ياريت كل الاعضاء يدخلوا ويقولولى رأيهم

اولا انا عارفه ان فيه ناس كتييييييييييير هتهاجمنى وهتعارضى على التوبيك ده بس كان لازم حد يتكلم
بصراحه يا جماعه انا مش عاجبنى الكلام اللى انتوا بتقولوه ده

انا قريت ردود ناس بعد ماتش بنفيكا
اللى متفرجش عشان متعب مش بيلعب
واللى بيقول ان الاهلى من غير متعب شكله وحش
واللى بيقول وبيقول وبيقول

سورى يعنى يا جماعه احنا اهلاويه
والنادى الاهلى عمره ما بيقف على لعيب واحد
ومينفعش الكلام ده يتقال من اهلاويه

الاهلى كبييييييييييير
والاهلى فوق الجميع
والاهلى مبيقفش على حد

ملحوظه مهمه جدااااااااااا :

على فكره يا جماعه انا بحب متعب جدااااااااااااااااااااا
لا مش بحبه بس انا بموووووووووووت فيه كمان
بس مهما وصل درجه حبنا لمتعب مينفعش نقول الكلام ده
لاننا اهلاويه فى الاول وفى الاخر

انتى فعلا عندك حق
بس احنا اتعودنا ان عماد يكون موجود فى الماتشات
علشان كدة انا حسيت انى فى حاجة كانت ناقصة
طبعا كان عماد

ميرسيه على ردودكم وعلى رايكم

والاهلى كبييييييييير
والاهلى فوق الجميع
ومتنسوش يا جماعه احنا اهلاويه فى الاول وقبل كل حاجه

انا معاكى يامجنونة متعب ازاى اهلوية مايتفرجوش على الماتش عشان متعب مبيلعبش طب وايه يعنى,على فكلاة لازم تعرفوا كويس ان احنا بنشجع الأهلى مش فريق متعب واحنا بنحبه عشان بيلعب فى الأهلى يعنى الأهلى هو السبب
وعلى فكرة كده انتوا ماتستحقوش لقب اهلوية عشان بتحبو متعب اكتر

مع احترامى لرأيك
الاهلى مش بيقف على لعيب
والدليل ان اسامه جاب جون النهارده لما نزل
وفلافيو هو اللى اتسبب فى البلنتى
يعنى الاهلى مبيقفش على لعيب مهما كانت شهرته وخطورته

Marmar كتب:انا معاكى يامجنونة متعب ازاى اهلوية مايتفرجوش على الماتش عشان متعب مبيلعبش طب وايه يعنى,على فكلاة لازم تعرفوا كويس ان احنا بنشجع الأهلى مش فريق متعب واحنا بنحبه عشان بيلعب فى الأهلى يعنى الأهلى هو السبب
وعلى فكرة كده انتوا ماتستحقوش لقب اهلوية عشان بتحبو متعب اكتر

اللللللللللللللللللللله علييييييييييكى
هو ده الكلام
احنا اهلاوييييييييييه يا جماااااااااااااااعه
فى الاول وفى الاخر

انا عايزه اعرف حاجه يعنى لما متعب يحترف مش هتشجعوا الاهلى ولا اييييييييه؟؟؟؟؟؟؟؟؟؟؟؟

ahlawy afc كتب:شكرا على موضوعك الرائع يا رضوى


اولا مع احترامى لكل الناس ولكل عشاق متعب عفوا الى ما يتفرجش على ماتش للاهلى عشان متعب ليس اهلاوى

واقولكم يا جماعه لازم تعرفوا حاجة مهمة جدا ان الى عمل متعب وسبب شهرته الاهلى وهو الى خلاكم تعرفوا ان فى لاعب اسمه متعب

وكمان عاوز اقولكم ان الاهلى عمره ما هيقف على متعب او غير متعب لان الاهلى كبير وما بيقفش على لاعب معين ودليل صغير مع احترامى لمتعب متعب عمره ما هيجى زى صالح سليم او زى الخطيب يوم ما اعتزل صالح سليم هل توقفت انجازات وانتصارات الاهلى لا لم تتوقف استمرت وزى ما الاهلى طلع صالح جه اللى بعده وكمل الخطيب مسيرة انجازات وبطولات النادى واما اعتزال الخطيب لم تتوقف انتصارات الاهلى واستمرت

وعشان تعرفوا ان الاهلى ما يبقفش على لاعب الاهلى طول تاريخه طلع عظماء مصر بداية من حسين حجازى والتتش وصالح سليم وطارق سليم ورفعت الفناجيلى مرورا بميمى الشربينى والخطيب وطاهر ابوزيد ومصطفى عبده مرورا بشوبير وحسام وابراهيم ووليد وهادى خشبه وصولا للحضرى وشادى وجمعه ومتعب واسامه وبركات وابوتريكه

والاهلى زى ما طلع كل النجوم الا فاتوا وزى ما بيطلع نجوم حاليين زى الساحر ابوتريكه وزى ما طلع متعب قادر ان شاء الله انه يطلع الافضل والاحسن

وعاوز اسئل حاجة انتوا ليه بتفضلوا لاعبكم المفضل عن الاهلى معلش اللى يفضل لاعب عن الاهلى مع احترامى له مش اهلاوى

لانك بتحب الاهلى من اجل الاهلى ومبادئه وتاريخه وانجازاته مش من اجل لاعب
لان كده معناه ان اما اللاعب يسيب الاهلى انت مش هتشجع الاهلى عفوا انت لا تستحق ان تكون اهلاوى او ان تنتمى للنادى الاهلى

وياريت لو انتوا اهلاوية بجد ما تنسوش شعار الراحل صالح سليم الاهلى فوق الجميع اطلقه صالح ليقول لكل الاهلاويه ضعوا مصلحة الاهلى فوق مصلحتكم حبوا بعض من اجل الاهلى تنافسوا تنافس شريف من اجل ان يكون الاهلى فى الامام والاهلى فوق الجميع مقصود بيه فوق مجلس الادارة والاعضاء واللاعبين والاداريين والمدربين والجماهير لابد ان نحافظ عن هذا الشعار الغالى الذى اطلقه الراحل صالح سليم ونعلم قيمته جداااااااااااااا

واخير الاهلى سوف يبقى كبير باذن الله ولن يقف على اى لاعب مهما كان اسمه وزى ما طلعناه وطلعنا اللى قبل منه هنطلع اللى بعد منه وانجازات الاهلى ومبادئه وقيمه واخلاقه سوف تستمر وتتواصل

واريد ان اقول لكم شى كلنا راحلون سواء جمهور لاعيبه او مدربين او اعضاء او مجلس ادارة مثلما رحل السابقون وسوف ياتوا ناس اخرون وسوف يظل الاهلى قويا شامخا باذن الله

وسيبقى الاهلى مدام في حياة على وجه الارض

الاهلى فوق الجميع

بصراحه بعد الكلام اللى انت قولتوا ده
مقدرش اقول ولا كلمه زياده

الاهلى فوق الجميع
وبس

مش هقول كلمه بعدك يا علام
و ياريت يا جماعه وعينا الكروي يزيد شوية

فعلا يا اكرم
ياريت الوعى الكروى يزيد شويه

وميرسيه على ردك

انا اتفرجت على الماتش وكان حلو اوى و محستش بعدم وجود عماد لانة لازم نشوف وجوة جديدة و الغلطان لازم يتعافب

ميرسي كتير عالتوبيك وانا معاكي في الكلام
وانا واحدة من الناس شوفت الماتش وقلت انه ناقص عماد كنت اقصد ان الماتش مهم واى لاعب يلعب مع الاهلي في الماتش ده يبقي حاجة كويسه جدا ليه بس اداء الاهلي كان حلوموت واسامة اثبت فعلا جوده والماتش بين واهب كتيره موجوده في النادي

you're right ya msgnounet met3b..el ahly is greater than any player

انا معاكو الاهلى فوق اى حد مع انى بموت فى متعيبوووووووووو
اسلام :D

آه...
كدة بأة أنا عرفت أنى مش أهلاوية..!!!!!!!!!

بصوا بأة أنا حقول رأيى و حسيبها على الله..
بصراحة ..أنا لما شوفت الماتش لا الماتش و لا الأهلى زى ما قلت قبل كدة كان له أى طعم من غير عماد متعب..
و بصراحة أكتر أنا حبيت الأهلى علشان عماد متعب..
يعنى بصرااااااحة شديدة ..عماد متعب هو سبب حبى للأهلى مش العكس..
..
و أنتم ما شاء الله كلكم مشرفين و مراقبين و سلطاتكم واسعة أوى أوى فى المنتدى
عايزين تشيلونى شيلونى ..بس أنا هأولها
" يا عماد متعب فى الأهلى ..يا لأ للأهلى "
..
و على فكرة بأة هو ده برضه مش منتدى محبى و عشاق عماد متعب
يعنى مش الأهلى..لأن فى منتديات كتيرة أوى للنادى الأهلى و ساعتها ممكن أفهم ليه كل ما أى حد يتعاطف مع متعب.. ..ينبدأ بأة كلام الأهلى فوق الجميع و نادى الأخلاق و القيم....

و الله عارفين و الله متأكدين ..بس أكيد فى ناس بتحب عماد و مؤمنة بعماد متعب سواء كان عماد فى الأهلى أو لأ و سواء الشخص ده كان هونفسه أهلاوى أو لأ...
و أظن المنتدى هنا من حقهم أكتر جدااااا من الناس اللى الأهلى عندها فوق الجميع ..لأن الناس دى ممكن يكون منتدياتهم منتديات خاصةبالنادى الأهلى..
لكن ده منتدى عماد متعب...اللاعب و الانسان ..
و" عماد متعب هنا ...فوق الجميع" ....

و الا بأة قولوا لي لو عماد متعب مثلا احترف..ايه ..ناويين تقفلوا المنتدى بتاعه و لا ايه..مهو علا كلامكم ..مبقاش أهلاوى..
و لا و هو بيلعب فى نادى انجليزى ..حيبقى الأهلى فوقه برضه..!!!!!!!!!!

وعلى العموم أنا بشكركم..و اعملوا اللى انتم عايزنه فى عضويتى معاكم.....

FreeSoul كتب:آه...
كدة بأة أنا عرفت أنى مش أهلاوية..!!!!!!!!!

بصوا بأة أنا حقول رأيى و حسيبها على الله..
بصراحة ..أنا لما شوفت الماتش لا الماتش و لا الأهلى زى ما قلت قبل كدة كان له أى طعم من غير عماد متعب..
و بصراحة أكتر أنا حبيت الأهلى علشان عماد متعب..
يعنى بصرااااااحة شديدة ..عماد متعب هو سبب حبى للأهلى مش العكس..
..
و أنتم ما شاء الله كلكم مشرفين و مراقبين و سلطاتكم واسعة أوى أوى فى المنتدى
عايزين تشيلونى شيلونى ..بس أنا هأولها
" يا عماد متعب فى الأهلى ..يا لأ للأهلى "
..
و على فكرة بأة هو ده برضه مش منتدى محبى و عشاق عماد متعب
يعنى مش الأهلى..لأن فى منتديات كتيرة أوى للنادى الأهلى و ساعتها ممكن أفهم ليه كل ما أى حد يتعاطف مع متعب.. ..ينبدأ بأة كلام الأهلى فوق الجميع و نادى الأخلاق و القيم....

و الله عارفين و الله متأكدين ..بس أكيد فى ناس بتحب عماد و مؤمنة بعماد متعب سواء كان عماد فى الأهلى أو لأ و سواء الشخص ده كان هونفسه أهلاوى أو لأ...
و أظن المنتدى هنا من حقهم أكتر جدااااا من الناس اللى الأهلى عندها فوق الجميع ..لأن الناس دى ممكن يكون منتدياتهم منتديات خاصةبالنادى الأهلى..
لكن ده منتدى عماد متعب...اللاعب و الانسان ..
و" عماد متعب هنا ...فوق الجميع" ....

و الا بأة قولوا لي لو عماد متعب مثلا احترف..ايه ..ناويين تقفلوا المنتدى بتاعه و لا ايه..مهو علا كلامكم ..مبقاش أهلاوى..
و لا و هو بيلعب فى نادى انجليزى ..حيبقى الأهلى فوقه برضه..!!!!!!!!!!

وعلى العموم أنا بشكركم..و اعملوا اللى انتم عايزنه فى عضويتى معاكم.....

ده رأيك وانتى حره فيه
وانتى اعترفتى انك مش اهلاويه
يعنى بقى لما حد يسالك متقوليش انك اهلاويه قولى انك متعوباتيه
لانك لا اهلاويه ولا منتميه للاهلى
ولا طبعا احنا مقولناش ان المنتدى هيتقفل لو عماد احترف
انا كلامى واضح انا قولت يعنى لو عماد احترف مش هتشجعوا الاهلى
واسمحيلى يعنى هو مين اللى خلى متعب معروف ومشهور مش الاهلى
ومين اللى فضله على متعب كبيييييير مش الاهلى
وهو قال كده بلسانه مليووووووون مره
وعلى فكره معتقدش ان متعب هيتبسط لما يلاقى اهلاويه بيحبوه اكتر من الاهلى لانه هو كمان بيحب الاهلى جدااااااااااااااااااااااا
وبردو الاهلى فوووووووووووق الجميع
والاهلى كبير


وميرسيه على باقى ردودكم يا جماعه

معاكي حق يا رضوي و كلامك تمااااااااااااام
بصراحة الماتش كان جميل جدااااااا و اللعيبة عملوا الي عليهم
و لو كان برضه متعب موجود اداء اللعيبة هيكون كدا برضه
و مرسي يا رضوى على احترامك

ميرسيه على ردك المحترم يا ميران

عماد هو اللى خسر انه يلعب في الماتش لانه كان هيضيف ليه
والاهلى فوق الجميييييييييييييييع

ميرسيييييه على ردك المحترم والجميل جدااااااا

فعلا عماد هو اللى خسر مش الاهلى