من طرف احمد الدلجمونى الجمعة سبتمبر 10, 2010 5:47 am
الحلقه التالته
شيمو ؛ يا واد يا ميدو انت يا واد انت فين
ميدو ؛ ايوة يا امه انا هنا اهه كنت بحط الاكل للبهايم قبل خالى ما يجى
شيمو ؛ طيب بص يا ابنى خالك خلاص قرب على البلد اطلع استناه على الموقف وجيبه وتعالى على البيت بقى
ميدو ؛ طيب يا امه ماشى
ويستقبل ميدو خاله واولاد خاله ويذهب بهم الى البيت
شيمو ؛ يا مرحب يا مرحب ازيك يا اخويا عامل ايه حمد الله على سلامتك وسلامة ولادك الحمد لله انكم وصلته بالسلامه
مصطفى ؛ الله يسلمك يا شيمو السفر دا متعب اوى
وبعد الترحيب بلاسرة ذهبوا ليفطروا جميعا
أيه ؛ خود يا خالى طبق المحشى دا انا عارفه انك بتحب المحشى
مصطفى ؛ ايوة يا سلام يا بنت اختى انا عايزك تظبطينى النهرده انا جعان اووووووووووووى
نهى ؛ تميل على ودن خالد شايف بابا هيبدأ اهه يفضحنا بسبب بطنه اللى مش بتشبع
خالد ؛ سبيه سبيه هو لما بياكل كتير بيبقى مبسوط ويبطل يرزل علينا
وبعدين سبينى فى حالى ومتكلمنيش النهرده علشان انا نفسى اقعد مع أيه لوحدنا بقى
جانا ؛ بصوت منخفض جدا والله أيه دى لتوديك فى داهيه
ايمو ؛ ايه يا جماعه شيفاكم بتدودوا خير الاكل مش عاجبكم
خالد ؛ لالالالا يا ايمو تسلم ايدكم الاكل جميل
وتنتهى الاسرة من الاكل ويذهبوا للجلوس فى اوضة الضيوف
هاله سعد ؛ اخبار دراستك ايه يا ميدو ؟
ميدو ؛ دراسة ايه يا مرات خالى بس انا نفسى اسافر بره
ايمو ؛ ادى اللى انت شاطر فيه تقعد تقولى اسافر اسافر لحد ما امك هتسفرنا كلنا
شيمو ؛ شوف البنت وقلة ادبها
أيه ؛ يا امه بتهزر معاكى
مصطفى ؛ خودى يا شيموال 5 الاف جنيه بتوع كل شهر اهم
شيمو ؛ تسلم يا اخويا ربنا يخليك لينا وما يحرمنا منك ابدا
أيه ؛ تميل على امها ايه يا امه هو دا اللى اتفقنا عليه ؟
شيمو ؛ اصبرى يا بنتى بس مينفعش اودام مراته وولاده نتكلم
أيه ؛ ماشى يا امه
شيمو ؛ بقولك يا ايه مصطفى يا اخويا انا كنت عايزاك فى موضوع كدا تعالى معايا نتكلم فى اوضتى شوية
مصطفى ؛ خير يا شيمو ؟
شيمو ؛ تعالى بس معايا الاوضه وانا هقولك .... تعالى يا أيه معنا
وبعدها يجسلوا مع بعضهم الثلاثه فى الاوضه
مصطفى ؛ خير يا شيمو فيه ايه ؟
شيمو ؛ بصراحه كدا يا مصطفى بص انا هقولك على موضوع كدا بس متزعلش منى احنا اخوات بس انا لازم اقولك
مصطفى ؛ خير قلقتينى اتكلمى
شيمو ؛ بص طيب اصل الموضوع انه هقولك ايه بس اصل الحكايه
مصطفى ؛ الله ما تتكلمى يا شيمو فيه ايه
شيمو ؛ يوووووووووووووه مش قادره اتكلم
أيه ؛ بعد اذنك يا امه انا هتكلم
مصطفى ؛ خير يا أيه
أيه ؛ بص يا خالى انت عارف انى متعلمه ومعايا بكالريوس تجارة وبتقدير عالى كمان
مصطفى ؛ عايزة ايه طيب عايزانى اشغلك معايا فى المصنع
أيه ؛ هههههههههههههههه لا ما هو انا لسه جيالك فى الكلاام انا كدا كدا هشتغل فى المصنع وهيبقى زيى زيك يا خالى
مصطفى ؛ نعــــــــــــــــــم انتى بتخرفى تقولى ايه .. فيه ايه يا شيمو ما تعقلى بنتك
أيه ؛ خليك معايا انا يا خالى وسيبك من امى دلوقتى
مصطفى ؛ اخلينى معاكى ايه فهمينى ايه معنى كلاامك دا
أيه ؛ انا عرفت منى امى انك بتدينا ال 5 الاف جنيه دول بتوع كل شهر مكسبنا فى مصنع الالبان !!!!!!!!!!! الكلاام دا صح يا خالى
مصطفى ؛ يقوم من على الكرسى ايوة صح فيه ايه ؟
أيه ؛ استريح بس يا خالى الكلاام لسه طويل
مصطفى ؛ ايوة وبعدين
أيه ؛ احنا عايزين بقى نزود النسبه دى كل شهر وانا امسك مديرة حسبات الشركه
مصطفى ؛ انتى اتجننتى بتقولى ايه انتى اتهبلتى يا بنتى انتى
أيه ؛ لو سمحت يا خالى تكلمنى بإحترام هو دا مش حق امى .. هيا امى مش ليها نص المصنع ؟؟
مصطفى ؛ ايوة ليها نص المصنع
أيه ؛ طيب خلاص لما ليها نص المصنع هو المصنع بيكسب 10 الاف فى الشهر علشان يبقى مكسبنا 5 وانت 5
مصطفى ؛ لالالالالالالالالالالالالالالا دا انتى اتجننتى رسمى بقى انتى جيه بعد العمر دا كلوا تحسبينى
أيه ؛ يا خالى لو امى ست مش متعلمه والزمن دار عليها فانا متعلمه وفاهمه كل حاجة
مصطفى ؛ فاهمه ايه بقى يا ناصحه؟
أيه ؛ فاهمه ان مصنع البان كبير زيى دا اقل شئ يكسبله فى الشهر 100 الف جنيه يعنى لو طلعت اجرة العمال والموظفين والمهندسين والضرايب والميه والكهرباء هيصفالك ما يقرب من 70 الف جنيه يعنى نسبتنا فى الشهر 35 الف جنيه جاى انت تدينا كل شهر 5 الاف وتضرب على ال 30 الف يعنى انت تاخد 65 الف جنيه كل شهر
شيمو ؛ يا لهوى يا مصطفى بقى انا أامنك كل دا على نصيبى وتطلع بتسرقنى انا وولادى يا قهرى وحزنى يا امه
مصطفى ؛ العرق يملأ جميع جسده ويشرب كوب ماء
أيه ؛ قولت ايه يا خالى فى كلاامى دا
مصطفى ؛ بصى يا أيه انا ممكن ازودلكم النسبه شوية
أيه ؛ يعنى ايه
مصطفى ؛ يعنى انا ممكن ااديكم 15 الف جنيه فى الشهر
أيه ؛ طيب والباقى بقى
مصطفى ؛ الباقى دا حق ما بدرلكم نصيبكم فى المصنع
أيه ؛ لالالالا يا خالى ما انا قولتلك انى هاجى امسك حسبات الشركه يعنى اعتبر بدير نصبنا
مصطفى ؛ طيب بصى بقى يا أيه علشان شكلك كبرتى وعقلك فلت منكانتوا مش هتاخدوا اكتر من 20 الف جنيه ومش هزود عن كدا خالص
ولو نطقتى بكلمه كمان اعتبرى ملكيش حاجة لا انتى ولا امك اللى قاعده
دى
شيمو ؛ انت اتجننت يا مصطفى دا ورثى فى المرحوم ابويا
أيه ؛ طيب ب صات يا خالى حقنا وهناخده وهنشوف يا انا يا انته
مصطفى ؛ اعلى ما فى خيلكم اركبوه
أيه ؛ القانون هو اللى هيفصل بينى وبينك يا خالى
مصطفى ؛ قانون ايه يا ام قانون مفيش حاجة تثبة انكم ليكم حاجة اصلا
أيه ؛ ماشى يا خالى يا انته الايام الجيه دى
مصطفى ؛ سلام يا قطه
أيه ؛ مع السلامه يا خلاى
ويترك مصطفى منزل اخته شيمو وهو فى حالة غير طبعيه
فى انتظار الحلقه القادمه ان شاء الله نشوف ايه اللى هيحصل
