"إنتى البنت إللى فى خيالى نفس الشعر و نفس العينين و نفس الجسم و..." دى أول جملة الولاد بيقولوها للبنات فى بداية إشتغالاتهم لبعض و طبعا بيكون رد البنات "إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه" الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى .. الولد بيرجع للكورة و لعب الاستيميشن و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ، السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى ، العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها.
+12
الاهلي حديد سمسمة
جانا متعب
sara999
engy3asheketmet3eb
yasoo-3ashket met3eb
إيمي الشقية
miko
مجنون المتعب
dody_9
nedoo
شهد+عماد
سندباد الشرق
16 مشترك
سر تغير نغمة (قصاد عينى)الى (كلهم بيقولو كدا فى الاول)
سندباد الشرق- عضو موقوف
- عدد المساهمات : 4888
العمر : 35
Localisation : غير مرغوب فيه
"إنتى البنت إللى فى خيالى نفس الشعر و نفس العينين و نفس الجسم و..." دى أول جملة الولاد بيقولوها للبنات فى بداية إشتغالاتهم لبعض و طبعا بيكون رد البنات "إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه" الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى .. الولد بيرجع للكورة و لعب الاستيميشن و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ، السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى ، العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها.
شهد+عماد- عاشق ماسي
- عدد المساهمات : 6386
العمر : 31
Localisation : احلى شهد
ههههههههههههههههههههه
لاوالله مش كل البنات كده
ولا كل الولاد كده
فى ناس كتير محترمه
لاوالله مش كل البنات كده
ولا كل الولاد كده
فى ناس كتير محترمه
سندباد الشرق- عضو موقوف
- عدد المساهمات : 4888
العمر : 35
Localisation : غير مرغوب فيه
شكرا يا شهد
لردك
لردك
nedoo- عاشق فضي
- عدد المساهمات : 618
العمر : 34
Localisation : alexandria
merci 3la el topic wa mesh kollena keda 3la fekra
dody_9- V - I - P
- عدد المساهمات : 2998
العمر : 35
Localisation : masscomm cairo uni
ايه يا هشام ده ليه كده طيب؟؟؟؟؟؟؟؟
بس مش كلنا كده
بس مش كلنا كده
مجنون المتعب- عاشق فضي
- عدد المساهمات : 528
العمر : 34
Localisation : DARK WELL
حلو اوى التوبيك بس بصراحة مش كل هم كده...
بجد مواضيعك تحفة يا هشام شكرا ليك على المجهود.......
بجد مواضيعك تحفة يا هشام شكرا ليك على المجهود.......
miko- عاشق ذهبي
- عدد المساهمات : 1365
العمر : 33
وفيها اية لو ظهروا على طبيعتهم من الاول
مجنون المتعب- عاشق فضي
- عدد المساهمات : 528
العمر : 34
Localisation : DARK WELL
مش عارف لازم يتصنعوا ويكديوا لغاية ما تظهر الحقيقة ده إسمه لعب يال و تسلية.........
إيمي الشقية- عاشق فضي
- عدد المساهمات : 542
Localisation : الكويت
هههههههههههههههه
ليه كدة يا هشام مش كل البنات كدة والله
ليه كدة يا هشام مش كل البنات كدة والله
مجنون المتعب- عاشق فضي
- عدد المساهمات : 528
العمر : 34
Localisation : DARK WELL
ولا كل الأولاد كده..................؟؟
yasoo-3ashket met3eb- فائز في أكبر مسابقة في تاريخ المنتدى
- عدد المساهمات : 1997
العمر : 30
Localisation : اول يمين الشارع الجى
merci ya hesham bs fe3lan mesh kol al bnat keda hwa fe fe3lan bnat bt3mel keda bs mesh mwsh kolna
سندباد الشرق- عضو موقوف
- عدد المساهمات : 4888
العمر : 35
Localisation : غير مرغوب فيه
شكرا ليكو يا جماعة على ردكم
engy3asheketmet3eb- عاشق ذهبي
- عدد المساهمات : 1087
العمر : 32
Localisation : فى البلد الى فيها اروع لاعب واروع نادى
وحياه ربنا يا هشام انت بتقول الكلام ده علشان شكلك كده حصلتلك حاجه وجاتلك عقده من البنات وبعدين انا هتللك مافيش شعر انا محجبه القصه اتغيرت خالص مش انا طبعا ههههههههههههههه
سندباد الشرق- عضو موقوف
- عدد المساهمات : 4888
العمر : 35
Localisation : غير مرغوب فيه
engy3asheketmet3eb كتب:
وحياه ربنا يا هشام انت بتقول الكلام ده علشان شكلك كده حصلتلك حاجه وجاتلك عقده من البنات وبعدين انا هتللك مافيش شعر انا محجبه القصه اتغيرت خالص مش انا طبعا ههههههههههههههه
هههههههههههههههههههههههههههههههههههههه ماشى يا ست انجى
واضح انك عرفتى التايهة
sara999- عاشق فضي
- عدد المساهمات : 801
العمر : 35
ههههههههه
موضوع جامد اوى يا هشام
بس ده ف حالة العلاقه الفاشله او بمعنى اصح التسليه
لانى ماظنش ان لو فيه 2 بيحبوا بعض هايزهقوا من بعض
موضوع جامد اوى يا هشام
بس ده ف حالة العلاقه الفاشله او بمعنى اصح التسليه
لانى ماظنش ان لو فيه 2 بيحبوا بعض هايزهقوا من بعض
سندباد الشرق- عضو موقوف
- عدد المساهمات : 4888
العمر : 35
Localisation : غير مرغوب فيه
المفروض والله يا سارة
بس هنعمل اية يعنى
دة حال الدنيا
بس هنعمل اية يعنى
دة حال الدنيا
جانا متعب- عاشق فضي
- عدد المساهمات : 777
العمر : 33
Localisation : cairo
ميرسى يا هشام على التوبيك
بجد جامد
بس فعلا مش كلهم كده
فى ناس كتير محترمه وبيقدوره اللى معاهم
وفى ناس تانيه بتعرف قيمه اللى معاها بعد ما تضيع منه
بس بجد ميرسى
بجد جامد
بس فعلا مش كلهم كده
فى ناس كتير محترمه وبيقدوره اللى معاهم
وفى ناس تانيه بتعرف قيمه اللى معاها بعد ما تضيع منه
بس بجد ميرسى
engy3asheketmet3eb- عاشق ذهبي
- عدد المساهمات : 1087
العمر : 32
Localisation : فى البلد الى فيها اروع لاعب واروع نادى
ههههههههههه ماشى يا هشام بس ممكن اعرف انت ليه زعلت وققفلت التوبكات التانيه احنا ازاى مانطيقش يعنى وبعدين انت زى مابتهزر معانا احنا كمان بنهزر معاك وبعدين ده ماييمنعش انك تقفل التوبكات الجامده دى اوعى تعمل كده تانى انا بحذرك اهوه ولقد احزر من انزر
سندباد الشرق- عضو موقوف
- عدد المساهمات : 4888
العمر : 35
Localisation : غير مرغوب فيه
ههههههههههههههههه ماشى يا انجى هانم
تحت أمرك
تحت أمرك
engy3asheketmet3eb- عاشق ذهبي
- عدد المساهمات : 1087
العمر : 32
Localisation : فى البلد الى فيها اروع لاعب واروع نادى
ايوه كده بحسب ناس ماتجيش الا بالعين الحمرا
الاهلي حديد سمسمة- عاشق مميز
- عدد المساهمات : 235
العمر : 32
Localisation : أجمل و أحلي نادي في الدنيا النادي الاهلي
ايه الحكاية يا هشام انا كل مدخل ألاقيك بتهزأ فينا ليه يا بني كده
حرام عليك و الله احنا طيبين و محترمين و مؤدبين جداااااااااااااااااااااااااا
صدق بأه و النبي
حرام عليك و الله احنا طيبين و محترمين و مؤدبين جداااااااااااااااااااااااااا
صدق بأه و النبي
سندباد الشرق- عضو موقوف
- عدد المساهمات : 4888
العمر : 35
Localisation : غير مرغوب فيه
والله مصدق يا سمسة واقسم بالله مصدق
بس انا كنت بتكلم على نوعية معينة
وبعدين المشكلة ان البنات هنا افتركو انى بتكلم عليكوا انتو
بس انا كنت بتكلم على نوعية معينة
وبعدين المشكلة ان البنات هنا افتركو انى بتكلم عليكوا انتو
engy3asheketmet3eb- عاشق ذهبي
- عدد المساهمات : 1087
العمر : 32
Localisation : فى البلد الى فيها اروع لاعب واروع نادى
خلاص يا بنات الراجل طلع مش قصدوا علينا واحنا بردو ياما عملنا توبكات للولاد اناح من دى مليون مره ماتزعلش يا هشام لايقفل ده كمان وتبقى زيطه
الاهلي حديد سمسمة- عاشق مميز
- عدد المساهمات : 235
العمر : 32
Localisation : أجمل و أحلي نادي في الدنيا النادي الاهلي
ماشي يا هشام
فهمنا قصدك و الله
و يا بنات المنتدي يا محترمات الكلام ده مش عليكم علي البنات الآخريات
فهمنا قصدك و الله
و يا بنات المنتدي يا محترمات الكلام ده مش عليكم علي البنات الآخريات
سندباد الشرق- عضو موقوف
- عدد المساهمات : 4888
العمر : 35
Localisation : غير مرغوب فيه
والله العظيم تلاتة انا ما بتكلم عليكو
وبعدين انا هتكلم عليكو ازى يعنى
هوا انا اعرفكو ولا اتعملت معاكو على الطبيعة علشان احكم عليكم
وبعدين انا هتكلم عليكو ازى يعنى
هوا انا اعرفكو ولا اتعملت معاكو على الطبيعة علشان احكم عليكم