فى حب مصر

ليكى.. بعيش بيكى.. وأموت فيكى.. عن الأحزان أداريكى
وأفتح قلبى أخبيكى.. عن الأيام وأقدارها
وأقيد لك صوابعى شمع فى العتمة أنورها
وأضرب بإيدى أراضى البور أخضرها
تطرح ورود ياسمين وبالياسمين أهاديكى

أنا ليكى.. هقسم عمرى وأديكى.. وأطول أحلامى بإيديكى
و لو غاب القمر فى الليل هلاقى ضيه فى عينيكى
ينور لى لياليا ويمسح دمعى فى عينية
ولما بتوه بناديكى وألاقيكى حواليا.. أنام وأرتاح على إيديكى

أنا ليكى بموت فيكى فى عز الجرح أواسيكى
ويوم الفرح أهنيكى وبروحى ودمى أفديكى

أنا ليكى.. بموت فيكى وأعيش ليكى!!!