ماشيه فى مشوار طويل
ولا حتى معايا دليل
وقلبى بيشكى عليل
ودموعى منى بتسيل
مش عارفه اروح فين
ولا اشكى حالى لمين
ده الم وعذاب سنين
حبيت فى ناس والناس تهين
مشوار كله عذاب ومقاسى
ليه يا زمان على طول قاسى
كل الى افتكره يبقى ناسى
ومش معايا ده شىء اساسى
وصلت خلاص اخر الطريق
خانى الحبيب باعنى الصديق
ولا حتى كان ف طريقى رفيق
يواسينى ويصبرنى ولا قلبه رقيق
لفين منك يا دنيا اروح
ومين هيداوى قلبى مالجروح
ولمين هشكى ولمين هبوح
ده انا خلاص مبقتش ليه روح