يا مصر ليه ولادك مش فاهمين
إننا إخوة فى الدم والوطن والدين
ومفرقناش أبدا يوم بين
جرجس ومحمد ومينا وحسين
طول عمرنا حضنك بيضمنا
وسماكى بتضلل علينا وتحمينا كلنا
ليه التعصب يفرق شملنا ويعكر صفونا
واحنا السماحة فى طبعنا
والطيبة مشهور بيها شعبنا
لازم نصحى ونفوق لنفسنا
ده احنا مفيش حد زينا
ونقول للتعصب لا وألف لا
دى بلدنا أرض الانبيا
موسي.. عيسى..محمد
كلهم حملوا رسالة من ربنا
ومننساش فى حروبنا
عمر الرصاصة ما فرقت بين
جرجس و محمد ومينا وحسين
كلهم استشهدوا ودفعوا حياتهم فدا للوطن
اللى عايشين فى ضله كلنا
بعد ده كله عاوزين تفرقوا
بيننا ....ده بعدكم
إحنا متمسكين ببعضنا
