هل توافق على ما فعله النادى الاهلى

ياجماعة انا عايزة اعرف رايكوا هل انتوا موافقين على اللى عمله النادى الاهلى انه عايز يذيع المباريات بتاعة النادى الاهلى على قناة النادى الاهلى فقط وعدم اذاعة المباريات على القناة التانية
والمواطن البسيط اللى ماعندهوش دش هيعمل ايه
انا عن نفسى مش موافقة خالص لان النادى الاهلى مش هيلعب المباريات مع نفسه ده فى كذا فريق هيلعب معاه
وازاى النادى الاهلى العريق جدااااااااا ينزل بالمستوى ده ان يكون فى ناس فى الاستاد تبع النادى الاهلى ويتعدوا على مذيعين عايزين ينقلوا المباراة بالصوت حتى
وكمان يسحبوا الموبايلات من الصحفيين علشان ماينقلوش الماتش دى مهزله هو احنا بلطجية ولا ايه
اللى عمل كده من مسؤولين النادى الاهلى سمح لناس كتير تتكلم وتهاجم النادى الاهلى
بجد حسبى الله ونعم الوكيل فى اللى شوه صورة النادى الاهلى وجعل الناس تقول على مايفعله مسؤوليه انه استغلال

ايوه موافق
يعني هما عملين قناه الاهلي ليه
لكيييد لازم يخده كل الماتشات حصريااا

موافقه طبعاااااااااااااااااااااااا علشان حق النادى

لا بجد انا مش موافقه خاااااااااااااالص
بجد كده حرام في ناس مش هتقدر على كل ده
وبعدين مش الاهلي اللي يطبق الاحتكار
الاهلي بمبادئه واخلاقه مش النادي اللي يعمل كده
بجد انا مش مصدقه لازم يشوفو حل في الموضوع ده لكن كده نبقى بنهز صورتنا قدام الوطن العربي كله

وبعدين ايه شغل العصابات اللي كان في القنوات انهارده ده
كل اللي يصور صوره ولا يتكلم في تليفون يتاخد منه
لا بجد كتير انا كنت مذهوله من اللي كان بيتقال وبيقولو ان دول تبع الايه ار تي
بس حتى لو كان دي سمعه الاهلي
بجد لاااااااااازم يشوفو حل

لا طبعا مش موافقه


بعيدا علي ان ده حق النادي لكن ايه ذنب الجماهير الغلبانه اللي معدهاش دش
وبعدين دي الكوره هي اللي بتنسي الناس مشاكلهم ولا ايه

لالالالالالالالالالالالالالالالالالالالالالالالالالالالالالالالالالالالالا

مرسيييييييييه ياجماعة على ردودكم

انا مش موافقة لية وزنب الجماهير اية النهاردة مفيش حد من الجماهير ال فى البيت شاف الماتش بجد انا دمى محروق ومتغاظة جدا ولو اتكلمت هقول كلام جامد جداااااااااااا بلاش اكلم احسن

emad el mysterio كتب:ايوه موافق
يعني هما عملين قناه الاهلي ليه
لكيييد لازم يخده كل الماتشات حصريااا

مرسيييييييييييه لردك بس انا مختلفه معاك فى رايك
يعنى على كده كل نادى بقى يعمل قناه ليه ومايذيعش متشاته غير على القناة بتاعته
يبقى الدش مليان قنوات للاندية اكيد النظام ده ماينفعش .
المفروض الاهلى يذيع عادى متشاته على القناة بتاعته والقنوات التانية برضو تذيع افرض مثلا ان انا مش عايزة اسمع المعلق اللى بيعلق على المباراة فى قناة النادى الاهلى او مش حابه انى اسمع المحللين اللى جيباهم قناه النادى الاهلى هعمل ايه يعنى اكيد القرار ده ماينفعش طبعااااااااااا

اكيد انا مش موافقة , حق النادي ايه وكلام فاضي الموضوع كله اصبح عناد في عناد و احنا كمجمهور اللي ضايعين في الرجلين و على فكرة السبب في ده كله الart و اظن انه عيب انه يدخل بيننا قناة عربية غير مصرية علشان تحرم الجمهور المصري من انه يشاهد مباراة كرة قدم
هل وصل بنا الحال الى هذة الدرجة من الفوضى؟ انا بجد حزينة , يا ترى المواطن المصري البسيط لم يكن له الحق في اي شئ حتى مشاهدة مباريات كرة القدم الحاجة الوحيدة اللي كانت بتجمعنا , بجد احنا عايشين حياة صعبة بجد لنا الله

khaledelahlawy كتب:اه طبعا موافق
لان النادي الاهلي ليه حق
ولازم يتخذ قرار في الموضوع دا
واكيد كلنا مع النادي الاهلي
لان مصلحته تهمناا

مرسيييييييييييه ياخالد لمرورك
واكيد كلنا مصلحة النادى الاهلى تهمنا
بس تخيل نفسك ماعندكش دش هتتفرج ازاى على الماتشات
وانت فى بيتك على الاقل تتذاع على القناة التانية

khaledelahlawy كتب:الماتش مجاش علي اي قناه
ومتذاعش خالص ولا حتي علي ال art

ما انا عارفه بس مدحت شلبى باشا طبعا طلع النادى الاهلى انه استغلالى وقال انه هيتذاع على قناة النادى الاهلى الساعة 12 بليل وماتذاعش
بس كفاية التشهير بالنادى الاهلى واحنا ليه ندى فرصة لناس زى مدحت شلبى والغندور يتكلموا على النادى الاهلى بالطريقة دى بجد يارب الموضوع يتحل بسرعة ونخلص

باذن الله تعالى

يا ميدو احنا مش معترضين علي كده وبعدين احنا مع مصلحه النادي وانا متأكده ان عمر م النادي هيظلم جماهيره وتقبلوا اسفي

مال معترضين على ايه 90% من الناس

الي ردوا معترضين ان ازاي الناس الي معندعاش دش متتفرجش على
الماتش وهيتفرجوا ازاي وان النادي الاهلي بيطبق قانون الاحتكار !!!


الماتشات هتتزاع عادي على الارضي والنيل للرياضة والفضائيه
كل الكلام على الفضائيات

اعتقد دي مفهاش اي حاجة يعني

سوري يا ميدو مكنتش اعرف وتقبلوا اسفي مره تانيه

انا منسحبه

انا مش قصدي عليكي
ومفيش حاجة تستعدي الاسف


انا كل المقصود اني اول مرة اشوف
حد يهاجم فريقوا من غير ادنى سبب واضح


ولا انا كلامي غلط

انا مهاجمتش الاهلي وانا عمري م هعمل حاجه زي كده ولو ركزت في تاني رد ليا كنت عرفت انا قدايه بحترم الاهلي انا بحب الاهلي من وانا عندي 3سنينوعمري م هكرهه او اجرح فيه

يا ميستري انا مش قصدي عليكي
معظم الناس كاتبه ردود بتهاجم فيها النادي

وانتي كان ردك ايه زنب الناس الي معندهاش دش
زهم زنبهم مش حاجة لانه هيتزاع على التانية والنيل للرياضة

اوك يا ميدو

شكرا ليك ع التوضيح اللي ناس كتير مش عرفاه وانا كنت منهم