اهلا بيكم معانا فى رابع حلقه من برنامجكم رمضان منورنا
وانهارده معانا المشرف الجـــــــــــــــــــــامد جدا
ميــــــــــــــــــــــــــــــــــــــــــــــــــــــــدو
اهلا بيك يا ميدو منور الحلقه يا واد
يارب تعدى على خير يعنى
ازيك يا ميدو؟
الحمد لله تمام
واخبارك ايه؟
اهو ماشى الحال الحمد لله
هاله: الحمد لله
هاله: احكيلنا يومك فى رمضان بيبقى عامل ازى بالتفصيل؟
انا بفطر بعد ما المدفع بيضرب زى باقى الناس يعنى
هاله: لا ياراجل مش ممكن ده المعلومه الجامده دى
وبعدين باقوم اصلى المغرب
وبقعد شوية قدام التلفزيون
وبعد كدة اصحابى بيعدو عليا ننزل نصلى العشاء والتراويح
بس بأمانة مبنصليهاش كلها يعنى دايما
وبعد كدة بنروح نلعب بلاى استيشن
: نخلص ع الساعة 12 كدة
: وبعد كدة بروح البيت
عندنا فى المسجد بتاعنا صلاة التهجد طوال شهر رمضان فلما بطلع البيت اقعد شوية ع النت لحد الساعة 2 كده
وبعد كدة انزل اروح الجامع انا وبعض اصحابى
ونقعد فى الجامع شوية لحد ما نتسحر بنجهز السحور فى الجامع
eedo: انا واصحابى وبعض الشيوخ
وبعد كدة بنقعد نتسحر
ونصلى الفجر
: واطلع انام لحد الظهر
: اصلى الظهر
: واقعد اقرأ قرأن
: لحد العصر واصلى العصر
: وبعد كدة اروح العب كورة لحد المغرب
: وهو ده يومى فى رمضان
هاله:ايه اللى اختلف فى رمضان زمان عن دلوقتى ؟
اختلف ان كل حاجة اساسية غليت من الاكل واللعب والفوانيس والزينه وكل حاجة غليت وكمان الجو حر جدااا واحيانا الصيام بيبقى صعب
هاله: اكتر حاجه بتحب تعملها فى رمضان؟
احب اعمل حاجات كتير طبعا بعد الصلاة وقراة القرأن العب كورة وبلاى استيشن
هاله:ايه اللى كنت بتعمله زمان فى رمضان ومبقتيش بتعمله دلوقتى؟؟
زمان احيانا كنت ساعات مبصليش وانام طول النهار بس حاليا الحمد لله مواظب
هاله: الحمد لله
هاله:الاكل بقى يا ميدو ايه اخبارك معاه واحده واحده كده وبراحتك ع الاخر قولنا الاكلات المفضله ليك بقى ؟
انا بحب جميع المؤكلات الحمد لله لكن ف رمضان بقى بشوف انواع واختراعات كتيير ف الاكل بتعجبنى اوى وانا عامة بفضل الفراخ والرز وصينية البطاطس
هاله:اكيد مش ناسي اول يوم صيام وانت صغير احكى احكى انا عارفه الفضايح ؟
هههههههههههههههههههه طب وليه الفضايح
بصراحة انا لما كنت ف ابتدائى كنت بفطر طول مانا فى المدرسة ولما اروح اعمل نفسى فيها تعبان من الصيام وماما تأكلنى كمان كنت سوسة ههههههههههههه
هاله:هههههههههه يا سوسه
ميدو: ههههههههه
هاله: احكيلنا بقى اكيد اكيد حصلك مواقف متتنسيش فى رمضان احكيلنا عليها؟
هو حصل كتيييييييير بس مش مميزين يعنى بس هاقول موقف حصل معايا من يومين كدة هو موقف مستفز شوية احنا عادة بعد التراويح بنروح نلعب بلاى استيشن ياما نلف فى المدينة ففاليوم ده روحنا المحل اللى بنلعب فيه عادة الكهربة بقت كل 5 دقايق تقطع وتيجى المهم سبنا المحل ده وروحنا منطقة تانية خالص يكون النور فيها موجود اول ما نوصل النور يقطع بصراحة اضايقنا اوى وانا بالذات لانى كنت مستحلفلهم انى هاقطعهم فى البطولة بتاعت اليوم ده فى البلاى استيشن فاكنت حاجة مستفزة والنحس كان ورانا
هاله:
هاله: ايه البرامج اللى بتحب تشوفها فى رمضان؟
اول مرة فى رمضان السنة دى متابعش حاجة خالص وبعتبر التلفزيون مش موجود
هاله: احسن والله
هاله:اكيد كنت زمان بتتفرج على مسلسلات كرتون فى رمضان كنت بتحب تتفرج على ايه بقى؟ بكار حاجة اساسية وظاظا وجرجير
هاله:اختار خمس اعضاء تحب توجهلهم كلمه؟
انا بقول ليكى ولعلى ميرسى جدااا ع استضافتكم ليا وبشكركم جداا ع مجوهودكم ف البرنامج وبقول لكل الاعضاء كل سنة وانتو طيبين وربنا يعود علينا الايام دايما بخير
هما دول خمسه
ماشى ماشى براحتك
فى نهاية البرنامج بنشكرك يا ميدو جدا وبنقولك كنت منورنا والله يا ميدو
وانا كنت سعيده جدا انى معاك واكيد انت عارف
ربنا يخليكى يا هالة وانا والله كنت اسعد
شكرا ليكم وانتظروا باقى حلقات رمضان منورنا
مع تحيات
عــــــــــــــــــــــــــــــــلى &هـــــــــــــــــــاله
