البدرى: سنعاقب عماد متعب

أكد الكابتن حسام البدري المدرب العام و القائم بأعمال مدير الكرة لمراسل AhlyNews.com أن ما بدر من عماد متعب بعد تغييره في مباراة الترجي الأخيرة لن يمر مرور الكرام.
قال البدري في تصريحات خاصة لـAhlyNews.com :"أثناء المباراة ينصب تركيزنا بالكامل على المباراة نفسها و لا نلتفت للأمور الأخرى، لكن لا شك أننا سنشاهد شريط المباراة مرة أخرى لنرى حجم التجاوز الذي حدث من عماد متعب في تلك المباراة"
و أضاف البدري :"في حالة أن يثبت أن عماد قد أخطأ فلا شك أنه سينال العقوبة المناسبة دون أي تردد، مثله مثل أي لاعب آخر ينال عقوبة حين يخطئ"
و كان عماد متعب قد تعرض لعقوبة أيضاً من قبل الجهاز الفني بعد مباراة الهلال السوداني حينما اعتدى على لاعب الهلال السوداني أثناء المباراة بعد كرة مشتركة عنيفة في لقطة لم يشاهدها حكم اللقاء رغم أنها كان الممكن أن تعرضه للطرد.

شكرا على الموضوع
و الله شىء متوقع لو متعب غلط فعلا و كل حاجة هتتعرف على اساس العقوبة اللى هتتفرض عليه

و الله مش عارفة اقول ايه ..... كل لما متعب تحصله حاجة كويسة و مستواه يبقى حلو ييجى هو اللى يبوظ كده

شكرا على الخبر
بس انا مش عارف نصدق مين الاهلي نيوز و لا الجمهوريه
عموما ربنا يهديه و يكرمه

ياريت يكتفوا بانذاره بس لان متعب بجد كان مشدود قوي لان اولا كان بيضرب كتير والحكم بيفوت وكان بيحاول يجيب اجوال و طلع بدري عشان كده كان متنرفز لانه ما صدق فك النحس في ماتش الزمالك وبعدها النحس مسك فيه تاني اتصاب قبل ماتش اسيك ومالعبش والترجي ماجابش اجوال يبقي من حقه كانسان انه يبقي مشدود لما يتغير و المفروض ان الجهاز هو اول واحد يعرف كده ولازم يقف جنبه مش يعاقبه حتي في صحفي في النيل للرياضه قال ان متعب من حقه يتعصب ودي نرفزه ملعب عاديه ممكن يتعرضلها اي لاعب يبقي مش من حقه يتعاقب.علي العموم هو لازم يمسك اعصابه بردو وربنا يوفقه ويكرمه ويعلي مستواه زي زمان واحسن لانه يستاهل كل خير ومجتهد جدا.

يا جماعة اعتقد ان موقع الاهلى نيوز لن ينشر الاخبار الا عندما يتحققوا من مدى صحتها
وشكرا ليكى على الخبر وان شاء الله تكون العقوبة بسيطة

اقصد كان بيتضرب و الحكم بيفوت مش بيضرب و كان معرض لاصابات كتير زي الضربه اللي اخدها في دماغه وكلنا قلقنا عليه و الضربه اللي في رجله وغيرها كتير.ربنا يحميه.

طيب ماهو بردو مفيش جديد اكيد يعنى لو غلط هيعاقبوه
بس ربنا يستر و شكرا للمتابعة

حرام واللة لو عاقبوة ما هما السبب عمرهم ما بيدولو فرصة فى اية

شكرا على المتابعة

وربنا يهديه ويحاول يمسك اعصابه بعد كده

شكرا واتمنى ان متعب ما يكررش الغلط ده مره تانية ويعتذر للجهاز الفنى ولكن لابد من توقيع عقوبه عليه عشان ما بعملش كده تانى وعشان محدش يفكر يعمل كده تانى

والنجم نجم مش بعبه فقط لا باحترام المدرب وقراراته

يا جماعة انا زعلانة جدا من الكابتن عماد لانه كابتن كبير والمفروض ما يحصلشى منه الى حصل فى ماتش الترجى تعرفوا انا افتكرت ساعتها احمد حسام ميدو لما طلع زعلان من الكابتن حسن شحاتة متعب المفروض يدخل الموقع ويقول لنا حصل منه دا ليه؟

مرسي كتير على الخبر وربنا بيستر

ميرسى على الخبر

ميرسى عالخبر
بس هما مايحكوموش من شريط المباراة بس المفروض يسألوا امير عبد الحميد وإيهاب على أيه اللى حصل لأنهم بيتهيألى أكتر ناس عارفه متعب قال أيه و ياااااااااارب مايكونش قاصد انه يزعق لجوزيه أو حسام البدرى وكان قاصد لعيبة الترجى أو الحكم

مرسي كتير على الخبر وربنا بيستر

مرسي ليك و ربنا يوفقه ويهديه ان شاء الله

انا اريت انهاردة نفس الكلام لكابتن حسام
وفى الاول والاخر الجهاز الفنى هو اللى هيقرر

ربنا يستر والموضوع يعدى على خير وياريت لو حد عرف حاجة أكيدة يقولنا يارب تكون شفوية بس وربنا يستر ومايتوقفش

لسه مش متأكدين
بس الى يهمنه ان هو يحصل على ما يستحقه سوااء كان ما يستحقه الانذار او العقاب

ميرسى اوى على الخبر
متعب لو غلط يتعاقب طبعا ودى حاجه مفروغ منها
بس اتمنى ان يكون العقاب بسيط عليه لانه كان باين انه مش متضايق ولا بيزعق على التغير
والله اعلم طبعا
ولازم طبعا يسالو كل من شاهد الحدث كشاهد عيان
وربنا يستر