انت محترم جدا يا عمدة

عايزين يا جماعة لو خبر احتراف متعب دا نهائي كلنا نباركله وندعيله وانا كنت عايزة اشكر عضوة موجودة في المنتدى اسمها هدى موسى لانها كانت عاملة موضوع اسمه كفاية انانية انا بشكرها جدا لان كل كلمة قالتها انا كنت عايزة اقولها ويايرت بلاش نحجر على مستقبله وهو اكيد فكر وحسبها صح وعارف ايه الانسب ليه وانا متاكدة ان كل الاعضاء في المنتدى بيدعوله لكن انا بتكلم على مواقع تانية ومنتديات شايفة انه نادي ضعيف وشايفة ان عماد قليل الاصل ودي حاجة غريبة جدا الدوري البلجيكي اكيد متشاف اكتر منا الدوري المصري بكتير ومش اول ما هيحنرف هيروح برشلونة ومش كل ما هتيجي حاجة هيقول لا استنى لازم يبقى فيه خطوة وبعدها خطوة اكبران شاء الله وهو قال وبرر انه لو وافق هيبقى عشان ان كل النوادي مستنة كأس العالم ودي حقيقة فعلا كلنا عارفنها من قبل كدا وكمان متعب عمره ما كان قليل الاصل مع الاهلي ولعب بروح ورجولة لاخر دقيقة في عقده ولعب ماتشين وهو مصاب وكان ممكن الاصابة تزيد وتأثر عليه بس هو فضل مصلحة النادي حد غيره كان قال انه كدا كدا ماشي ويخاف على نفسه اعتقد ان لاعب زي دا يستاهل كلمة شكر وتقدير وانا متأكدة ان الاهلي فاهم ومقدر لكن المشكلة في الناس اللي شايفة ان من حقها تقول من يقعد ومين يمشي وشايفة ان من حقها تقرر بالنيابة عنه عيب بجد لان دي انانية وانانية زيادة اوي كمان ودي ناس مع احترامي الكامل ليها متعرفش يعني ايه كورة ويعني ايه احتراف وبغض النظر عن الكورة كل انسان حر في قراراته مادام مبيضرش حد ومحترم في كلامه وقراراته وعمرنا ما شوفنا من العمدة غير كل احترام واسفة بجد لاني طولت عليكو اوي

ميرسى ع التوبيك والقرار للعمده ف الاول والاخر احنا بس علشان بنحبه وعايزينه يبقى احسن واحد بنقول ان العرض دا مش يليق بيه بس الواحد لازم يمشى خطوة خطوة وبرضه رالقرار ف الاول والاخر ليه هو وبس واحنا علينا ندعيله بالتوفيق والسعاده
ربنا يوفقك ياعمده ويسعدك ياااااااااااااااااااااااااااارب

ميرسي جدا يا T!TaN!c ويا marem للردود وان شاء الله التجربة دي تبقى خطوة لحاجة احسن بكتير وهو دوري بيتشاف بشكل كويس وان شاء الله العمدة هينجح لانه شخصية ملتزمة ومحترمة

thx for ur words
i'm totally agree with you

وانا كنت عايزة اشكر عضوة موجودة في المنتدى اسمها هدى موسى لانها كانت عاملة موضوع اسمه كفاية انانية انا بشكرها جدا لان كل كلمة قالتها انا كنت عايزة اقولها

ميرسى جدا يا قمر
كلنا بنحب متعب ودى حقيقه




ويا جماعه اكيد عماد فكر مليون مره قبل ما ياخد قرار الرحيل
وعماد عمره ماكان قليل الاصل
ده كفايه لما كابتن مدحت شلبى كان بيكلمه من لندن قاله انت موقعتش ليه عماد قاله مينفعش اوقع بدون علم اداره النادى الاهلى
وقال لازم انزل مصر واعد مع الاداره ومع كابتن احمدحسن لخبرته بالكوره فى بلجيكا
يعنى عماد لازم ياخد قرار صح مليون فى الميه واكيد عارف مصلحته فين
ومش لازم الاعب يروح نادى كبير مره واحده لازم ياخد الحاجات اللى زى ديه براحه عشان ميندمش على حاجه بعد كده

وربنا معاك يا عماد وبالتوفيق يا بطل
وهو كان قال انه هيعلن انه وقع واو لا الخميس او الجمعه
ادينا مستنين

وعلى فكره انا مشتركه فى منتديات كتير اوى وناس كتير اوى بتحب متعب وقالت انه نادى صغير بس انا رديت وقولت نفس الكلام وعلى العموم ربنا يوفقه فى اى مكان

ربنا معاه وان شاء الله و يحقق حلمه فى الاحتراف الخارجى
ربنا يسعدك يا عمده

ميرسي جدا لردك يا هدى وكلامك في منتهى العقل اكيد كابتن عماد فكر كتير جدا قبل ما ياخد القرار دا والدوري البلجيكي في اي حال من الاحوال اقوي من الدوري المصري ومتشاف اكتر وسواء راح بلجيكا او لي نادي تاني فاحنا كل اللي نقدر عليه ان ربنا يوفقه ويحققله كل اللي بيتمناه