال مستمر وسيستمر الى الابد

مع احترامي للاعب احمد حسن بس انا اشوف ان الاهلي مش محتاجلو
لان خط الوسط بتاع الاهلي ملاين بلعيبه كويسه المفروض يعني يدورو على باك لفت او باك رايت وميرسي ع الموضوع

اكيد احمد حسن اضافه كويسه للاهلى لانه لاعب كبير وعنده خبرة كبيرة

اختلف معاكى يا مرمر
اكيد احمد حسن اضافه قويه
ومتنسيش انه اكتسب خبرات كتير فى لعبه بره واكيد ده هيضفلنا
وسورى مع احترامى لكل الى انتى قولتيهم الا ان معندهمش الخبره الكافيه فى اللعب الدولى