السلام عليكم ورحمه الله
فى الاول عايزه اقولكم وحشتونى جدااااااااا لكن ظروف الثانويه العامه
(ربنا يعديها على خير
)المهم ندخل فى الموضوع
احنا قد ايه بنعد على النت ؟ وقد ايه بتقعد على الشات والمنتديات والفيس بوك والمواقع واليوتيوب .....وغيرها
ومن كتر الحاجات الى موجوده نقدر نعملها مش بنبقى عارفين نبدا بايه ولا ايه ؟!
-(خصوصا الى بيبقوا بقالهم فتره مش بيعدوا
)-طب واحنا قاعديين فكرنا قبل كدا اننا ناخد دقيقه من الوقت بتاعنا دا عشان ناخد حسنات ؟!!
طبعا فى ناس كتير حيقولولى انى لسه قايله دلوقتى اننا مش بنبقى عاؤفين نعمل ايه ولا ايه لان ساعات بيبقى الوقت قصير ...دا غير كمان ان اقصر حاجه اننا نعمل موضوع دينى ولسه حندور ونزل ...
طب لو لقينا طريقه ناخد بيها حسنات فى دقيقه واحده من موقتنا ....
دقيقه واحده واخد حسنات ..؟!!
اه ومش حسنه واحده كدا وخلاص لا دا انت ممكن كمان تاخد عليها حسنات وانت مش اعد على الجهاز وقمت خلاص .
وانا مش اعد كمان حاخد حسنات ... !؟!!
اه ومن غير مجهود منك ... ذى ما قولت فى دقيقه واحده ويمكن اقل كمان .
طب ازاى دى ...؟!!
قبل ما اقولك ازاى ..انت عارف ان الحسنه بعشره امثالها والله يضاعف لمن يشاء ....
اه طبعا عارف ..
اقولك بقى ازاى... سلسله {اعمل لاخرتك..فى اقل من دقيقه}
مش انا بس الى حعملها كلنا حنعملها مع بعض من خلال اكتر من توبيك ...
*بلغوا عنى ولو ايه ... حيبقى هدفنا اننا نجمع احاديث الرسول صلى الله عليه وسلم
*وقل ادعونى استجب لكم ... هدفنا نجمع ادعيه صغيره نقدر نستخدمها فى حياتنا
وغيرها من الموضوعات الى احنا كلنا حنعملها مع بعض
*ده غير توبيك حنعمله يبقى مناقشه بينا عن الطرق الى نقدر نجمع بيها ثوابات من خلال اعدتنا على النت فى اقل وقت وفى نفس الوقت نكسب منه حسنات كتير
التوبيكات حتبقى فكرتها سهله جدا وحنكسب كلنا ثوابات فوق ما نتخيل وفى اقل من دقيقه....
سلسله اعمل لاخرتك فى اقل من دقيقه ....فى القسم الاسلامى ...قريبا
ياريت اعرف رايكم ....
