مقارنه صغيره بين النجوم على المسرح !!!!

السلام عليكم
ملعب عمرو دياب الكبير والمسئول عنه حتي الان ...صاحب الخروج عن النمط الممل ف الحفلات خلي المسرح مكان لاضافه نجاحات ف سجله الفني .. المسرح هو ملعب عمرو دياب اللي عارفه كويس ودارسه وواخد فيه امتياز مع مرتبه الشرف .. ومفيش حد يضاهيه ضراوة او ذكاء .. هو اول واحد كسر المسرح المغلق وخرج للساحات المفتوحه لتقديم حفله لتليق باعمار الحاضرين



هاني شاكر
لسه بيدور علي كيانه المفقود بيفتكر ان الزمن وقف عند عبد الحليم حافظ وتقليده هو اللي هيلمعه وهيخليه اسطورة زي عبد الحليم .. مخدش باله ان في زمن بيطور وشباب فكرها بيتغير فضل واث عند سنه 90 ما اتحركش منها عشان كده جو حفلاته ممل او مش شبابي .. مطرب لجيل ما بعد الاربعين مع انه بيقول انه بيغني للشباب طب منين ياعزيزي وانت مفيش اي صله بينك وبينهم .. اغانيك ريتمها واحد شكل واحد مفيش تغيير .. حفلاته تقريبا باللبس التقليدي .. ازاي حفله تكون ف مارينا وتحييها ببدله ...!!! كيان مفقود


مصطفي قمر
مطرب خفيف ولذيذ وحفلاته زيه خفيفه مش هتمعك مش هتخليك تقول انا حضرت حفله لمصطفي قمر واستمعت جو الافلام والكليبات خد مصطفي قمر لسكه عدم التجديد .. حفلاته بقت بلاي باك تمثيل ف تمثيل .. ومفيش مطرب ناجح يغني بلاي باك الناس اللي جايلاك جاي تسمعك مش جايه تشوف ادائك او جاية تشوفك وانت بتحرك بؤك مع الاغنيه ... مطرب كويس وجميل بس صعب يمتع اي انسان ف الحفله وكانه مطرب بيغني امبارح حفلاته شبه معدومه او بتكون تحت راية مزيكا وتكون حفلات شبه مجانيه تقلل المطرب مش بتعليه ...!!! ده مصطفي قمر


محمد فؤاد
نكلم بصراحه .. مطرب كبير وليه شعبيه جارفه بس فين الحفلات ..!!! ونكلم بصراحه اكتر وزن محمد فؤاد معرقله ف الحته دي مش هيقدر يقدم حفله شبابيه بمستوي وبمجهود ضخم وهو ف الحاله البدنيه دي واكيد بتأثر علي صوته وتنظيم نفسه ف الاغاني .. شفته حفله جت من فتره علي روتانا حزين والله فؤاد ما اتحركش خطوتين من مكانه وعايز الناس تنفعل معاه ف الحفله طب ازاي يافؤاد ...!!! ومفيش مطرب عايز ياكد نجاحه يبعد عن عالمه الخاص وهو المسرح واكيد ده بيقلل كتير من تاريخه لان الحفلات هو التواصل الوحيد بين المطرب وجمهوره


تامر حسني
حبيت احطله صورة كده فكرتني بمطرب عالمي اسمه عمرو دياب ... تامر حسني مطرب الجدل والتخبيط والتظبيط وحاجات حلوة كتير .. علي رأي احمد مكي .. تامر حسني طالع الحفله عشان يزيط الدي ويعلي الجي ... مطرب مش جاي يمتع الاخرين جاي يشهيص وبس .. مركز علي البنات ف الحفله واحد طلعت تسلم عليه مفيش مانع انه يقف ويكلم معاها ويحكيلها عن تاريخه .. مفيش مانع لو واحد معجب طلع يسلم عليه يخليه يغني معاه ويقوله الله ده انت صوتك حلو انت هايل .. مفيش ناقله في اغانيه .. ازاي هروح اسمع مطرب ومفيش جديد بيقدمه ف البوماته حروح جدعنه ولا هروح ايه مش فاهم .. هيا المعادله بتقول كده .. الالبوم جامد يبقا نفسي اروح اسمعه ف حفله انما لو كل البوم زي اللي قبله يبقا اروح ليه ...!!! ولسه ياما هنشوف


محمد منير
كلمتي بعتبرها اهم كلمه وسط المطربين اللي فوق ... محمد منير اه قادر يمتع اي واحد من الحاضرين وف نفس الوقت منير نجاحاته ف الحفله بتكون بسبب تظبيط الجمجمه .. منير وجورج وسوف معروف عنهم انه ماشيين بمقوله ظبط الدماغ قوي تبسط الناس قوي ... وانا مش رايح حفله لمطرب في حاله مزاجيه عاليه بسبب شربه او انه يكون متعاطي اي حاجه ..ومنير شفته حفله قبل كده بيبان عليه الارهاق بدري ودي نتيجه طبيعيه للي بيعمله قبل الحفلة وبيأثر كمان علي ادائه ... منير مش زي الاول الكل عارف كده اه تاريخه ممتد معاه بس ف نفس الوقت مطلوب منه التجديد عشان نجاحه يمتد ويعيش اكتر واكتر .. لانه مطرب بيقدم لون محدش بيقدمه غيره وناجح قوي .. اه وفيه كلمتين نأحين عليا بلاش نمجد في كيانات ونصدق نفسنا انهم فعلا رقم واحد...!!! اللبيب بالاشارة يفهم ومحدش ييجي يلمع ويمجد ف مطرب هنا لانه من الاخر مش زي عمرو دياب


محمد حماقي
في غنوة لدرش الاسكندراني .. اسمها هو ده عيبه .. وبقولها لحماقي مفكش عيوب .. مطرب جميل ادائه علي المسرح عالي قوي ..صوته زي الكاسيت مفيش فرق وده يدل انه صوته ما بيدخلش عليه أى مؤثرات صوتيه وبجد حضرتله حفله وشفت قد ايه قادر يمتع الناس حسيت بعمرو دياب ف حركاته وادائه .. حماقي مطرب مستقبله مفتوح قدامه مختفي عشان الناس تسأل عليه ماشي بخطوات نجاح ثابته البوماته بتعلي.. ادائه بيزيد جمال .. يبعد عن الغرور والبروبجاندا اللي تأخره وهنشوف حماقي ف المستقبل

وعلي غنوة راجعين .. تعالي تعالي تعالي اه يانجم الحفلات تعالي

عمرو دياب
ملك المسرح .. نجم الحفلات في كل حاجه ..مفيش مشكله عنده خالص انه يمتع الناس اسهل حاجه عنه ولو ل تلات ساعات متواصلة ... اداء وصوت ومزاجيه واحساس وعفوية مفيش زيها .. الوحيد عند سماع خبر وجود حفله له .. يشهد حاله هيستريا لان حفله لعمرو دياب زي العيد .. معنا ان عمرو عامل حفله يبقا انا رايح استمتع .. الراجل ده مفيش عنده ساعات بتترمي ولا تخليه تدوخ ويقع ... الكلام ده مش بتاعنا ولا عندنا .. مخيف علي المسرح تحس انه خارج لمهمه واحده بس اضافه نجاح لتاريخي وابهار الاخرين سواء لحضور او في التليفزيون ولسان حال الناس الراجل ده بيصغر مش بيكبر .. ما شاء الله ونمسك الخشب
عمرو دياب قبل الحفله وكل يوم بيواظب علي الرياضه .. استعدادته الخاصه بتكون بلعب الرياضه قبل الحفله عشان يكون فعلا في جوها .. مهو عارف انه بيغني للشباب وعارف انهم جايين متحفزين وعايزين يستمتعو مع الروح الشبابيه اللي مش عارفه سن او زمن معين تقف عنده .. شايفين عمرو بيعمل ايه وشايفين غيره بيعمل ايه قبل الحفله ...!! ليه خلطه في كل حفله بيخلي الناس تشاركه اغانيه وكانه بيخلي منافس ليه حتا ف الحفله . طول عمره كده بيحب المنافسه ويحب يكسب فيها .. وبيكسب ف الحفله سواء باستايل او باداء او بغنوة جديدة .. الوحيد اللي بيكون تساؤلات بل حفلته عمرو هيطلع باغنيه ايه طب لابس ايه شعره ازاي ... ولما تيجي ساعه الصفر ويخرج للناس فرحه جنونيه بتمسك ف كل الموجودين وابتسامه عمرو وفرحته اللي مش بيقدر يخبيها بتوع الناس اكتر واكتر ده جزء لا يتجزء من كيان عمرو دياب الاول ف تقديم حفلات اللايف مفيش حد يقدر يعمل زيه لانه مفيش غير عمرو دياب واحد بس



الموضوع طويل بس مطلوب لان مفيش حد ولا زي عمرو دياب ف الحفلات ^^^^^ ودي رساله لكل الناس اختم بيها موضوعي .. مفيش عمرو دياب تاني لانه الاول . وعشان كده بيضرب بيه المثل انه مش هييجي زيه .. لانه عمرو دياب مش حد تاني