زيدان يستقبل الأراضي الالمانية بالقبلات

نشرت صحيفة بيلد الألمانية واسعة الانتشار خبر وصول مهاجم بوروسيا دورتمند الألماني المصري محمد زيدان الى مطار دوسلدورف الألماني .

وأبرزت الصحيفة الألمانية صورة للمهاجم المصري وهو يقبل ارض مطار مدينة ديسلدورف الالمانية فرحا بعودته مرة اخرى لألمانيا .

وأجرت الجريدة الألمانية حوار مع الدولي المصري استعرضت فيه مشكلة التجنيد التي اعاقته عن العودة لألمانيا طوال الأربعة شهور الماضية.

وكان الدولي المصري -28 عاما- قد واجه مشكلة المنع من السفر الفترة الماضية بسبب طلبه للخدمة العسكرية وهو ما ترتب عليه اعفاء من الخدمة بسبب اصابة الركبة حسب ما ذكرت صحيفة بيلد.

وأكد لاعب فريق جمارك البورسعيدي السابق خلال الحوار مع الصحيفة أنه في حالة اشتياق شديد للعودة للفريق خاصة بعد ما تابع بداية الموسم حيث كان حزينا للغاية بسبب رغبته في العودة للملاعب سريعا.


المصدر :



http://www.yallakora.com/arabic/yk_news/details.aspx?id=133892&Catid=1&region=&newsregion=1&tourid=170&Selector=true

تسلمى يا جميل ع المتابعة
وربنا يوفقه

دى قله ادب مش اكترررررر


امال لو كنت رايح الحجاز كنت عملت ايه يا زيدان

هو انت كنت محبوس ولا فى معتقل

Oomnia كتب:دى قله ادب مش اكترررررر


امال لو كنت رايح الحجاز كنت عملت ايه يا زيدان

هو انت كنت محبوس ولا فى معتقل

لو سمحتم يا جماعه متكبروش الموضوع كل اللى حصل ان زيدان مبسوط انه رجع المانيا وهيقدر يكمل مشواره الاحترافى بعد ما كان مهدد انه ينتهى واحنا كمان مبسوطين ان زيدان مشكلته اتحلت لاننا عايزينه يكون وجه مشرفه لمصر فى الخارج لانه هو المحترف الوحيد الان اللى احنا فخورين بيه بجد واحنا كلنا بنحب زيدان وعايزينه يفضل فى الاحتراف لحد ميعتزل كوره وعارفين ان هو عفوى واكيد تصرفه ده جه عفويا جداااااااا ونابع من سعادته واحنا كمان سعداء علشانه

انا لما جبتلكم الخبر ده كان هدفى انكم تعرفوا ان الحمد لله زيدان مشكلته اتحلت وهيرجع للملاعب قريب ان شاء الله ويكمل مسيرته المشرفه مش عشان تقلبوا عليه خالص ولا يضايقكم الموقف

احنا بنحب زيدان ومينفعش احنا نغلط فيه لانه لعيب من اللى رفعوا راسنا بجد

لا يا سلمى فى مليون طريقه يفرح بيها يعنى ايه يبوس الارض هو احنا كنا بنعذبعه هنا ولا ايه المفروض ان دا حد ندو 28 سنه يعنى فاهم وواعى هو بعمل ايه


احنا مكناش بنضربه ولا معتقلينه هنا لو عايز يكسب بيها حب الالمان بقولو لاء يا زيدان هما مش بتو عواطف زينااااا

Oomnia كتب:لا يا سلمى فى مليون طريقه يفرح بيها يعنى ايه يبوس الارض هو احنا كنا بنعذبعه هنا ولا ايه المفروض ان دا حد ندو 28 سنه يعنى فاهم وواعى هو بعمل ايه


احنا مكناش بنضربه ولا معتقلينه هنا لو عايز يكسب بيها حب الالمان بقولو لاء يا زيدان هما مش بتو عواطف زينااااا

بصراحه انا شايفه انه تصرف عادى يعنى واذا زيدان بيحب المانيا وده منطقي لانه عشان فيها سنين ده ميمنعش ان مصر بلده وبيحبها اكتر من اى حاجة تانيه وعشان كده اداها كتير ويمكن حرصه ان يرجع المانيا وسعادته دى تكون جزء من حبه لمصر عشان عايز يشرفها والتصرف ده ميقولش انه كان محبوس هنا ولا حاجه اللى يعرف زيدان كويس من خلال كلامه فى اى مكان يعرف هو اد ايه بيحب مصر وبيشتاقلها


انا شايفه ان مفيش داعى للهجوم عليه حتى لو كان غلط مش معنى كده اننا ندبحه احنا كلنا بنغلط والمفروض فى الوقت ده احنا نفرحله ونشجعه يرجع احسن من الاول

عموما ده رايك والاختلاف فى الراى لا يفسد للود قضيه




مبرووووووووووووووووووووووووك لزيزو وان شاء الله من نجاح للنجاح



شكرا على ردك نورتي

دا انسان منافق ما كنت تبوس ارض بلدك زز بس احنا لازم نطبل لزيزو

samy10 كتب:دا انسان منافق ما كنت تبوس ارض بلدك زز بس احنا لازم نطبل لزيزو

شكرا على مرورك يا سامى وبصراحه كل واحد وله وجهة نظره فى الموضوع ده
ممكن يكون غلطان وممكن لا بس الاكيد اننا مش لازم ندبحه