راي حسام البدري في متعب بعد العقوبة

حد فيكم يا جماعة سمع برنامج البيت بيتك انهارده
شوبير سال حسام البدري :ايه رايك في عقوبه متعب مش شايف انها شديده قوي يعني ؟
رد عليه البدري :لا مش شديده بس متعب لاعب مهذب جدا و العقوبه دي علشان هو لاعب كبير و علشان يبقي مثل لغيره وهو مش هيشارك ماتش بنفيكا وماتش الترجي كمان لانهم هيسافروا يوم 1 والعقوبه هاتنتهي يوم 3 فمش هايلحق يسافر
انا لخصت الحوار بس مش بالظبط بس ده معني الكلام اللي قاله البدري
يعني هم معترفين حتي بعد العقوبه ان متعب ومحترم واخلاق بس هو علشان كبير ونجم فلازم تكون العقوبه بمستوي النجم يعني غلطه الشاطر بالف
و انا سمعت كمان ان زملاؤه راحوا للبدري ولمانويل بيترجوهم تبقي العقوبه ماليه بس ويلغوا الايقاف علشان يلحق ماتش بنفيكا علشان مستواه مايتاثرش.و يارب يوفقهم ويقدروا يقنعوهم
و ربنا يوفق متعب ويرجعه لمستواه ويرجع متعب حبيبنا تاني للملاعب ويتالق اكتر واكتر
احب اسمع تعليقاتكم علي الموضوع.اوعوا تتاخروا.

يا جماعه العقوبه مش معناها ان متعب قليل الادب؟؟؟؟؟!!!!!!!!

هو غلط فعشان كده لازم يتعاقب بس هو ده كل الموضوع

مرسى على المتابعه
وطبعا كلنا عارفين ان عماد انسان محترم
ومحدش يقدر يقول حاجه غير كده
بس للاسف احيانا عصبيته بتتغلب عليه
وهو ده اللى حصل معاه ومحدش يقدر يقول انه مش غلط
وكان لازم فعلا يتعاقب علشان يكون مثل لاى حد تانى
واتمنى انه بعد المشكله دى
يتمالك اعصابه شويه عن كده

يارب اللاعيبه تقدر ترجع مستر مانويل وكابتن حسام البدري عن قرارهم وتبقى عقوبه ماليه بس ,,, أو حتى تبقى 5 أيام إيقاف ويلحق ماتش الترجي ,,,,,,,, يارب يارب يقدرو يعملو حاجه لمتعب ....ودا دليل قاطع لكل إلي بيقولو إن اللاعيبه والجهاز الفني مش بتحب متعب أهم اللاعيبه هما إلي رايحين يترجو حسام البدري عشان يخفف العقوبه فعلاً لاعيبه محترمه ومخلصه ...... وحسام البدري بيتكلم عن متعب بكل إحترام ..........


ومرسي جداً على الخبر ....... وربنا يوفقك يا متعب ويوفق اللاعيبه في إقناع الجهاز الفني

هو مش معنى ان متعب اخد العقوبة يبقى غير مهذب
لا متعب محترم ومهذب جداااا بس ممكن عملوا كدة علشان محدش يكرر نفس الغلطة

يا رب اللاعيبة يقدروا يقنعوا حسام البدرى ان العقوبة تبقى ماليه بس
عشان مستوى عماد ميتاثرش

ميرسى بس طبعا متعب مؤدب والعقوبة عشان هو غلط ومايعملش كدة تانى

متعب انسان محترم جدا وعلشان كده هو لما اتعاقب متكلمش ولا اعتراض زي لعيبه تانيه وده دليل علي انها نرفزه ملعب وبس

يا جماعه العقوبه خلاص حتتنفذ
بس يا رب يمسك اعصابه بقه ويركز وتكون اخر مره

ميرسي علي ردودكم يا جماعه

انت نفسك يا جميل اللى قلتيها
(غلطة الشاطر بألف)ويارب يرجع احسن من الاول

ميرسي لكل اللي ردوا علي موضوعي

ok no problem
semsem

والله العقوبة كبيرة يعني العقوبة المالية مقبولة وحرمانه من مباراة بنفيكا هضمناها لكن حرمانه من مباراة الترجي كمان ديه صعبة اوووووووووووووي ده غير انه مش هيتدرب خالص حتي مع الناشئين او لوحده يعني لو لاعب اخذ كرت احمر مش هيحصله اللي بيحصل لعماد
وبعدين ديه مش عقوبة واحده دول اربع عقوبات واهون واحدة العقوبة المالية واصعب واحدة انه مش هيتدرب خالص

ياجماعة عشان متعب نجم كبير كان لازم يتعاقب عشان ميعماش كده تانى ويتعصب

طبعا عماد انسان محترم
بس هو محتوط تحت ضغط كبير واي انسان في مكانة تحت الصغط مهما كانت اخلاقة تتميز بالهدوء والادب لازم يجيلو وقت وينفجر
ربنا معاك يامتعب وتعدي الازمة دية

met3b mo2adab geddan bas 3asaby shwaya w el 3asabeya betwady f da7ya..es2alony ana..fa el punishment lazem cuz howa 3'elet

والله متعب لاعب كبير ومحترم
بس العقوبه دى لازم علشان اى لاعب تانى يعمل الف حساب قبل ما يعمل اى تصرف
بس للاسف كلهم هيخلوا بالهم على حساب متعب

ربنا يوفقك يااااااااااااارب

خلاص يا جماعه إحنا ننسى الموضوع ده و إنشاء الله عماد يركز اول ما يرجع مع الفريق ويرجع أحسن من الأول كمان وكلنا طبعا عارفين إن متعب لاعب محترم ومؤدب بشهادة زمايله ومدربيه
وميرسى ليكى عالتغطيه