و بعدين معاك يا جوزيه

مرسى اوى على روحك الطيبه دى وبجد عندك حق احنا لازم نقف جنبه من خلال التشجيع النار فى المباراه الجايه وان احنا نطالب بتخفيف الضغط على عماد يمكن جوزيه عمل كده علشان هو جد شويه ولا يفرق بين اى حد فى الفريق واللى يغلط يتعاقب بس برده المفروض تكون العقوبه معقوله مش وقف من المباراتين القادمتين وكمان غرامه ماليه بصراحه ده كتير اوى ومحدش يقدر يستحمل كده

أولا شكرا على الموضوع ..بس انا شايفة و متقولوش على متشائمة ان مش حيفيد المحاولات مع جوزيه..
ده طلع شخصية غريبة جدااااااااا و مبقتش أفهمه خالص
أصل نحنن قلب جوزيه على متعب ازاى ...احنا مش لازم نشحت منه الحق ..عماد مغلطش..مغلطش يا ناس يا هو..ايه الظلم ده...جوزيه لازم يعترف بخطأه و يرجع عماد قبل ما بجد عماد يكرهه و ساعتها خلاص حتبقى نقطة اللا عودة بينه و بين جوزيه..
فاكرين أحمد حسام عمل ايه فى الامم الافريقية..و عادى الموضوع عدا و هو و كابتن حسن شحاته اتصلحوا و كان ساعتها فعلا يستاهل أحمد حسام انه يتعاقب و ملعبش الماتش اللى بعده و لكن لا أتوقف و لا خلوه يتمرن لوحده كدة..و دى بصراحة حركة سخيفة جدا..يعنى ايه يتدرب لوحده..
و لا يتسببوا فى هياج فى النادى كله و للمشجعين و للبيحبوا عماد متعب و القلق ده كله..
عماد مختفى
عماد بيدرب لوحده
لأعماد مرضيش يتدرب لوحده
ايييييه الأزمة اللى عملها الجهاز الفنى ده و على ايه ..على لاعب عبر عن رايه مع نفسه من غير حتى ميوجه نظرة عين لجوزيه مش زى اللى حصل مع كابتن حسن شحاته و برضه ده مدرب كبير أوى و انجازاته زى جوزيه ..
عماد و بيتكلم مع نفسه..يعنى هم عايزين يفهمونى ان عماد مش ممكن يدخل أوضة تغيير الملابس و يزعق مع نفسه و لا و هو بيركب عربيته و مروح يصرخ ..و لا كانوا حيعاقبوه انه بيصرخ كمان مع نفسه ..
ايه الهياج اللى عمله جوزيه و المسئولين على عماد ده....ايه الخنقة دى...
و الله مانا متكلمة فى الموضوع ده تانى ..انا نفسى دخت و اتخنقت...

متعب مش هايسافر يا جماعه تونس اخر كلمه قالها البدري ان مانويل قاله ماتكلمنيش في الموضوع ده تاني الا لما نرجع من تونس علشان كده انا كاتبه الموضوع ده علشان نخليه علي الاقل يرضي انه يسافر معاهم تونس حتي لو ماشاركش في الماتش
و ميرسي علي ردودكم

و حكاية اللافتات دي مش معناها اناا ضد الاهلي بالعكس احنا مش هانعمل لافتات نقول فيها اننا ضد العقاب او ضد الاهلي بالعكس احنا هانعمل لافتات نقول بنحبك يا متعب مهما حصل او هاتفضل احسن مهاجم او منتظرين عودتك او نفسنا نشوفك في تونس ....كده يعني لكن بالعكس انا بحترم قوي قرار الاهلي لانه قلعه طول عمره بتهتم بالقيم والمبادئ و علشان احنا شايفين ان متعب ماعملش الغلط اللي يستاهل عليه كل ده عاوزين نشجعه ونرفع روحه المعنويه لانه بشهاده الكل خلوق ومهذب ومحترم وخجول كمان وده راي الكل بما فيهم البدري وابوتريكه والنقاد كلهم
و شكرا ليكم

FreeSoul كتب:أولا شكرا على الموضوع ..بس انا شايفة و متقولوش على متشائمة ان مش حيفيد المحاولات مع جوزيه..
ده طلع شخصية غريبة جدااااااااا و مبقتش أفهمه خالص
أصل نحنن قلب جوزيه على متعب ازاى ...احنا مش لازم نشحت منه الحق ..عماد مغلطش..مغلطش يا ناس يا هو..ايه الظلم ده...جوزيه لازم يعترف بخطأه و يرجع عماد قبل ما بجد عماد يكرهه و ساعتها خلاص حتبقى نقطة اللا عودة بينه و بين جوزيه..
فاكرين أحمد حسام عمل ايه فى الامم الافريقية..و عادى الموضوع عدا و هو و كابتن حسن شحاته اتصلحوا و كان ساعتها فعلا يستاهل أحمد حسام انه يتعاقب و ملعبش الماتش اللى بعده و لكن لا أتوقف و لا خلوه يتمرن لوحده كدة..و دى بصراحة حركة سخيفة جدا..يعنى ايه يتدرب لوحده..
و لا يتسببوا فى هياج فى النادى كله و للمشجعين و للبيحبوا عماد متعب و القلق ده كله..
عماد مختفى
عماد بيدرب لوحده
لأعماد مرضيش يتدرب لوحده
ايييييه الأزمة اللى عملها الجهاز الفنى ده و على ايه ..على لاعب عبر عن رايه مع نفسه من غير حتى ميوجه نظرة عين لجوزيه مش زى اللى حصل مع كابتن حسن شحاته و برضه ده مدرب كبير أوى و انجازاته زى جوزيه ..
عماد و بيتكلم مع نفسه..يعنى هم عايزين يفهمونى ان عماد مش ممكن يدخل أوضة تغيير الملابس و يزعق مع نفسه و لا و هو بيركب عربيته و مروح يصرخ ..و لا كانوا حيعاقبوه انه بيصرخ كمان مع نفسه ..
ايه الهياج اللى عمله جوزيه و المسئولين على عماد ده....ايه الخنقة دى...
و الله مانا متكلمة فى الموضوع ده تانى ..انا نفسى دخت و اتخنقت...

انا بصراحة مكنتش عاوز ارد على موضوعك لان كلامك بصراحة غير منطقى ونفسى افهم انت ليه مش عاوز تعترف ان متعب غلطان وان العقوبه الا اتوقعت عليه سليمة مائة فى المائة وكمان هو متعب مغلطش والاهلى موقع عليه عقوبه كده من مزاجه لازم تعرف ان الاهلى ما بيظلمش حد

اما بخصوص جوزيه فهو مدرب كبير جدا ومحترم ومحقق انجازات كبيرة جدا

اما بخصوص موقف ميدو وحسن شحاته عاوز اقولك ان خناقتهم حصلت على المركز الاول بدون استثناء كاسوء حدث فى 2006 وهل هذا يعجبك وبخصوص العقوبه

معلش الاهلى مش زى اى حد الاهلى احسن من اى حد حتى لو كان اتحاد الكرة نفسه لان الاهلى عنده المبادى والقيم والاخلاق اهم من اى لاعب مهما كان اسم لاعب

ودليل صغير قرار ادارة الاهلى بلعب مباراة دور قبل النهائى امام الزمالك وحرمان اللاعبين الكبار من لعب هذه المباراة تعرف مين اللاعبين دول الخطيب ومصطفى عبده ومجدى عبد الغنى وطاهر ابوزيد وجماهير الاهلى راحت الاستاد وشجعت ومقلتش نعمل انقلاب او حاجة لان هى دى الجماهير الوفية وهى عارفه ان الاهلى ما بيحبش حد يتدخل فى قراراته

ياريت تفهم ان الاهلى نادى مبادى وقيم واخلاق وعمر ما هيجزا او يتنازل عن مبادئه من اجل لاعب

انا معاكى متعب مؤدب ومحترم وكويس ولكن غلط والمفروض انه يتعاقب ولا متعب ما غلطش انتوا ردوا عليا متعب غلط ولا مغلطش اما العقوبه دى تقديريه من جوزيه والجهاز الفنى

أولا انا أحب اعترف بحاجة انى انا كنت مفروسة و مغمومة أوى لما كتبت أى حاجة النهاردة فى المنتدى لأنى كنت زعلانة جداااو لسة حزينة أوى على اللى حصل مع كابتن عماد..
فأولا و الحق يقال أنا آسفة جداااا على أى كلام أو تعبيرات حادة- و بصراحة متخلفة منى أوى - اللى قلتها فى حق النادى الأهلى أو كابتن ايمانويل جوزيه اللى والله أنا بحترمه جدا و عارفة أنه مدرب ممتاز و عمل اللى محدش عمله فى مصر و كفاية الروح اللى بقت عند جماهير الأهلى بسبب النجاحات اللى هو عملها مع النادى..
فأنا مازلت عايزة أقول انه بالرغم من كل ده أنا لسة شايفة أن عماد متعب لم يخطىء و أنه أتعاقي بطريقة ظالمة جدا و زى ما فى مضوع هنا بيقول أن هناك صحفى قال :"
عقوبة عماد زى واحد كسر اشارة مرور فعاقبوه بسجن عشرين سنة أو أكتر"
أنا حستعير منه الجملة دى لأن فعلا هو ده اللى حصل مع كابتن عماد..
فأخيرا فعلا النادى الأهلى نادى كبير و نادى الأخلاق و القيم و المباىء و أكيد من اهم القيم دى هى :
العدالة و الرحمة
و ده للأسف اللى أنا محستهوش و مش قادرة أفهمه من قرار العقوبة اللى صدر من كابتن جوزيه و الجهاز الفنى..
و آسفة مرة تانية و شكرا جدا لك يا ahlawy afc
بس الله يسامحك ..شكلى كدة حضطر أصوم علشان انا حلفت انى متكلمش فى الموضوع ده تانى و ادينى أهه عمالة أدش فى الكلام و وجعت راسكم تانى برغيى و اللت و العجن بتاعى..لكن أمل ايه المنتدى هنا معرفش ليه بحب أفضفض فيه معاكم و نأسف للازعج كالعادة و السلام ختام ...