ف عز الليل
وقمره شعاها بينور
انا وقلبى ساعات نسهر
يدور بينى وبينه كلام
واقوله يا صاحبى تتصور
انا باين هحب بجد
عشان زاد الحنين جواك
وفاض الحد
الاقى ملامحه تتغير
ويتخير..
ما بين حيرته
وبين فرحه تصحى النبض ف مسيرته
ما يقبل انه يتغير
ويعشق انه يتحير
على دروب الخيال حبه
على دمعة شموع قايده
على نسمه تحب تكون
نغم صافى
حنان دافى
ولا تعرف ف لحظه تخون
ولا تجافى
ومن نبضه ف عز الليل
بيكتب بالغنا مواويل
عن الاحباب
عن الحب اللى سابنا وغاب
ويحلم من صفا روحه
بدنيا من الوفا تشقشق
يطيب قلبه مع جروحه
اذا كان حلمه يتحقق
