slmah sleem كتب:شوف يا علام مبدئيا كده جوزيه محسش ان احمد مهم بعد ما اتخذ قراره لان ده لو كان حصل اكيد مكنش هيقول ان هو ده السبب يعنى مكنش هيجيب سيرة قراره المبكر ده خالص
ثانيا التخبط والتناقض فى كلام جوزيه واضح للعيان وكل ما حد يسأله عن الموضوع يقول خلاص ان قولت قبل كده ومش هعلق وكاننا بنكهربوا مثلا
وبالنسبة للتكريم اعتقد كلنا شوفنا احمد حسن اتكرم ازاى فى بلجيكا لما مشي وساعتها مقلش انه مش هيحضر التكريم او احتفال للنادى لان الناس هناك عاملوه كويس وهذا فعلا هو الفارق بيننا وبين الاخرين وبعدين لحد دلوقتى محدش من الاهلى قال مثلا انهم ناويين يكرموه ليه انا مش عارفة
احمد حسن اتعامل بطريقة مهينة يا جماعة محدش يقبل انه يتعامل بيها خصوصا لما يكون احمد حسن عميد الكرة المصرية وخصوصا لما يكون لسه بيدى مش خلاص بقي كمالة عدد ... احمد حسن ليه الحق فى انه يوضح سبب الخلاف واحنا كمان لينا الحق نعرف
وعلى فكرة يا اهلوية لو تجردوا نفسكم شوية من مشاعر الحب لجوزيه ووزنا الامور بعقلنا هنلاقى ان جوزيه اكتر مدرب ديكتاتور وللاسف هو شايف نفسه الملاك اللى نزل من السما عشان ينقذنا وحبنا المبالغ فيه ده هو اللى عمل فيه كده ... جوزيه مدرب محترف وبيدرب الاهلى عشان بياخد فلوس مش عشان حاجة تانية وده الكلام اللى قاله خالد الدرندلى لما سألوه ممكن يبنوا تمثال لجوزيه ولا لا ... ولو قولتوا هو بيدرب الاهلى عشان بيحب الاهلى هقولكم انه منجحش مع اى نادى او منتخب تانى غير الاهلى وده اللى بيخليه لسه فى الاهلى ... جوزيه اه مدرب كويس واه بينجح مع الاهلى بس ده مش يديه الحق انه يعمل كل حاجة واحنا كجماهير ولاعبين منقدرش نقوله انت بتعمل ايه ولا نسينا اننا طالبنا باقالة حسام البدرى فى نصف الموسم عشان محققش اللى كنا عايزينه منه ولا هو المصرى نحاسبه والاجنبي منجيش جنبه
واخيرا احب اقولكم انه جوزيه قال لو مجلس الادارة ده مشي هو هيمشي ( وكأنه بيدرب الاهلى عشان مجلس الادارة مش عشان حاجة تانية ... ياريت نفكر فى الموضوع كويس من غير عواطف اكيد هنلاقى ان عيوب جوزيه اكتر من مميزاته )
الحاجة اللى اقدر اشهد بيها لجوزيه هو انه شخص ذكى جداااااا وقدر فعلا يستوعب اننا شعب عاطفى وانه ممكن مشاعره تطغى على تفكيره وهو ده اللى جوزيه بيلعب عليه
البداية : احمد حسن من ضمن اسباب رحيله انه فى احد تصريحاته بعد ما قال انا تحت امر الاهلى قال انا ارفض الدور السورى وهو كان يقصد انه لو ما اتقيدش افريقيا والاهلى اكتفى بوجوده فى الدورى يبقى ملهووووش لازمة وده خطأ كبير وبصراحة الاهلى محتاج ناس تانية فى الدفاع تحديدا والهجوم اكتر من خط الوسط وانا شخصيا لو مدرب مش هقيد احمد حسن وهقيد المدافعين اللى هجبهم خصوصا ان الاهلى عنده نقص وخلل فى الدفاع خصوصا قلبى الدفاع والليبرو والباك الايسر والهجوم ودووول اول بالقيد افريقيا
اما بخصوص ان جوزيه محسش احمد انه مهم ما اعتقدش الكلام ده صح لان جوزيه مش من طبعه ده واكبر دليل موقفه مع الحضرى وازاى قدر يتعامل معاه برغم اعتراضه على بعض تصرفاته الغير مقبولة منه
وبخصوص اشتراك احمد حسن من عدم اشتراكة دى وجهة نظر الجهاز الفنى بقيادة جوزيه وده ملهوش دعوة او منطق بنقطة انه مهم او مش مهم وكمان حسن مكنش الوحيد اللى بيعقد احتياطى كان فيه بركات وتريكة ومعوض وكانوا بيتغيروا عادى وكمان جدو اللى يعتبر ملعبش مباراة واحدة اساسية منذ قدوم جوزيه الى الاهلى وهذا ليس اضطهاد من جوزيه للاعبين بل احتياجات المباراة تتطلب ذلك
اما بخصوص التكريم رفض احمد حسن للتكريم على الهواء والتريقة والاستهزاء بقوله هو انا اعتزلت عشان يتعملى حفلة تكريم هذا غير مقبوووول بالمرة وكمان الاهلى مرماش احمد حسن ده حصل اجتماع وقاله شكرنا على هذا ومعلش اللى له حق يزعل هو اسامه حسنى اكتر من احمد حسن لانه قعد فى الاهلى واتربى منذ الصغر فى النادى وبقاله اكتر من 13 سنة داخل الجدران لكن احمد حسن عمره مع الاهلى لم يتعد ال3 اعوام
وانتى عاوزة الاهلى يقول هيكرم لاعب رفض تكريم الاهلى له على الهواء وبصورة استهزائية لا يا سلمى مش الاهلى اللى يصغر نفسه ابدا
سلمى اما بخصوص اخفاقات ونجاحات جوزيه فكل فترة ولها ظروفها ومش كل مدرب مطلوب منه انه ينجح مع الفريق اللى بيدربه لان النجاح عدة عوامل هى مدرب ومجموعة من اللاعبين وتوفيق وعن انجولا فانجولا خسرت 1/0 وخرجت من الدور قبل النهائى وكلنا نعلم جيدا ضعف دفاعها وحارس مرماها فهما المسئولان عن الخروج وعن الاهداف ثانيا بخصوص اتحاد جدة فنظرا لقوة جوزيه وشخصيته وطبعا ده مش على هواء اللاعبين العرب وخصوصا بعد قرصته لودن الكابتن والفتى المدلل محمد نور قرر اللاعبون عدم بقاؤه بقيادة نور ومثلوا عليه مسرحية رخيصة جدا وقاموا بالتعادل فى 8 مباريات بعد البداية القوية والفوز فى 6 مباريات وتصدر الدورى فكيف يعقل ذلك يا سادة كل ذلك لان قوة شخصية جوزيه لم تكن على هوائهم
اما بخصوص جوزيه فهو مثل هيديكوتى عند جمهور الاهلى فى الثمانيات فهو ساحر ومعشوق الجماهير وجوزيه ولابد ان نعطيه حقه الذى نسلبه منه دائما حقق مع الاهلى بطولات عديدة وصلت الى 20 بطولة ووصل ثلاث مرات كأس العالم للأندية وقاد الاهلى لاكثر من نصف بطولات افريقيا حيث فاز مع الاهلى ب 5 بطولات دورى ابطال افريقيا و4 سوبر افريقى من اجمال 6 دورى ابطال افريقيا و4 سوبر و4 كاس الكئوس الافريقى اى ان جوزيه حقق 9 بطولات من اجمالى 14 بطولة فى تاريخ الاهلى فى افريقيا بالاضافة الى تحقيقه الدورى المصرى لستة مواسم حتى الان .
اما بخصوص محاسبة الاجنبى والمصرى فالكابتن حسام البدرى لم يحقق منه المطلوب فخسر الفريق دورى الابطال الافريقى وتدهورت نتائجه بصورة قوية جدا ويكفى ان الفريق فى ظل وجود البدرى لم يفوز خارج ارضه سواء افريقيا او دورى وهذا شئ خاطئ ومن العار ان يحدث لفريق بحجم الاهلى وبخصوص محاسبة جوزيه هل يحق ان يحاسب ناجح على بطولات يحققها اما بخصوص الاخطاء فهناك محاسبة ولكن ليست مننا كجماهير هى من لجنة الكرة بالنادى الاهلى فهى التى تقوم بمحاسبته ومراجعته
وبخصوص نقطة رحيل مجلس الادارة وربطها برحيل جوزيه انا غير متفق معاكى فيها وبخصوص عيوبه اكتر من مميزاته كلمة واحدة لو كانت عيوبة اكتر مكنش جوزيه اصبح اسطورة لدى جماهير الاهلى فجماهير الاهلى شعارها مصلحة الاهلى دائما وابدا ولو رأت ان جوزيه لا يعمل من اجل مصلحة الفريق لم ولن ترفعه ابدا الى مصاب النجوم واساطير الاهلى العظام مثل الراحل صالح سليم رحمه الله ولو كانت عيوبه اكتر ما قام الاهلى باعادته من جديد الى الفريق ولو عيوبه اكتر مكنش حقق كل هذه النجاحات ولو عيوبه اكتر مكنش اختار الحضرى ضمن افضل 11 لاعب دربهم خلال الفترة السابقة لتواجده بالاهلى منذ 2003 حتى 2008
لا ومش ذكى بس وكمان ناجح ويعرف ازاى يوصل للهدف اللى عاوزه
كلمة اخيرة : كنت اتمنى بقاء حسن مع الاهلى حتى يحصل على موقع ادارى او موقع فى قناة الاهلى لانه من الشخصيات التى تستحق ذلك ولكن للأسف احمد حسن لم ينظر الى المستقبل ونظر تحت قدمه فقط هذا من وجهة نظرى قد اكون مخطى او مصيب ولكنى اتمنى له التوفيق فى المرحلة القادمة واتمنى الا يتناول الاهلى باية تصريحات خلال الفترة القادمة حتى لا يخسر الكثير من شعبيته لدى جمهور الاهلى
عاوز اعلق على حاجة جوزيه لو ديكتاتور فهو ديكتاتور ناجح لا يعترف بالعاطفة بل بالعقل ويعمل على السير على الخطط والعمل على الوصول الى اهدافه ونجاحاته والمطلوب منه من خلال الخطط والطرق التى تمكنه من تحقيق اهدافه .
فى إنتظار ردك يا استاذة سلمى وواضح ان البرنامج هيتنقل هنا ويكون فى التوبيك بتاااااااعك احيكى على روح المناقشة الرائعة
