قصيده رائععععععععععععععه وتستحق القراءه فعلااااااااااا ...
حلمك العربى .. القديم
اندفن .. تحت التراب
لما .. قامت الحريم
يوم .. ما نامت الجنود
يوم .. ما ماتت الأسود
احنا .. مالنا بالجدود
احنا .. ماضين العقود
يعنى .. بنفذ بنود
واتفقنا .. فى العهود
نبقى .. حلفا لليهود
كنا .. اعوان الشيطان
والضمير .. العربى هان
لما .. سيبنا الأمريكان
يزرعوا .. بينا الخناق
يحصدوا .. منا الولاء
يدخلوا .. ارض العراق
ميلاقوش .. واحد يحوشهم
واحنا .. بنساند جيوشهم
بالعبور .. وسط الموانى
ويا .. بترولى وغازى
واسرائيل ..شمت نفسها
مستحيل .. حد ينافسها
والمارينزى .. جه وحرسها
من يوميها .. العدل مات
والضمير .. اصبح رفات
جوه .. متحف انتيكات
واحنا .. ادمنا السكات
يعنى .. شعب مالهش قومه
احنا .. خدام الحكومه
والحكومه .. امريكانى
ليها .. طعم وشكل تانى
مهما .. تبقى مجوعانى
لما تضرب .. فينا واحد
كله يجرى .. على التوازى
احنا .. عباد اللى حاكم
احنا .. عشاق اللى ظالم
احنا .. رجلين الكراسى
شعب واقف .. على النواصى
كله .. متخدر وتايه
مش هيبقى .. انحيازى ؟؟
شعب جاع .. مرفضش جوعه
واما ضاع.. رافض رجوعه
شعب .. بيأكد ركوعه
شعب بيعذب .. فى روحه
شعب .. مستعذب جروحه
شعب .. راضى بديكتاتوره
طول حياته .. فى حكم نازى
ايه ... ياغزه؟؟؟
هو ده الشعب ال طالبه منه عزه
هى دى الأمه ال تستناها غزه
لا ياغزه..فوقى من وهم العروبه
طوبى ليكى .. يا غزه طوبى
ابنى صرحك .. طوبه طوبه
وارجمينا .. بألف طوبه
------------- زينات القليوبى
