برنامج فيش وتشبيه
الحلقة الأولي
النهاردة معانا عضو محترم جداااااااااا وأخلاق جدا وهو مش عضو يعنى هو مراقب عام معانا هنا في منتدى متعب ولأنه له شعبيه جارفة هنا في المنتدى وعضو محبوب فحبينا يكون معانا في أول حلقة من برنامجنا
ضيفنا انهاردة THE GAME وبالعربي مصطفي درش
خـــــــــــــلف الكــــــــاميرات ( الكواليس )
مودى :- معايا
THE GAME :- أيوه
مودى :- طيب كويس
THE GAME :- مودى قولى الاول الاعداد مجهز ايه؟
مودى :- هتعرف حالا
THE GAME :- بينى وبينك كدة
مودى:- هههههههههههههههههههههههههههههههه
THE GAME :- قووووووووووووووول
مودى:- اسئلة فلة شمعة منورة هههههههههههههههههههههههههه
THE GAME:- ههههههههههههههه انت قولت ليا كام سؤال مش اجاوب
مودى :- واحد بس
THE GAME :- بس
نـــــــــــــــــبــــــــــدأ
3
2
1
مودى :- الاسم __ تاريخ الميلاد __ المؤهل __ الوظيفة
THE GAME :- اجرررررررررررى
مودى :- هههههههههههههههههههههههههه
THE GAME :- انا اسمى مصطفى
مواليد الاسكندريه من رشدى مواليد 27/10/1988: انا بكالوريوس تجارة جامعه الاسكندريه قسم محاسبه دفعه2009
THE GAME :- انا شغال محاسب وفى ادارة شركه العامريه للكيماويات فيش فيش فعلا
مودى :- كمل
THE GAME :- هههههههههههههههههههه يا راجل اكمل ايه تانى
اكتب رقم التليفون
مودى :- هههههههههههههههه لا بلاش دا كدة سر خطير
اسمك المستعار --- سبب اختيارك لهذاالاسم؟
THE GAME :- انا اسمى المستعار THE GAME دايما معروف بيه حتى فى الشغل فى اى مكان بحب اكتبه دايما: سبب اختيارى للاسم انى بحب المصارع دة اللى هوة ترابيل اتش ليه بحبه
عشان هو عنده ارادة حديديه دة جتله كذا فترة واصابات كان ممكن يبطل اى حاجه بس ارادته قويه وكمان عندة مشاريع خيريه كتيرة جدا فانا بحبه يعنى.
ايه المذيعون دول يا اخواتى ايه ده
مودى :- بس بقى انت هتقطع فيا
THE GAME :- سايب الضيف من غير حته جاتوة ولا كوبايه عصير
مودى :- الجروب عايز كده
لو تحب تبقي شخصية غير مصطفي تحب تبقي مين ؟وليه؟
THE GAME :- احب اكون شخصيه ونيس محمد صبحى يعنى الشخصيه دى انا بعشقها بجد ونفسى اطلع اب واسرتى تبقى زيه بجدقدوة للكبير قبل الصغيرانا بتعلم منه لدلوقتى اخلاقه تعامله امانته تعاطفه فرحته هزاره بجدشخصيه قدوة بجد
مودى :- ههههههههههههههههههه لا هى فعلا شخصية حلوة
THE GAME :- طبعا مش انا اللى مختارها
مودى :- تعتبر نفسك شخص شجاع ام خجول ولا طماع - عايز شوية مواصفات عن شخصيتك؟
THE GAME :- ممممممممممممممم بص هوة اكيد الناس اللى تقدر تحكم اكتر على شخصيتى بس انا القريب منى هيعرف انى خجول جدا وحساس جدا مش بكرة حد واحب الكل صحابى والغريب برضه اضحك معاة وصحابى بحبهم جدا جدا وممكن اعمل اى حاجه عشانهم فى اى وقت واى مكان طماع لا خالص عمرها مكانت فيا شجاع فى مواقف معينه واكيد محدش هيشكر فى نفسه او ممكن انا اقول ان الحساسيه بتاعتى بالنسبالى مشكله بس العيوب ولو فى مميزات صحابى اللى يقدروا يحكموا يعنى
مودى :- لا مواصفات هايلة
بس ياترى بتحكم بقلبك ولا بعقلك على قراراتك
THE GAME :- ممممممممممممممممم
بس انا بجد: قلبى كتييييييييييييييييييير اوى ممكن هو اللى بيتحكم بس مش مع اى حد مع صحابى برضه
مودى :- ما هو حلمك الذى لم يتحقق وضاع منك؟ وما هو حلمك الذى مازال في يدك وتريد تحقيقه؟
THE GAME :- ممممممممممممممممممممم ضاع منى ايه السؤال ده.
مودى :- هههههههههههههههههههههههههه
THE GAME :- ممكن الحلم اللى ضاع منى انى فى يوم كنت بحلم ادخل صيدله بس للاسف ال ايه مش رضوا يدخلونى على فرق 10% ناس غريبه .
وفى بص هاقول هو مش حلم هى كانت تجربه غيرتنى كتير اووووووى وخلتنى مصطفى خلتنى انا بجد اكيد انا كنت بتمنى تستمر وتنتهى نهايه سعيدة بس الحمد لله زى ماربنا مش اراد رزقنى بناس ممكن احسن منها.
مودى :- ربنا يعوضك
THE GAME :- حلمى اللى فى ايدى ناو ونفسى احققه ممكن انا ناو ناقصلى خطوة على الارتباط الحقيقى بس اتمنى ان ربنا يكون كاتبلى حد كويس ومحترم زى صحابى اللى موجودين دلوقتى.
مودى :- ماذا تعنى المرأة ف حياة مصطفي حسين ورأيك في الصداقة بين الشاب والفتاة؟
THE GAME :- ممممممممممم سؤال حلو .
مودى :- الجروب بقي .
THE GAME :- ماشى لما اشوف الاعداد
مودى :- جاوووووووووب
THE GAME :- المرأة فى حياتى اكيد ليها اثر كبير زى مقولتلك انا لولا التجربه اللى خوضتها كان زمانى الله اعلم انا مين وفين وعامل ايه وبعد التجربه لولا ربنا رزقنى باجدع صحاب سواء بنات او ولاد كان هيبقى الموضوع صعب اوى عليا المراة عموما شخصيه طيبه رقيقه هه رقيقه
مودى :- ههههههههههههههه عندك حق رقيقة جدا
THE GAME :- هههههههههه انا بحترم العقليه مهما كانت وبقدرها وعمرى م هضحك على العقليه ولا هالعب بيها ولا هاستغل حاجه عشان حرام يعنى بس يا مودى الرقابه هتقطع الحوار
مودى :- ارسل رسالة لكل من
مصر قبل 25 يناير..
مصر بعد 25 يناير..
شباب 25 يناير..
رسالة الى مبارك..
رسالة الى القوات المسلحة..
رسالة لحد من اختيارك..؟؟
THE GAME :- ههههههههههههههههههههه معيش رصيد
مودى :- هههههههههههههههه لا والله
THE GAME :- استنى هاجاوب وامرى لله
قبل 25 يناير
ممممممممممممممم ربنا يسامحكم
بعد 25 يناير ربنا يستر
ادلوقتى اللى بيقول اشمعنى واشمعنى لا الشباب عمل اللى كان عايزه اصبروا بقى
لغايه ناو احنا مكاسبنا بالسالب مش بالموجب طبعا دى وجهات نظر
رساله الى مبارك بص اه انت اجرمت وغلط وعملت كتير اوى غلط بس انا لا للاهانه ولو انت ظلمتنا فربنا يسامحك ولو احنا ظلمناك فربنا يسامحنا بس انت ستظل برضه رئيس جمهوريه مصر العربيه فى يوم من الايام وصاحب الضربه الجويه وانت حد دافعت عن مصر وحاربت اليهود وهزمتهم وخليت مصر امنه سالمه من اى حروب ربنا يسامحك ويغفرلك.
القوات المسلحه هاقولها يا خوفى ليطلع منكم حد وينط على الحكم والتاريخ فى اى دوله والعالم كله شاهد على كدة بس انتم رجال وتحملتم المسؤوليه وحميتوا البلد والشعب ربنا يقويكم.
رساله لحد من اختيارى ممممممممممممممممم فى كتير والله عايز ابعتلهم رسايللشباب ثورة اة اهانه وقله ادب لا تكريم اه نكران جميل لا عمر اه تهد لا بس كلمه للشباب
احنا ممكن نغير اى حاجة بس للاسف اخلاق المواطن صعب نقدر نغيرها الطباع صعب
مودى :- واحد بس او واحدة بس
THE GAME :- ههههههههههههههههههههههه هو لسه بدرى
مودى :- قوووووووووووووووول
THE GAME :- هههههههههههههههههههه رساله ممكن بجد هاقولها للمنتدى ولا لازم لشخص
مودى :- قول للمنتدى هعديها
THE GAME :- هههههههههههههههههههه خلاص عشان ممكن اقعد لبكرة اتكلم
هاقول رساله لاتنين صحابى واحد عمل حادثه جامدة جدااااا والتانى لواحد لسه عارف انه اخد رصاصه فى عنيه فى جمعه الغضب هاقولهم حمدا لله على السلامه وهاخلى كلمه للمنتدى لاخر الحوار.
مودى :- أوك براحتك ماذا تفعل اذا جاءت فتاة وقالت لك احبك؟
THE GAME :- الاجابه بامانه انا كدرش لو البنت بحبها هاقولها وانا كمان لو عادى زميله او اخت مش هاجرحها او هاحرجها بس هافهمها براحه يعنى انها بالنسبالى اخت اصل حرام انى العب بيها او بمشاعرها .
مودى :- ياجاااااااااامد.
THE GAME :- هههههههههههههههه والله اللى عارفينى عارفين انى مش بجمل كلام وانى بعمل كدة الحمد لله
ايه يا مودى مشوفتش طبق رز ولا كوبايه عصير ايه الناس دى يا ربى انا هاروح قناة تانيه
مودى :- ياعم الناس دى مش بتعمل اى حاجة ولو روحت قناه تانية هتنضرب مش منى
بس من الــــــــــــــ ............................
THE GAME :- هههههههههههههههه ناقص تقولى مش هيدوك مرتب
مودى :- هههههههههههههههههه انا خايف والله
THE GAME :- هههههههههههههههه
مودى :- الكل بيسأل ما هى مواصفات فتاة أحلامك احنا مختلفين ما هى مواصفات فتاة كوابيسك؟
ولو السؤال مش فهمته اي هى الحاجات اللي مش عايزها ف زوجة المستقبل؟
THE GAME :- هههههههههههههههههههههههههه سؤال جامد
مودى :- طبعا تقدر تقول غير كده.
THE GAME :- هههههههههههههههههههههههه
مودى :- جاووووووووووووووووووب
THE GAME :- واضح ان الاعداد عاملين جو ارهاب
بص انا مش احب البنت العنيدة اللى هيه مش بتتفاهم اة متبقاش شخصيتها ضعيفه واعملى تعمل لا تبقى متفاهمه وعنيدة فى حاجات اللى عايزة مناقشه واكيد تبقى مش قليله الادب ومش لبسها وحش .
مودى :- اكيد دى مواصفات اساسية بس انا عايز مواصفات خاصة بمصطفى.
THE GAME :- بامانه انا احب البنت اللى دمها خفيف بص عشان مش نضحك على بعض الجمال مطلوب على الاقل فى وجهه نظرى انا ممكن ابقى شايف بنت عاديه انها قمر المهم انى اكون شايفها جميله احب انها تكون خريجه جامعه طبعا ومتفاهمه يعنى ومتدينه مش اى حد تقدر تامن على بيتك وعيالك ليها اكيد دى مواصفات بتمناها عندك عروسه ليا بقى
مودى :- فيه بس مش هتعجبك ههههههههههههههههههههه
THE GAME :- ههههههههههههههههههههه
مودى :- بص يادرش الاسئلة اللى جاية دى عايز فيها كلمة واحدة بس
THE GAME :- اوووووك
مودى :- بتقول بحبك لمين؟ مش لازم الاسم كامل ممكن اول حرف بس
THE GAME :- مممممممممممممممممم ههههههههههههههههههه وبعدين بقى
مودى :- قووووووووووووووول
THE GAME :- m or s
مودى :- لا ياراجل
THE GAME :- ههههههههههههههههههههه
مودى :- حرف واحد بس
THE GAME :- m
مودى :- هى مين بقى
THE GAME :- هههههههههههههههههههههههههه والله
مودى :- قول قول دا خارج الحوار
THE GAME :- طيب عشان اريح بس محدش شايف صح اسمها مايا
مودى :- حبيبى
THE GAME :- انشرها عادى فى الحوار
مودى :- ياعم كدة كدة كنت هنشرها
THE GAME :- هههههههههههههههههههههههههه خيانه
مودى :- بتقول وحشتنى لمين؟
THE GAME :- ممممممممم ممكن جدتى
THE GAME :- خد بالك انا جعان انت حر
مودى :- هههههههههههههههههههه ابقى اطلب من الجروب
بتقول زعلان منك لمين؟
THE GAME :- لواحد صاحبى اسمه احمد
مودى :- بتقول مش حانساك لمين؟
THE GAME :- لمايا اكيد وممكن لاول تجربه
مودى :- أحكى لنا موقف كنت فيه ندل؟قول قول مش تتكسف كلنا بيجى علينا وقت ونبقى اندال؟
THE GAME :- ههههههههههههههههههههههههههههههههه
مودى :- بس بسرعة ههههههههههههههههههه
THE GAME :- ندل ندل ممكن فى ايام ناس بتسال عليا دايما وانا كتير مش بسال
مودى :- دى مش ندالة بس هههههههههههههههههه
THE GAME :- هههههههههههههههه قصدك ايه ؟
مودى :- لالا مفيش.
اكتر دعوه بتحبها من مامتك؟
THE GAME :- ربنا يبعد عنك اى شر ويكرمك ويفتحها عليك
مودى :- امين يارب.
عملت مقلب فى حدقبل كده(ايه هو)؟
THE GAME :- يااااا رب ههههههههههههههههههههه انا
انا دايما بيتعمل فيا بس عملت اة من قريب عملت ان الميل بتاعى اتسرق وحد دخل عايز يتعرف على صحابى بس صعبوا عليا وحرقت المقلب
مودى :- ههههههههههههههههههه ياكبيييييييييير هبقى اجرب المقلب ده
THE GAME :- هههههههههههههههههههههههههه هتبقى مفقوسه اووووووووى
مودى :- حد عمل فيك مقلب كان حايطلع من عينك (ايه هو)؟
THE GAME :- ههههههههههههههههههههههههههههه اة يانى هي عارفه نفسها ايه جولدن جيرل
مودى :- هههههههههههههههه ياخسارتك يامصر
THE GAME :- عملت مقلب وقعت قلبى والله صدقت وكنت هاروحلها بلدها.
مودى :- قول قول
THE GAME :- مقلب كان فظيع مهو موجود على المنتدى كان فى اشاعه ان فى رقم زيرو خمستاشر بيرن اللى بيرد بيجياه سرطان بس فبعد مقالتلى كدة جت من كام يوم بعديها قالتلى انا رديت ودايخه ومصدعه ومش عارفه اقول لحد ومش رايحه للدكتور وانا زى البطيخه صدقت
وقعدت اتحايل انها تروح وتقول لاهلها
مودى :- ههههههههههههههههه
THE GAME :- وتقول لاهلها وقولتلها لو قلقانه والله اروح معاكى بس تطمنى وكنت والله مش بهزر بس اسالها عملت فيها ايه بعد المقلب
مودى :- اه طبعا هسالها بس ف حلقتها
THE GAME :- هههههههههههههههههه اوك
مودى :- انا طالب منك دلوقتى اسم عضو بس ف المنتدى مين العضو المحبوب؟
THE GAME :- مممممممممممممممم لا سؤال صعب اصل فى كتير اوى اوى محبوبين ولو قولت حد فى ميه زيه
مودى :- بص فيه اسئله كتير بالنسبة للاعضاء متخفش
THE GAME :- هههههههههههههههههه ربنا يستر
مودى :- ف المنتدى مين العضو المحبوب؟
THE GAME :- ممكن ايه جولدن جيرل
مودى :- وعضو موضوعاته جريئة
THE GAME :- شيمو
مودى :- عضو دمه خفيف
THE GAME :- حدث ولا حرج كتييييييييييييييييييير جدا اوى اوى اوى فوق ما تتخيل
مودى :- انا عايز الزعيم بتاعهم؟؟
THE GAME :- هههههههههههههههههه حاليا سلمى سليم من ردودها بجد دمها خفيف جدا وواحد مذيع كدة لو مش اكلنى هاوريه بعد الحلقه.
مودى :- ههههههههههههههههه بحبك انا
عضو بتقلق من ردوده؟؟
THE GAME :- ههههههههههههههههههههه
بس من غير متزعل منى امنيه
مودى :- عضو نشيط
THE GAME :- شهد وسلمى جاكوب وسلمى سليم واسماء
مودى :- عضو مفقود
THE GAME :- مممممممممم المراقبين كلهم ايه ونهى ومحمد والادمين ومنه
مودى :- عضو واثق من نفسه
THE GAME :- شيمو ومنه المشرفه وايمان ايمو وسارة ارار
مودى :- عضو داخل مزاجك
THE GAME :- هههههههههههههه يادى الاسئله دى والله انا كل الاعضاء انا بحبهم
مودى :- هعديها
عضو تتمنى تلقتي به
THE GAME :- ههههههههههههههههههههههه صبرنى يا رب
مودى :- هاااااااااااااااااااا
THE GAME :- انا مممممممم صحابى اللى موجودين كلهم على المنتدى اكيد نفسى اشوفهم
مودى :- لا مش هينفع اعدى حاجات تانى ممكن تمنع الرد دا حقك
THE GAME :- ههههههههههههههههههههه امتنع عن الرد
مودى :- كله هتجاوبو بعد كده هههههههههههههههه
عضو مثقف؟؟
THE GAME :- ههههههههههههههههههههه
شهد وشيمو وهاله
مودى :- عضو نفسك تقول له ( برافو عليك ) ...
THE GAME :- هاله سعد وسمسمه
مودى :- وانا وانا
THE GAME :- هههههههههههههههههههههههههههههههههههه لا انا هاموتك اخر الحلقه اصلا
مودى :- مش هتقدر ورايا حماية
THE GAME :- هههههههههههههههههههههههههههه الاعداد
مودى :- طبعا
THE GAME :- هيموتوا قبلك
مودى :- طيب بص هديك 10 جنية مقفلة لو موت الاعداد نفر نفر
THE GAME :- هههههههههههههههههههههههههههه بعد الشر
مودى :- سايس سايس اسحب ناعم
THE GAME :- هههههههههههههههههههههههههههه
مودى :- ايه الفيلم اللي اتفرجت عليه وندمت انك كملته للنهاية؟
THE GAME :- ممكن فيلم مممممممممممم ايه ايه حين ميسرة
مودى :- لمين تقول اتخدعت فيك كنت فاكرك غير كده؟
THE GAME :- مممممممممممممم مفيش الحمد لله
مودى :- ولمين تقول من غيرك حياتى ملهاش معنى؟
THE GAME :- لبابا وماما
مودى :- اول حب ف حياة مصطفي كان عنده كام سنه؟
THE GAME :-
مودى :- هههههههههههههههههههههه
THE GAME :- كانت بنت اسمها رحاب بس ايييه زى القمر
مودى :- ده انت قديم ف الشغلانة
THE GAME :- هههههههههههههههههههههههههه كنت فى تالته ابتدائى تقريبا بنت كانت بتركب الباص معايا بس عمرى مكلمتها
مودى :- طيب مافكرتش تدور عليها لما كبرت
THE GAME :- هههههههههههههههههههههههههه مهى موجودة فى العمارة اللى جنب الشقه الشخصيه بتاعتى البيت القديم يعنى
مودى :- اه عايزك تقولى باختصار الكلمات دى تمثلك ايه؟
THE GAME :- اوك
مودى :- الوحده
THE GAME :- بتموت
مودى :- الدموع
THE GAME :- احيانا بتريح
مودى :- الظلام
THE GAME :- بحبه
مودى :- الفراق
THE GAME :- اليم جدا لو الحب بجد او فراق اى حد بنحبه عموما
مودى :- الشمس
THE GAME :- بيتلبسلها نظارة وكاب
مودى :- هههههههههههههههههههههههههههههههههههه
الحياة
THE GAME :- تقدير ليس ضعفا ان تقدر الحياة الضعف ان تعيش بلا اى حياة او امل او حب
من تاليف الشاعر مصطفى حسين
مودى :- الله الله
الوطن
THE GAME :- حياتنا والاساس اللى بنعيش فيه ومن اجله مصر مذكورة فى القران بالسلام والامان وفيها خير جنود لازم نحميها ونحافظ عليها
مودى :- الأم
THE GAME :- محدش يقدر يستغنى عنها
مودى :- الليل
THE GAME :- زى الظلمه بحبه جدا
مودى :- الحب
THE GAME :- اعظم احساس فى الكون لما يكون بجد
مودى :- الصمت
THE GAME :- سلاحى كمصطفى يعنى
مودى :- أمريكا
THE GAME :- اخدت الحضارة وكل مميزات بلدنا ودينا وبطبقه اة مش كله بس كل دول اوروبا اخدوا الحلو مننا وطبقوة وطوروة وعلى فكرة بيطبقوا الدين هناك خصوصا النظام والعلاقات الى احنا كمسلمين مش بنطبقها للاسف
مودى :- للاسف
المرأة
THE GAME :- تانى ماأنا جاوبت فوق
مودى :- وتالت ورابع
THE GAME :- ههههههههههههههههههههههه حاضر يا مذيع
مودى :- اشتم اشتم
THE GAME :- المراة مخلوق حساس ورقيق لازم يتعامل بصدق وامانه ولو البنت انت حبتها وحبتك واحترمت ذاتها وكيانها وتفكيرها هتكسب الدنيا كلها.
مودى :- الرجل
THE GAME :- الاساس بتاع اى حاجه ميقدروش يستغنوا عننا يا جدع
مودى :- ههههههههههههههههههه اساسى يادرش
اكتر انسان كرهتوا(مش مهم الاسم لو مش عاوز بس كرهتوا ليه)؟
THE GAME :- هو مش كرهتوا وهوة عارف بس انا عمرى متكلمت على حد فى غيابه او انحشرت فى اى خصوصيات ليه ومين ومع مين وكدة يعنى انا دايما بقول لا تعليق فليه الحد ده/دى تتكلم او يتكلم عليا وحش ويقول كلام غلط ليه يعنى وخبث كدة ليه يعنى
مودى :- ربنا يسامحه
مصطفى بصراحة كدا بقى كم جنيه في جيبك؟ههههههه
THE GAME :- ههههههههههههههههههه بامانه والله العظيم المحفظه فيها تقريبا تلتميه جنيه
مودى :- طيب ما تشحنلى كارت ب 101هههههههههههههههههههههههه
THE GAME :- ههههههههههههههههههههههههههههههههههه انت تؤمر
مودى :- ربنا يخليك اية رايك فيا بصراحة
THE GAME :- هههههههههههههههههههههههه ينفع امتنع
مودى :- لالالالالالالالالالالالا انت امتنعت مرة قوول وانا هتقبله
THE GAME :- ههههههههههههههههههههههههههههههه
مودى :- بس لاحظ اننا شباب زى بعض ههههههههههههههه
THE GAME :- لا انت انسان كويس دمك خفيف انا صراحه اول تعامل معاك شقى انت بس لسه بامانه من غير اى مجامله مش اقدر احكم بس انت محترم وكويس
مودى :- تفتكر فكرتى عنك عاملة ازاى؟
THE GAME :- ههههههههههههههههههههههههههههههه قول ربنا يستر .
مودى :- لا انت قول تتوقع فكرتى عنك شكلها ايه؟
THE GAME :- ههههههههههههههههه والله مش عارف بس انا بقالى فترة كبيرة مش كنت بدخل فممكن تقول انك مش عرفتنى اوى
مودى :- فكرتى بصراحة انك شخصية لذيذة ومحترمة ومجتهدة ف حياتها وكدة يعنى
واخيرا تحب تقول ايه لجروب الاهلاوية اللي اعد الحلقة ليك انهاردة (من غير غلط)
THE GAME :- ههههههههههههههههههههههههههههههههههههههههههههههههههههههه
والله بجد فى اسئله محطوطه تفصيل عليابس والله هاوريهم وليهم يوم
لا بجد ميرسى ليهم وليك وبرنامج جميل بامانه واتمنى انى مكنتش ضيف رخم
مودى :- والله يادرش انت شخصية جميلة جدا وفجرت كام موضوع كدة حلويين بس فاضل الموضوع المهم ليه بقى دة اخر حوار ف المنتدى ليك؟
THE GAME :- هههههههههههههههههههههههه اه يانى على السؤال ده
بص يا مودى خلى الاجابه على السؤال ده حسب الظروف انا عمرى ماكونت احب اقول كدا بس يعنى المنتدى بيجى ناس ويمشى ناس محبوبه ومكروهه بياثروا فينا وبنزعل ليهم وعليهم وبنحبهم جدا كاصحاب واخوات بس انا كمصطفى ناو يعنى مش بقيت زى الاول بدخل واهتم وحتى وبنحبهم جدا كاصحاب واخوات بس انا كمصطفى ناو يعنى مش بقيت زى الاول بدخل واهتم وحتى اغلب المراقبين والادمين ممكن لظروف الشغل وكدة فاتمنى ان حد منكم هوة اللى ياخد فرصه ويكمل اللى الناس بداته واحنا كملناه على مدار خمس سنين اهو بس وربنا يوفقكم يعنى
مودى :- عندك حق يشرفنى انى كنت اعمل معاك اخر حوار ليك بجد دا شرف ليا وشرف للجروب كله
THE GAME :- والله انا اتشرفت بيكم يا مودى
مودى :- بس مستنيك تتابع كل حلقات البرنامج مع باقى الاعضاء علشان تشوف الفضايح ههههههههههههههههههههه
THE GAME :- ههههههههههههههههههههههههه اكيد
مودى :- انا هديك حق تختار مين بعدك ف البرنامج وخلاص
THE GAME :- هههههههههههههههههههههههه مممممممممممممممم اختار مين مين مين
اسماء سمسمه المشرفه ولو رفضت تبقى ايمان ايمو
مودى :- اوك يادرش اتشرفت ومعلش عطلتك
THE GAME :- دة شرف ليا ولا عطلتنى ولا حاجه وربنا يكرمك
.......
وعلشان مصطفى مش يقول ع الجروب انهـ بخيل اتفضل يادرش
كفايهـ عليكـ كده ابقى اشرب الشاى والعصير ف البيت بقى
ملحوظهـ / مش معنى ان مصطفى استضفناه مره يبقى خلاص ممكن يجى معانا مره واتنين وتلاته الاسئلهـ كتير والحمد لله وده للكل مش لمصطفى بس
ودى كانت أول حلقة معانا من برنامجنا فيش وتشبيه أنتظرونا في الحلقات القادمة إن شاء الله
مع تحيات فريق الإعداد :-
jasy_ahly / jana_ahly
والمذيع / mody_ahly
يــــــــــــــارب تكــــــــــون الحلقهـ عجبتكوا
