أثناء محاولات البحث عن معرفة ماذا حدث بالأمس بالتحديد في بورسعيد عقب انتهاء المباراة التي انتهت بين الأهلي والمصري والأحداث الدامية التي تلت المباراة، وجدنا أحد أفراد الأولتراس على موقع التواصل الإجتماعي تويتر يروي ما حدث، حيث أنه كان في قلب الحدث أمس.
وقام ذلك الشخص - الذي نحفتظ باسمه - برواية ما حدث في ستاد الموت أمس بداية من بداية رحلة الأولتراس من القاهرة في القطار مرورا بمحافظة الإسماعيلية وخلال الشوط الأول في اللقاء وأحداث ما بعد المباراة.
ونترككم مع ما تم ذكره عن أحدث الأمس، ولكن عندما تقوموا بقراءة " التويتات " رجاء أن تقرأوها من أسفل الصورة لأعلى، ونسألكم قراءة الفاتحة في النهاية لجميع الشهداء والدعاء لهم.
- من اول اليوم بنهدي الناس واحنا عارفين ان هايحصل مشكلة وبنقول اننا عاملين بيان والفترة دي مش مستحملة وتوجيهات من الكبار للصغيرين بالهدوء
- اتضرب علي قطرنا طوب في الاسماعيلية واحنا متعودين علي كدة ودة العادي ان القطر او الاتوبيس يتهاجم في سكتنا من جمهور محافظة تانية والقطر اتكسر
- نزلنا من القطر في "الكاب" قبل بورسعيد علشان نركب اتوبيسات ندخل بيها البلد علشان معروف ان جمهور بورسعيد عامل كامين عند المحطة
- ركبنا الاتوبيسات ودخلنا بورسعيد من ناحية الاتوبيسات والطوب ع الاتوبيسات طول السكة لحد الاستاد ودة برضوا عادي وبيحصل علي طول ف كل ماتش ترحال
- سمعنا واحنا داخلين الاستاد ان جمهور المصري هاجم اتوبيس لاعيبة الاهلي واصاب سيد معوض بالالعاب النارية
- في خلال الشوط الاول هتافات عدائية من الطرفين كالعادة وبعدها تراشق من الجانبين بالالعاب النارية
- بقينا نشوف اقتحامات للملعب من جمهور المصري بسهولة جدا من جوانب كتير للعب زادت بعد الشوط الاول وجت عند جمهور الاهلي وضربوا علينا صواريخ
- اكتفت الشرطة انها بعدتهم بعيد بدون القبض علي اي حد من اللي ضرب الصواريخ علي جمهور الاهلي
- الصواريخ علينا فضلت مستمرة طول الشوط الثاني وعمالين كل شوية ينزلوا يحتفلوا بالاجوال بسهولة جدا في وجود الشرطة ومفيش اي تدخل
- اول ما الحكم صفر هجوم علي الملعب بطريقة غريبة في اتجاهين واحد ناحية اللعيبة يضربوهم والثاني ناحية جهمور الاهلي في المدرج
- في اللحظة دي انوار الاستاد اتطفت علينا كلها والاستاد اتحول لضلمة في الملعب ووقتها كان في صفين بس كردون امني بطول مدرج الاهلي
- فجأة الكردون الامني اللي بيحمي الجمهور الاهلاوي اتفتح مرة واحدة لجمهور المصري علشان يطلعوا المدرج علي جمهور الاهلي
- دخلوا من البوابات بتاعت المدرج اللي من تحت وكانت مفتوحة وطلعوا بسهولة جدا للمدرج باعداد كبيرة مش اقل من ٢٠٠٠ ل ٣٠٠٠
- بقينا متفاجئين ان الشرطة سايباهم بالسهولة دي .. وانهم طالعين لنا بالعدد الكبير دة .. في العادي بيكون شتيمة وشماريخ وطوب وبس شغل كورة بس
- لقينا الناس اللي طالعالنا دي متسلحين بشوم واسلحة بيضا وطوب ازاز وشماريخ وكل انواع الاسلحة اللي ممكن يتضرب بيها في اكتر من شغب كورة
- لما جمهورنا شاف العدد دة عرفنا اننا مش هانقدر نتصدي لكل دة فجرينا علي الممرات اللي تطلع علي المخارج للبوابات الخارجية للاستاد
- المفروض ان الممرات دي بتبقي مفتوحة علشان طلوعنا م الاستاد لقيناها مقفولة واللي كان مسئول عن تأمينها افراد من الجيش من برة
- الجزء اللي ما بين بوابات الممرات دي وبواباتها المقفولة في اخرها في مساحة تانية بينها وبين بوابات الخروج الرئيسية الكبيرة زي استاد القاهرة
- المساحة دي كان فيها افراد من الجيش واحنا مقفول علينا ومش قادرين نهرب حتي منها ..
- فاتزنقنا في الممر وبقينا بين خيارين الموت من ورانا والبوابات مقفولة وحتي لو خرجنا كان في اهالي برة مستنينا علي البوابات الرئيسية
- ٩٠ ٪ من جمهور الاهلي اتزنق في الممر دة اللي عرضه ٦ متر ونازل بعمق سلم طوله ١٠ متر .. الجمهور كان طبقات مزنوقة فوق بعضها مفيش مخرج غير دة
- ومن ورانا جمهور المصري بيضرب في كل اللي اللي بيلاقيه حتي الواقعين علي الارض كل دة بعرض المدرج بتاعنا
- الضرب ماكانش ضرب وبس كان ضرب وسرقه وخصوصا تيشيرت المجموعة والموبيلات والفلوس واي هدوم لابسها الشباب والناس في الممر بتزيد
- مش كل الناس نزلت تحت في ناس حاولت تطلع علي حرف السور وتهرب منه وكتير من الناس دي وقعت من فوق اما بسبب زقهم او التدافع او الخوف
- الوضع في الممر ان الناس كلها مزنوقة في الممر ومتكتفه وعبارة عن طبقات محخشورة في بعض ومخنوقة في الممر الضيق دة
- باب الممر وقع من التدافع وجمهورنا ابتدوا يخرجوا وتدافع شديد ودهس في مجموعة راحت علي اوضة اللبس بتاعت اللعيبة وشوفت راجل عجوز ميت قدامي
- ابتدي الجمهور ينقذوا بعض لان ماكانش في اسعاف وبنطلع الناس برة واللعيبة ابتدت تخرج واستمرت عملة تسليك الناس دي حوالي ساعة
- الارض كانت عبارة عن جزم وشنط وعصيان وتيشرتات والسقف الفايبر للممر دة اتكسر ووقع
- التدخل بتاع الامن المركزي ابتدي بعد تلت ساعة من بداية الاحداث اصلا بعد ما الناس كانت ماتت م التدافع والخنقة وبعد ما جمهور المصري ابتدي يهرب
- الجيش ابتدي بعد كل دة يضرب نار في الهوا من برة علشان يمش جمهور المصري اللي كان مستني جمهور الاهلي برة
- الاصابات معظمها كسور وجروح من الطوب والازاز وحروق من الشماريخ وحالات اختناق كتير اكثرها وفيات
- كانت جماهير المصري بتقلب المصابين واللي بيتمسك وبتاخد فلوسهم وساعاتهم وموبايلاتهم ومعظم اللي راجعين راجعين القاهرة من غير حاجتهم اصلا
- اللي حصل النهاردة يا مدبر انه يحصل .. ياتم تسهيله .. مفيش حل ثالث واللي حصل دة فوق مستوي شغب الكورة العادي اللي مشجعين الكورة عارفينه
- اللي شوفته النهاردة افظع من اللي شوفته في محمد محمود .. حصل كل حاجة اصلا فوق ما حد يتخيل
- واحنا راجعين في القطر كل الناس كانت بتؤكد ان اللي بيحصل دة مدبر وكان السليم بيهتف في كل محطة ضد الشرطة
- وفي ضابط قال لواحد فينا انتوا عايزنا نحميكوا ومش انتوا بتضربونا اشربوا بقة
وقام ذلك الشخص - الذي نحفتظ باسمه - برواية ما حدث في ستاد الموت أمس بداية من بداية رحلة الأولتراس من القاهرة في القطار مرورا بمحافظة الإسماعيلية وخلال الشوط الأول في اللقاء وأحداث ما بعد المباراة.
ونترككم مع ما تم ذكره عن أحدث الأمس، ولكن عندما تقوموا بقراءة " التويتات " رجاء أن تقرأوها من أسفل الصورة لأعلى، ونسألكم قراءة الفاتحة في النهاية لجميع الشهداء والدعاء لهم.
- من اول اليوم بنهدي الناس واحنا عارفين ان هايحصل مشكلة وبنقول اننا عاملين بيان والفترة دي مش مستحملة وتوجيهات من الكبار للصغيرين بالهدوء
- اتضرب علي قطرنا طوب في الاسماعيلية واحنا متعودين علي كدة ودة العادي ان القطر او الاتوبيس يتهاجم في سكتنا من جمهور محافظة تانية والقطر اتكسر
- نزلنا من القطر في "الكاب" قبل بورسعيد علشان نركب اتوبيسات ندخل بيها البلد علشان معروف ان جمهور بورسعيد عامل كامين عند المحطة
- ركبنا الاتوبيسات ودخلنا بورسعيد من ناحية الاتوبيسات والطوب ع الاتوبيسات طول السكة لحد الاستاد ودة برضوا عادي وبيحصل علي طول ف كل ماتش ترحال
- سمعنا واحنا داخلين الاستاد ان جمهور المصري هاجم اتوبيس لاعيبة الاهلي واصاب سيد معوض بالالعاب النارية
- في خلال الشوط الاول هتافات عدائية من الطرفين كالعادة وبعدها تراشق من الجانبين بالالعاب النارية
- بقينا نشوف اقتحامات للملعب من جمهور المصري بسهولة جدا من جوانب كتير للعب زادت بعد الشوط الاول وجت عند جمهور الاهلي وضربوا علينا صواريخ
- اكتفت الشرطة انها بعدتهم بعيد بدون القبض علي اي حد من اللي ضرب الصواريخ علي جمهور الاهلي
- الصواريخ علينا فضلت مستمرة طول الشوط الثاني وعمالين كل شوية ينزلوا يحتفلوا بالاجوال بسهولة جدا في وجود الشرطة ومفيش اي تدخل
- اول ما الحكم صفر هجوم علي الملعب بطريقة غريبة في اتجاهين واحد ناحية اللعيبة يضربوهم والثاني ناحية جهمور الاهلي في المدرج
- في اللحظة دي انوار الاستاد اتطفت علينا كلها والاستاد اتحول لضلمة في الملعب ووقتها كان في صفين بس كردون امني بطول مدرج الاهلي
- فجأة الكردون الامني اللي بيحمي الجمهور الاهلاوي اتفتح مرة واحدة لجمهور المصري علشان يطلعوا المدرج علي جمهور الاهلي
- دخلوا من البوابات بتاعت المدرج اللي من تحت وكانت مفتوحة وطلعوا بسهولة جدا للمدرج باعداد كبيرة مش اقل من ٢٠٠٠ ل ٣٠٠٠
- بقينا متفاجئين ان الشرطة سايباهم بالسهولة دي .. وانهم طالعين لنا بالعدد الكبير دة .. في العادي بيكون شتيمة وشماريخ وطوب وبس شغل كورة بس
- لقينا الناس اللي طالعالنا دي متسلحين بشوم واسلحة بيضا وطوب ازاز وشماريخ وكل انواع الاسلحة اللي ممكن يتضرب بيها في اكتر من شغب كورة
- لما جمهورنا شاف العدد دة عرفنا اننا مش هانقدر نتصدي لكل دة فجرينا علي الممرات اللي تطلع علي المخارج للبوابات الخارجية للاستاد
- المفروض ان الممرات دي بتبقي مفتوحة علشان طلوعنا م الاستاد لقيناها مقفولة واللي كان مسئول عن تأمينها افراد من الجيش من برة
- الجزء اللي ما بين بوابات الممرات دي وبواباتها المقفولة في اخرها في مساحة تانية بينها وبين بوابات الخروج الرئيسية الكبيرة زي استاد القاهرة
- المساحة دي كان فيها افراد من الجيش واحنا مقفول علينا ومش قادرين نهرب حتي منها ..
- فاتزنقنا في الممر وبقينا بين خيارين الموت من ورانا والبوابات مقفولة وحتي لو خرجنا كان في اهالي برة مستنينا علي البوابات الرئيسية
- ٩٠ ٪ من جمهور الاهلي اتزنق في الممر دة اللي عرضه ٦ متر ونازل بعمق سلم طوله ١٠ متر .. الجمهور كان طبقات مزنوقة فوق بعضها مفيش مخرج غير دة
- ومن ورانا جمهور المصري بيضرب في كل اللي اللي بيلاقيه حتي الواقعين علي الارض كل دة بعرض المدرج بتاعنا
- الضرب ماكانش ضرب وبس كان ضرب وسرقه وخصوصا تيشيرت المجموعة والموبيلات والفلوس واي هدوم لابسها الشباب والناس في الممر بتزيد
- مش كل الناس نزلت تحت في ناس حاولت تطلع علي حرف السور وتهرب منه وكتير من الناس دي وقعت من فوق اما بسبب زقهم او التدافع او الخوف
- الوضع في الممر ان الناس كلها مزنوقة في الممر ومتكتفه وعبارة عن طبقات محخشورة في بعض ومخنوقة في الممر الضيق دة
- باب الممر وقع من التدافع وجمهورنا ابتدوا يخرجوا وتدافع شديد ودهس في مجموعة راحت علي اوضة اللبس بتاعت اللعيبة وشوفت راجل عجوز ميت قدامي
- ابتدي الجمهور ينقذوا بعض لان ماكانش في اسعاف وبنطلع الناس برة واللعيبة ابتدت تخرج واستمرت عملة تسليك الناس دي حوالي ساعة
- الارض كانت عبارة عن جزم وشنط وعصيان وتيشرتات والسقف الفايبر للممر دة اتكسر ووقع
- التدخل بتاع الامن المركزي ابتدي بعد تلت ساعة من بداية الاحداث اصلا بعد ما الناس كانت ماتت م التدافع والخنقة وبعد ما جمهور المصري ابتدي يهرب
- الجيش ابتدي بعد كل دة يضرب نار في الهوا من برة علشان يمش جمهور المصري اللي كان مستني جمهور الاهلي برة
- الاصابات معظمها كسور وجروح من الطوب والازاز وحروق من الشماريخ وحالات اختناق كتير اكثرها وفيات
- كانت جماهير المصري بتقلب المصابين واللي بيتمسك وبتاخد فلوسهم وساعاتهم وموبايلاتهم ومعظم اللي راجعين راجعين القاهرة من غير حاجتهم اصلا
- اللي حصل النهاردة يا مدبر انه يحصل .. ياتم تسهيله .. مفيش حل ثالث واللي حصل دة فوق مستوي شغب الكورة العادي اللي مشجعين الكورة عارفينه
- اللي شوفته النهاردة افظع من اللي شوفته في محمد محمود .. حصل كل حاجة اصلا فوق ما حد يتخيل
- واحنا راجعين في القطر كل الناس كانت بتؤكد ان اللي بيحصل دة مدبر وكان السليم بيهتف في كل محطة ضد الشرطة
- وفي ضابط قال لواحد فينا انتوا عايزنا نحميكوا ومش انتوا بتضربونا اشربوا بقة
صور الشهداء
http://www.ahlynews.com/new/content/27516.html
حسبي الله ونعمه الوكيل
يسقط يسقط حكم العسكر
http://www.ahlynews.com/new/content/27516.html
حسبي الله ونعمه الوكيل
يسقط يسقط حكم العسكر
