فى الأول كده لازم نكون متفقين أن متعب مش هوه متعب بتاع زمان.مش متعب اللى أبدع فى بوركينا فاسو 2003 وخد هداف شباب أفريقيا وأبدع فى الإمارات 2003 وبهدل دفاع إنجلترا فى هدف من أجمل أهداف مصر فى تاريخها.مش هوه ده متعب اللى أدى ببراعة فى أول مشاركة مع منتخب مصر الأول أمام ليبيا.
...............................................................................................
طب أيه دورنا كمشجعين دلوقتى مع متعب.دورنا أن نتخلى عنه .طبعا لا وألف لا
طب يمكن أننا ندلعه ونقوله مش مهم.برضه طبعا لا وألف لا.
لكن دورنا أننا نقف جنبه وفى نفس الوقت لاوم ما ندلعوش وما نححسهوش أنه هوه أفضل مهاجم مصرى حتى وهو فى أسوأ حالاته.يعنى لما واحد يقول أن متعب حاليا أفضل من ميدو وزيدان وعمرو زكى وأسامة حسنى يبقى كده أحنا بنضره مش بنفيده.إذا كان عماد نفسه مبيقولش أنه أحسن من ميدو وزيدان لأن بأختصار كفاية الخبرة الدولية ليهم.
لازم عماد يحس أن فيه منافسة من الغير.ليه مثلا مبنديش أسامة حسنى حقه برغم أنه منقذ الأهلى الحالى.ودايما بنشكر فى متعب سواء لعب حلو أو وحش.ولو أنه أصلا ملعبش حلو من ييجى 6 أشهر كده.
فيه فرق كبير بين الصبر والتدليع.واللى بيحصل مع عماد متعب مش صبر لكن تدليع.
الصبر أننى أقول أن اللاعب مقصر وأطالبه بتصحيح أوضاعه وأنه يسيبه من اللى وصله للى هوه فيه.ويرجع تانى.
والتدليع أننى أطلع أقول بعد مباراة سيئة للاعب أنه أفضل مهاجم فى تاريخ مصر وأن الأهلاوية والمصريين فخورين لمجرد وجود متعب فى الفريق حتى وهو فى أسوأ حالاته ويطلع واحد يقوللى فى موضوع عجيب فى منتدانا أن متعب أفضل من واين رونى لأن رونى بيلعب معاه خط وسط مانشستر لكن متعب بيخدم عليه خط وسط أهلاوى.ثم نتفاجأ بالردود المساندة للموضوع واللى تقولك طبعا متعب أفضل من رونى وأنه أفضل من كل هجوم منتخب أنجلترا!!!!!!!وقلما وجدنا واحد بيقول لا طبعا رونى أحسن من متعب.ده مش أسمه تدليع.تخيلوا لو متعب قرأ النقالات ديه مش هيحس أنه كده كده مكانه محجوز ولو جماهيريا.بدل ما يحس انه بدأ يتراجع والغيرة تآكله ويرجع زى ما عرفناه زمان.
لازم نقف مع متعب آه. بأننا نفهمه أنه غلط فى حق نفسه لما الشهرة خدته وخلته كده.ونديله فرصة تانية.
لكن كمان نخشن عليه شوية بأننا نفهمه أننا غير راضيين عنه وهو كده.ونحب غيره.مش عيب أبدا أننا ندى أسامة حسنى حقه فى الأهلى.وأى مهاجم فى المنتخب حقه.
والمثل بيقول يا بخت من بكانى و لابكى الناس على.ولا اللى ضحكنى وضحك الناس على.
المرة دي الموضوع ده مش انا اللي كتبه بس نقله من منتدى اخر
و عجبني الكلام
ياريت اشوف رايكوا ايه
