السلام عليكم ,
- بعد يوم صعب وشاق تمكن المنتخب المصري للشباب من تحقيق اول فوز لة في بطولة كأس العالم للشباب U 20
بعدما فاز علي منتخب ترينداد وتوباجو 4/1 سجل اهداف مصر
[ حسام عرفات " هدفين " محمد طلعت و عفرتو ]
--------------------------------------------------------------------------------
احكي لكم قصتي منذ النزول من البيت وحتي الخروج من الاستاد ,
الساعة الحادية عشر : النزول من البيت متجهاً الي " نادي الاتحاد السكندري " حيث تجمع الاتوبيسات المتجهة الي برج العرب ,
التحرك كان في الساعة " الواحدة ظهراً "
حتي الان لا يوجد اي مشاكل في الذهاب للاستاد " وان كان الساعة الواحدة هو بدري جداً "
بعد الوصول الي الاستاد , الاتوبيس نزلنا قدام باب 5 وقالو اننا حنخش من باب رقم " 7 " ومشينا الحبة دول
وسط الحصنة والامن المركزي والاتوبيسات اللي ملهاش عدد
وصلنا باب " 7 " وكان الحمد لله تقريباً فاضي ودخلنا بسهولة جداً وبعدين مشينا جوة الملعب كثييير علي بال ما وصلنا للبوابات
الالكتورنية , قعدو يقولونا الكترونية الكترونية وفي الاخر محدش دخل منها وكانت مقفولة وكلة دخل من مكان تاني
والتفتيش كان عادي جداً ومفهوش حاجة
اخدو بس الولاعات لكن الازايز والكانز دخلناها عادي وانا كان معايا شنطة فيها كل حاجة ودخلت عادي جداً ومحدش فتشها
المهم دخلنا الاستاد وقعدت في الدرجة التانية " في وش المقصورة "
وانا نفسي اعرف اللي بني الاستاد مفكرش انة " يلف " التندة اللي عند المقصورة علي الملعب كلة
عشان جمال الملعب اولاً وراحة الجمهور " الغلبان " من الشمس ..!!
ولا يعني عشان بتوع الدرجة التانية دافعين اقل يبقي لازم نتعذب في الشمس ..!
المهم دخلنا علي الساعة 3 الا ربع كدة وكان مدرجات الدرجة التالتة شمال تقريباً اتملت علي الاخر وكمان مدرجات الدرجة التانية
كانت شبهة مليانة وكان فيها شوية " عساكر " من اللي بيلبسو الوان بيض شم النسيم
بس في واحد ظابط جية اخدهم كلهم ورموهم ورا الجون مع بعض ,
المقصورة بس اللي كانت لسة مش مليانة ومفهش حد خالص الا القليل ,!
الصور دي اول ما دخلت علي الساعة 3 وشايفين الملعب مليان ازاي ؟!
في الدرجة التالتة في شوية " كانو لابسين جلاليب لونها ابيض " دول بقي العرب بتوع برج العرب والحتت دي
وكانو واخدين المنطقة دي لوحدهم
الصورة دي والشمس " اخيراً " ابتدت تغرب بعد احنا ما " اتحمصنا "
قبل الغروب بشوية كان تقريباً كل المدرجات اكتملت والمقصورة اتملت عن اخرها
الشمس غربت اخيراً واحنا قاعدين مستنين حفل الافتتاح اللي حيبتدي الساعة 6.30 والناس بتقول
هو فين الرئيس ؟ الحفل فاضلة 5 دقائق ولسة مجاش
وكمان فين بلاتر وابو ريدة حسن صقر ..!
بنبص علي الساعة 6.29 لقينا 2 طائرة هليكوبتر نازلين في مكانهم عند الملعب ,
يعني قبل دقيقة واحدة من حفل الافتتاح واحنا قاعدين من واحدة الصبح في الشمس
يلا مش مشكلة اهو كلة يهون عشان خاطر مصر
حفل الافتتاح كان مبهر مبهر بجد وعمرو مصطفي كان رائع
واللي مشافش حفل الافتتاح في الملعب يبقي فاتة نص عمرة ومش حيقدر يحكم من التلفزيون اللي بين ربع جمال الحفل
انما في الملعب حاجة تانية خالص ,
المهم مقدرش اصور ولا صورة عشان التفاعل مع اغنية عمرو مصطفي والحفل الجميل اللي خيليك تسيب اي حاجة
وتركز معاة
وبدأ الماتش بعد القاء كلمة بلاتر وحسن صقر وابو ريدة " اللي مش عارف يرفع ولا ينصب
بعد الفوز والحمد لله ,
خرجنا من الاستاد ومعانا 74 الف متفرج في الشارع ,
الخروج مكانش في تنظيم خالص فاتحين لينا ابعد بوابة من الملعب ومش راضين يفتحو البوابات التانية مع انها اقرب لينا
واحنا كثير معرفش دماغهم فيها اية
المهم طبعاً احنا المصرين اتصرفنا وبقي من علي سور البوابات ونط
المنظر مكانش حلو بس المفروض كانو يفتحو كل البوابات مكانش حد عمل كدة
بعد ما خرجنا من الاستاد
وعلي بال ما دورنا علي الاتوبيس اللي يوصلنا من مكان ما جبنا في وسط الزحمة قعدنا بتاع ساعتين ونص
وبعدين وصلنا اخيراً كل واحد في بيتة والحمد لله
ملاحظات :
- لاعبي مصر نزلو قبل الماتش بساعتين الي ارض الملعب ولفو الملعب كلة بيحيو الجمهور وكان شكلهم مش مصدقين كم الجماهير
اللي موجودة في الاستاد
- وكان الجمهور قاعد ينادي علي محمد طلعت
- كان في جمهور من تريندا وتوباجو " اتوبيس واحد " مش عارف كانو قاعدين فين بس شوفتهم بعد الماتش
وقعدو يحيوا مصر ويقولو " مية مية " بالاشارات وكانو فرحانين معرفش لية
- الشاشتين الموجوين في الملعب كانو بيجيو الاعادة " متأخرة " يعني مثلاً ساعة الجون سعات الشاشة بتقف
وبعدين تبدأ تشتغل والكورة في الشبكة افتكرنا انها حتحصل مرة واحدة بس اتكررت في كل اللعبات
- الرئيس " محمد حسني مبارك " جية الاستاد في طيارة هليكوبتر ومشي في الطيارة برضك
--------------------------------------------------------------------------------
استاد " برج العرب " تحفة فنية بجد من برة الاستاد ومن جواة وفي كافتريات وحمامات وملاعب فرعية
الارضية بتاعهم احسن من الاستاد نفسة
لو ينفع يلعبو علية باقي مباريات مصر تبقي حاجة جميلة واكيد حنكون موجودين بنفس العدد واكبر كمان
وبالتوفيق لمصر دائما ,
- بعد يوم صعب وشاق تمكن المنتخب المصري للشباب من تحقيق اول فوز لة في بطولة كأس العالم للشباب U 20
بعدما فاز علي منتخب ترينداد وتوباجو 4/1 سجل اهداف مصر
[ حسام عرفات " هدفين " محمد طلعت و عفرتو ]
--------------------------------------------------------------------------------
احكي لكم قصتي منذ النزول من البيت وحتي الخروج من الاستاد ,
الساعة الحادية عشر : النزول من البيت متجهاً الي " نادي الاتحاد السكندري " حيث تجمع الاتوبيسات المتجهة الي برج العرب ,
التحرك كان في الساعة " الواحدة ظهراً "
حتي الان لا يوجد اي مشاكل في الذهاب للاستاد " وان كان الساعة الواحدة هو بدري جداً "
بعد الوصول الي الاستاد , الاتوبيس نزلنا قدام باب 5 وقالو اننا حنخش من باب رقم " 7 " ومشينا الحبة دول
وسط الحصنة والامن المركزي والاتوبيسات اللي ملهاش عدد
وصلنا باب " 7 " وكان الحمد لله تقريباً فاضي ودخلنا بسهولة جداً وبعدين مشينا جوة الملعب كثييير علي بال ما وصلنا للبوابات
الالكتورنية , قعدو يقولونا الكترونية الكترونية وفي الاخر محدش دخل منها وكانت مقفولة وكلة دخل من مكان تاني
والتفتيش كان عادي جداً ومفهوش حاجة
اخدو بس الولاعات لكن الازايز والكانز دخلناها عادي وانا كان معايا شنطة فيها كل حاجة ودخلت عادي جداً ومحدش فتشها
المهم دخلنا الاستاد وقعدت في الدرجة التانية " في وش المقصورة "
وانا نفسي اعرف اللي بني الاستاد مفكرش انة " يلف " التندة اللي عند المقصورة علي الملعب كلة
عشان جمال الملعب اولاً وراحة الجمهور " الغلبان " من الشمس ..!!
ولا يعني عشان بتوع الدرجة التانية دافعين اقل يبقي لازم نتعذب في الشمس ..!
المهم دخلنا علي الساعة 3 الا ربع كدة وكان مدرجات الدرجة التالتة شمال تقريباً اتملت علي الاخر وكمان مدرجات الدرجة التانية
كانت شبهة مليانة وكان فيها شوية " عساكر " من اللي بيلبسو الوان بيض شم النسيم
بس في واحد ظابط جية اخدهم كلهم ورموهم ورا الجون مع بعض ,
المقصورة بس اللي كانت لسة مش مليانة ومفهش حد خالص الا القليل ,!
الصور دي اول ما دخلت علي الساعة 3 وشايفين الملعب مليان ازاي ؟!
في الدرجة التالتة في شوية " كانو لابسين جلاليب لونها ابيض " دول بقي العرب بتوع برج العرب والحتت دي
وكانو واخدين المنطقة دي لوحدهم
الصورة دي والشمس " اخيراً " ابتدت تغرب بعد احنا ما " اتحمصنا "
قبل الغروب بشوية كان تقريباً كل المدرجات اكتملت والمقصورة اتملت عن اخرها
الشمس غربت اخيراً واحنا قاعدين مستنين حفل الافتتاح اللي حيبتدي الساعة 6.30 والناس بتقول
هو فين الرئيس ؟ الحفل فاضلة 5 دقائق ولسة مجاش
وكمان فين بلاتر وابو ريدة حسن صقر ..!
بنبص علي الساعة 6.29 لقينا 2 طائرة هليكوبتر نازلين في مكانهم عند الملعب ,
يعني قبل دقيقة واحدة من حفل الافتتاح واحنا قاعدين من واحدة الصبح في الشمس
يلا مش مشكلة اهو كلة يهون عشان خاطر مصر
حفل الافتتاح كان مبهر مبهر بجد وعمرو مصطفي كان رائع
واللي مشافش حفل الافتتاح في الملعب يبقي فاتة نص عمرة ومش حيقدر يحكم من التلفزيون اللي بين ربع جمال الحفل
انما في الملعب حاجة تانية خالص ,
المهم مقدرش اصور ولا صورة عشان التفاعل مع اغنية عمرو مصطفي والحفل الجميل اللي خيليك تسيب اي حاجة
وتركز معاة
وبدأ الماتش بعد القاء كلمة بلاتر وحسن صقر وابو ريدة " اللي مش عارف يرفع ولا ينصب
بعد الفوز والحمد لله ,
خرجنا من الاستاد ومعانا 74 الف متفرج في الشارع ,
الخروج مكانش في تنظيم خالص فاتحين لينا ابعد بوابة من الملعب ومش راضين يفتحو البوابات التانية مع انها اقرب لينا
واحنا كثير معرفش دماغهم فيها اية
المهم طبعاً احنا المصرين اتصرفنا وبقي من علي سور البوابات ونط
المنظر مكانش حلو بس المفروض كانو يفتحو كل البوابات مكانش حد عمل كدة
بعد ما خرجنا من الاستاد
وعلي بال ما دورنا علي الاتوبيس اللي يوصلنا من مكان ما جبنا في وسط الزحمة قعدنا بتاع ساعتين ونص
وبعدين وصلنا اخيراً كل واحد في بيتة والحمد لله
ملاحظات :
- لاعبي مصر نزلو قبل الماتش بساعتين الي ارض الملعب ولفو الملعب كلة بيحيو الجمهور وكان شكلهم مش مصدقين كم الجماهير
اللي موجودة في الاستاد
- وكان الجمهور قاعد ينادي علي محمد طلعت
- كان في جمهور من تريندا وتوباجو " اتوبيس واحد " مش عارف كانو قاعدين فين بس شوفتهم بعد الماتش
وقعدو يحيوا مصر ويقولو " مية مية " بالاشارات وكانو فرحانين معرفش لية
- الشاشتين الموجوين في الملعب كانو بيجيو الاعادة " متأخرة " يعني مثلاً ساعة الجون سعات الشاشة بتقف
وبعدين تبدأ تشتغل والكورة في الشبكة افتكرنا انها حتحصل مرة واحدة بس اتكررت في كل اللعبات
- الرئيس " محمد حسني مبارك " جية الاستاد في طيارة هليكوبتر ومشي في الطيارة برضك
--------------------------------------------------------------------------------
استاد " برج العرب " تحفة فنية بجد من برة الاستاد ومن جواة وفي كافتريات وحمامات وملاعب فرعية
الارضية بتاعهم احسن من الاستاد نفسة
لو ينفع يلعبو علية باقي مباريات مصر تبقي حاجة جميلة واكيد حنكون موجودين بنفس العدد واكبر كمان
وبالتوفيق لمصر دائما ,
