جوزيه .....
1- كل اللاعبين الناشئين بتوعنا مشيوا وجبنا مكانهم لاعيبه بملايين برغم ان حجة جوزية حاليا بعد كل خسارة اننا بنبنى فريق للمستقبل ... ازاى بتبنى فريق للمستقبل وانت ممشي كل اللاعيبه الصغيرين بتوعك وجبت لاعبين اكبر كتير فى السن ما هو خسارة بخسارة بقى يلعبوا عندنا احسن ما يلعبوا فى اى نادى تانى .
2- اصرار غير مبرر على لاعيبن مش فى مستواهم خالص والمصيبة انه بيعتمد عليهم فى لقاءات مهمة جدا امثال جدو وشوقى يعنى انا مش فاهمة جدو ده ايه لزمته وطالما هو طول الوقت مش عارف يلعب يبقي ليه كل ماتش بيلعب اساسى ويفضل يلعب معظم الماتش واحيانا كله بالرغم من مستواه السيئ !!!!
3- جبنا لاعبين بملايين وبرغم ذلك فيه اصرار على عدم الاعتماد عليهم بشكل موسع زى مثلا وليد سليمان لحد دلوقتى بيشارك اوقات قليلة اوووووووى كل ماتش وهو نجيب الوحيد اللى بيشارك بانتظام فى حين ان واحد زى السيد حمدى ده طالما انت مش عايزه يلعب اشتريته ليه ؟؟؟ وليه كان خارج القايمة امبارح ؟؟؟
4- تعامل باستهتار مع الماتشات يعنى فى ماتش انبى ... عماد متعب خارج القايمة ... دومينيك دى سيلفا خارج القايمة والسيد حمدى كمان بره ...
5- تعمد واضح وصريح لخسارة الماتش امبارح وده كان واضح اوووووووووى ... لان مفيش مدير فنى عايز يكسب هيفضل بالتشكيل ده 71 دقيقة مش عايز يغير برغم ان اللاعبين كان اداءهم سيئ جداااااا وكمان خسران بجون !!! وبرغم ذلك كان هادى جدااا لاخر دقيقة وقاعد ومفكرش حتى يقوم يزعق فيهم شوية .... يعنى اكيد فيه حاجة غلط ولابد من تحقيق فى الواقعة دى يا ادارة !!!
6- عند واضح مع اى لاعيب يطلع يقول هو مبيلعبش ليه يعنى واحد زى معتز اينو ده فيه ماتشات كتيرة اوووووى كنا بنحتاجه فيها وبرغم ذلك كان بيبقي بره ال18 اصلا يعنى من يوم ما طلع قال كام تصريح وهو خارج ال18 طول الوقت فى كل الماتشات... طيب واخرة العند ده ايه وهو بيعند على حساب مين اصلا وليه اساسا ومين اللى اداه الحق ده من الاساس !!!!
7- تدمير كامل لامير سعيود يعنى فيه ماتشات كتير برضه كان بيبقي المفروض انه يلعب ومع ذلك اكتر وقت لعبه كان نص ساعة فى ماتش كيما ده غير ان رد فعله بعد ضربة الجزاء الشهيرة كان غير طبيعي لان مفيش مدير فنى عنده لاعب بيحصله موقف زى ده بيكون رد فعله كده ويقعد يشاور على نفسه وكأنه بيقولنا انا صح .. انا عندى حق وكأنه قاصد انه يكره الناس فيه ومع ذلك يطلعوا النقاد ويقولوا ده لاعب ملوش لازمة فى الاهلى ... طيب هو لعب قبل كده 4 .. 5 ماتشات كاملين ورا بعض زى باقى اللاعبين ومعملش حاجة ؟؟؟!!!
8- طول المسابقة الافريقية كان بيلعب بتشكيل غريب جدااااا وكان بيبقي متكرر فى كل ماتش يعنى هى حاجة من حاجتين لا هو مش بيتعلم من اخطاءه ودى مصيبة لاما هو متعمد يعمل كده ودى مصيبة اكبر !!!
9- لاعيبة بنشتريهم بملايين ومبيلعبوش لحد ما يمشوا واكبر مثال شديد قناوى هو اللى مشاه ببلاش وهو اللى جابه تانى بملايين !!!
10- ومش هقول قضية احمد حسن وان هو لاعيب كبير ومكنش المفروض يمشي لان هتقولوا هو سنه كبير بس برضه احمد حسن لسه ادامه سنين ان شاء الله فى الملاعب ولاعب كبير جداااا وكنا احنا اولى بيه من اى نادى تانى ....
كل ده واكتر كمان ومحدش بيحاسبه ولا بيقوله انت بتعمل ايه لا ادارة ولا جماهير .... يعنى ايام البدرى لما الاداء والنتايج بقت سيئة لا الادارة ولا الجماهير سكتت ومسكتوش غير والبدرى مقدم استقالته برغم انى شايفة ان البدرى افضل كتير من جوزيه دلوقتى لانه على الاقل خدنا معه بطولات اكتر وصعد ناشئين كتير جدااا واعتمد عليهم وعمل معاهم نتايج حلوة اوووووى والمشكلة حصلت معه فى اخر الايام لما الظروف مش ساعدته والاصابات ده غير ان اللاعيبة نفسهم كانوا عايزينه يمشي وساهموا بشكل كبير جداااا فى انه يمشي من خلال تعمدهم التعادلات والخسارة واللعب السيئ ..... لكن جوزيه دلوقتى بيعمل حاجات غريبة جداااا وبرغم ذلك محدش واخد باله ولا بيقوله انت بتعمل ايه وكأنه بابا جوزيه اللى عيب نقوله اى حاجة ....... امشي بقي واحنا لسه بنحترمك وفيه ناس كتير بتحبك قبل ما يجي يوم تندم عليه ويعملوا معاك زى مع عملوا مع البدرى قبلك ...... ارحل يا جوزيه ......
