قصة حبك للاهلى

اولا مبرووووووك على القسم الجديد

وفكره جااااااااااامده جدااااااااا يا علام

انا بقى قصتى مع الاهلى ممكن تبقى قصه معظم الناس الاهلاويه
انا اتولدت لقيت بابا وماما واهلى كلهم اهلاويه جداااااااااااااااااااااااااااااا
انا فى الاول مكنتش باهتم بالموضوع ده
بس من اول اولى اعدادى بدأت اهتم بالكوره وبدأت اتابع وبقيت متعصبه جداااااااااااااا
واللى زود حبى للاهلى كمان انى عضوه فى النادى يعنى بجد بحس انه بيتى التانى
وبقضى فيه اوقات كتيييييييير
وكنت بلعب فيه باسكت ولعبت فتره فيه كره يد كمان
وفى النادى احلى زكرياتى واحلى اصحاب
ومن هنا بقيت متعصبه للاهلى جدااااااااااااااااااا وبقيت متابعه لكل الماتشات وفهمت كل حاجه عن الاهلى

هى دى قصتى
وطبعا
الاهلى فوق الجميع

وانت بقى يا محمد مقلتلناش قصه حبك للاهلى؟

انا عن نفسي
حبي للاهلي جه من المنتخب
الاول مكنتش بحب ولا بفهم اي حاجه في الكره والماتش الوحيد اللي اتفرجت عليه كان 6/1
ومكنتش فهمه حاجه غير الاجوال انما في كاس الامم لما اتفرجت عليها واهتميت بيها بسبب بابا
عرفت ساعاتها الاعيبه واساميهم وعجبوني اوي لعيبه الاهلي فمن ساعاتها وواحده واحده بقيت اهلاويه متعصبه وخليت الحيطه في حجرتي باظت من كتر الصور
وكل اللي يجي عندنا يقولي انا مش حاسس ان دي حجره بنت
وماما بقى من ساعات مشفتني متعصبه اوي للاهلي فبقت زملكاويه عشان تغظني وخلاص بس هي اصلا اهلاويه
بسسسسسسسسسسسسس خلاص

ميرسي ربنا يخليك
بس اكيد مش هتبقى احلى من قصتك انت

انا بقى قصه حبى للاهلى مش هتختلف كتير عنكوا , انا بحب الاهلى من وانا صغيره يعنى بدات اهتم بالكورة من سنه 98 كده لما المنتخب اخد كاس الامم ,, وعرفت الاهلى لان بابا وكل قرايبى اهلاويه جداا وبدات انا كمان احبه زيهم ودلوقتى بقى بقيت بعشق الاهلى ومفيش مباراه ليه غير لما باءذن الله بشوفها
وبالنسبه لسؤال ولماذا الاهلى بالذات اللى حبتوه علشان الاهلى هو احسن فريق بيلعب كورة فى مصر مع احترامى لكل الانديه
واكيد انا بحب الاهلى لذاته مش علشان اى لاعب ,,, وان شااء الله هفضل احب الاهلى على طووووووووووووووول
وميرسى على التوبيك الرائع ده

ميرسي كتير عالتوبيك
انا بقى قصتي بدات انى عيلتي كلها اهلويه ودايما كنت بتفرج عالاهلى فى المباريات بس مكنتش بفهم حاجة بس من ساعة 98 وانا بفهم الحمد الله ومافيش ماتش الا م اتفرج عليه واتبعة بكل تفاصيله واحلل الماتش بعد كده تمام

انا حبى لاهلى بدا من وانا عندى 8 سنين كنت فى تانية ابتدائى سنة 1993 كان بابا بيتفرج على ماتش للاهلى والاتحاد السكندرى وانا كنت بتفرج معاه رغم انى مكنتش فاهمة حاجة ولاعارفة مين اللى بيلعب المهم الاهلى جاب جون الاول فرحت اوى وبعد شوية الاتحاد جاب حون التعادل زعلت جدا لقيت بابا استغرب وقالى اشمعنى زعلتى دلوقتى قلت له مش عارفة حسة كده انى حبيت الفريق اللى لابس احمر اصل لعبه جميل اوى قالى الفريق الاحمر ده اسمه الاهلى احسن نادى فى مصر كلها وعلى طول بيكسب بطولات قلت له يعنى بيعمل ايه قالى يعنى يقعد يكسب الماتشات ويبقى هو الاول على كل الفرق وياخد الكاس من ساعتها وانا بموووت فى الاهلى وبعشقه بطريقة مالهاش حدود وعارفين كمان كانت مكافئتى من بابا على الاجتهاد فى المذاكرة والنجاح بتفوق انه يخلينى احضر ماتش للاهلى فى الاستاد كل سنة وكان ده بيدينى دافع كبير اوى للمذاكرة كل ده من كتر حبى للاهلى كنت مستعدة اعمل اى حاجة فى الدنيا . [size=9] size][/size]

انا بقى بابا اهلاوى متعصب جدا جدا جدا وعشان كده مكنش حد يقدر يشجع نادى تانى غير الاهلى ادامه ومن وانا صغيرة كنت بشجع الاهلى كده عشان خاطر بابا بس السبب اللى خلانى اشجع الاهلى بجد واعشقه واكون اهلاوية متعصبة كان متعب لانى فى الاول كنت بتفرج على الماتشات عشان خاطر اتفرج على لعب متعب بس بعد كده بقيت بشجع النادى الاهلى لذاته مش عشان خاطر اى لعيب ومفيش اى حد يقدر يغلط فى الاهلى ادامى وساعات كتير بتخانق مع اصحابى بسبب الاهلى وكل اللى يعرفنى بيقول عليا انى مجنونة بسبب حبى للنادى الاهلى

انا بقى حبى للاهلى حب مش عااااادى
عائلتى كلها من اولها لى اخرها اهلاويه وده شى يشرفنا طبعا اننا اهلاويه
نادى محترم وجميل وبيسعد جماهيره ديما ومش بيزعلهمم وعندهم اهم حاجه هيا الجماهير قبل كل شى

شكرا ليكم على القصص الجميلة دى وانا فى انتظار قصص حب تانية واقوى

انا اتولت لقيت والدى اهلاويا ولقيته دايما بيتخانق مع صاحبه رغم انه بيحبه اووى وليقت ناس كتير اووى اعرفهم بيشجعوا الاهلى قولت اكيد ده فى حاجة مميزة عن باقى الاندية سألت والدى واقعد يحكيلى على تاريخ الاهلى المشرف واخلاق ومبادىء النادى وانها فوق كل شىء ولقيت والدى بيعشق الاهلى اكتر من اى حاجة من اليوم ده ىانا كان بقيت بعشه وبحبه جا بس للامانة انا مكنتش بهتم بالكورة خالص يعنى ماكنتش اعرف فى الاهلى غير الحضرى وبس وبعد كده عرفت ابراهيم سعيد وكرهته وبعد كده بدات اعرف حسام غالى وكان هو النجم المفضل عندى لانى ماكنتش اعرف غيره والحضرى وبصراحة ماكنتش بتفرج غير على ماتشات الاهلى والزمالك
بس بدأت اعرف لاعيبة الاهلى من صحابى عرفت متعب من ساعة ماكان فى النشائين بس كنت بكره من كتر صحابى مابيكلموا عليه وبعدين سمعت عن تريكة واول مرة شوفته كان فى ماتش النجم وعرفت بركات من ماتش الاهلى والاسماعيلى 6:0 ومن ساعتها وان بموت فيه
وبصراحة بقيت اتابع الكرة كويس وعرفت كل لاعيبة الالهى بعد كاس الامم الافريقية يعنى من قريب من ساعتها وانا مابفوتش ماتش للاهلى مهما كانت الظروف حتى لو عندى امتحان
بس هى دى الحكاية انا بعشق تراب الاهلى بجد بحبه اكتر من اى حاجة فى الدنيا

اما انا بقى فكان بابا اهلاوى جدا ومتابع على طول للاهلى وانا كنت بتابع بس ماتشات الاهلى والزمالك والماتشات الهامة اللى على بطولة غير كده معرفش اى حاجة وبعدين تبعت كأس
الامم الافريقية وعرفت متعب بس كنت بكره جداااااااااااااا وبعد البطولة تعبت الاهلى من اجل متعب مش عشان حبا فيه لا كان عشان اشمت قيه وبعدين لقيته كويس جدا ومحترم ولعيب نادر جدا
وحبيت متعب وتبعت الاهلى ومن يومها وانا بموت فى الاهلى واستحالة انى افوت ماتش للنادى الاهلى وحبيت متعب اكتر لانه عرفنى طريقة وحب النادى الاهلى وربنا يوفقهم ويستمروا على النجاح والبطولات اللى اتعودنا عليها
الاهلى فوق الجميع000000 مى