اللي بيحب متعب بجد

اصدقائي كلنا عارفين ان متعب غلط وانه يستحق العقاب بس انتوا عارفين كمان ان لولا الجمهور في المباراه لحظه خروج متعب و لولا تشجيعه كان متعب زود اكتر وده يدل علي حب الجمهور لمتعب وذكاؤه كمان انه بيعرف يمتص غضبه.فانا عندي اقتراح زي ما كلنا اتفقنا ان متعب غلطان ,نعمل حمله نساند فيها متعب و نشد من اذره علشان يقوم من جديد لانه لو الكل تخلوا عنه هايضيع و يفقد مستواه واحنا ما صدقنا انه يرجع تاني بعد الزمالك والاسماعيلي ولو سبناه هانقضي عليه لانه بيتاثر نفسيا جدا بعد العقاب او الفشل.اقفوا معايا في حمله لمسانده متعب علشان نثبت للكل ان جمهور الاهلي ذكي و بيحب لاعيبته حتي لو اخطاؤا بيقبلوا العقاب بس مابيتخلوش عن ولادهم.مش عاوزين نشمت حد فينا سواء انديه او اعلام وصحفيين.خلينا احنا جمهور ولاعيبه واهلاويه في بعض.احب اسمع ردودكم سريعا وياريت تقولولي رايكم وتساعدوني لشان نقف جنب واحد حبيناه وفرحنا كتير مش نستنا اول ما يقع ونعلقلوا المشانق.شكرا واسمع الرد.

فين الردود يا جماعه مستنياكم

أنا معاكي طبعا هو فعلا غلط و محدش يقدر يقول غير كدة بس مش معنى كدة نعلقله المشانق ونقول ابراهيم سعيد و مش عارف ايه هو خد عقاب و خلاص و كفايه انه مش هيشارك في ماتش بنفيكا

انا نفسى ان متعب يعرف اننا بنحبوا جدا لنه لاعيب وانسان جميل وان احنا عارفين انه عمل كدة علشان الظلم اللى بيعملوا فيه جوزية بس انا كان نفسى ان ميكونش فى عقوبة وانا لو مكان متعب حعمل اكتر من كدة

2na m3ak w kman hwa m7tag msandtna awy w kman el3kab et3ml ll2sla7 msh llt3geez w eltdye3 3kobt el2ykaf sawf tw2ther 3lyh salbyann ayh elhdaf mnha mkan ytdrab m3 elnshe2yen

انا معاكى فى ان احنا لازم نسانده ونقف جنبه بس بايدنا ايه نعمله

انا معاكي ياريت فعلا نعمل حملة علشان نساعد متعب في محنته وهو فعلا محتاج حد يهون عليه شوية وهو اساسا مش ناقص ربنا معاه وياريت ميزعلش وخلاص بقي يحاول ينسي علشان نفسيته متتعبش وياريت الحمله تتنفذ بسرعة وانا معاكي وميرسي اوووي علي الموضوع الجميل ده

ميرسي علي ردودكم وياريت مزيد من ردود باقي الاعضاء .و انا اقصد بالحمله اننا نشترك مع الرابطه و اللي فينا بيروح المبارايات يعمل لافتات تشجيع ليه وهو اكيد هايحضر المباراه بتاعت بنفيكا فعشان كده هايعرف اننا بنحبه ونسانده وياريت نشجعه اكتر واكتر.

عاوزه اشوف حملة تشجيع من نار لمسانده متعب يا جماعه مش عاوزين نخلق منه ابراهيم سعيد تاني زي ما المنتفعين بيقولوا عليه.

كلامك ميه ميه وانا اول واحده حقف فى الحمله ديه.

انا موافقة

i hope i could make some thing for met3eb with you but i live in USA but i can make do3a2 for him w insha2 alah rabna ykdor lh el7yr swa2 m3 elahly aw fe 2engltra

كلنا مع بعض بس الصراحة العقوبة مبالغ فيها بجد

معاكى حق هو فعلا غلط بس احنا لازم نسانده ونبين له ان احنا بنحبه مهما حصل

هو أكيد غلط وكان لازم يتعاقب بس بجد العقوبة جامدة وكده مش هيلعب ماتش بنفيكا وكان ممكن يجيله عروض أحسن من اللى عنده عشان بنفيكا معروف عالميا وله شعبية جامدة وهو ضيع كل ده من إيده بعصبيته يارب يرجع زى الأول ونفسى أشوفه فى الإستاد بيشجع زمايله ويتقبل الغرامة بهدوء وبعدها يرجع أقوى من الأول وأحسن وطبعا عشان ده يحصل إحنا لازم نقف جنبه وياريت يكون فيه طريقة نعرفه بيها إننا بنحبه وهنفضل جنبه لغاية مايرجع أحسن من الأول هو ممكن نعمل زى المرة اللى فاتت ونبعتله إيميلات بس المشكلة أنه موقوف يعنى مش هيروح النادى ومفيش حد هيشوفوا شوفوا هتعملوا إيه وأنا معاكوا بكل تأكيد

انا شايف انها عقوبة نوعا ما عادله
بس المفروض كان ينزل و يتمرن مع التاشئين ايش معنه عاشور و حسن

متعب خسارة فيه التعب

انا معاكو يا جماعه فى المسانده
و فعلا العقوبه مبالغ فيها شويه
بس نقول ايه ؟ربنا معاه
و كان المفروض فعلا انو يتدرب مع الناشئين
و ميرسى ليكى بجد على الموضوع

ممكن اسئلك سؤال احنا هنساند متعب ضد مين ضد الاهلى صاحب القرار ولا ضد مانويل جوزيه ولا ضد مين بالظبط ومتعب مش محتاج مساندة لانه اخطا ويستحق العقاب يبقا ازاى هنسانده وضح اكتر

يا جماعة انا معاكوا فى الحملة دى وانا من رايى ان احنا نبعت رسالة لجريدة الاهلى ونكتب فيها اللى احنا عوزينة ونقف جنبة اية رايكم
مستنية ردودكم
لولو المتعبة

انا كمان موافقه
لازم كلنا نقف جنب متعب ونعرفه هو غلط قد ايه فى حق الاهلى وفى حق نفسه
وكمان لازم نخرجه من اللى هو فيه علشان يرجع متعب اللى احنا عرفناه وحبناه.
وياريت حد من الادارة يتكلم معانا ونشوف احنا هنساند عماد ونعرفه غلطه ازاى؟

the best idea
i think he needs this now..he must know how much we love him

the best idea..i think he needs it..he must know how much we love him w 3omrena ma 7anet5ala 3ano